Выбрать язык
Книги Ветхого Завета
Книги Нового Завета
с русским текстом1 Латикымше ийын, тылзын икымше кечынже мылам Господьын шомакше лийын:2 «Айдеме эрге! Иерусалим нерген Тир тыге ойла: ”А-а, пеш сай! Тудо калык-влаклан капка лийын, а кызыт тудым шалатыме. Ынде чыла мыланем лиеш! Тудым пустаҥдыме, а мый темам!”3 Садлан Господь Юмо тыге ойла: Тир, Мый тыйын ӱмбакет толам! Кузе теҥыз шке толкынжо-влакым нӧлта, туге Мый ӱмбакет шуко калыкым нӧлталам.4 Нуно Тирын пырдыжшым шалатат, башньыже-влакым сӱмырат. Тушеч пуракымат ӱштын луктам, тудын деч чара кӱм гына кодем.5 Тудо теҥыз вӱд покшелне вапшым шарен коштымо вер лиеш. Тидым Мый каласенам, – ойла Господь Юмо. – Калык-шамыч тудым аген пытарат,6 а тудын ӱдыржӧ-влак – теҥыз серыште улшо илем-влак – керде дене пытарыме лийыт. Тунам нуно пален налыт: Мый Господь улам.
7 Вет Господь Юмо тыге ойла: Мый Тир ӱмбаке йӱдвечын Вавилон кугыжа Навуходоносорым, кугыжа-влакын кугыжаштым, кондем – имне да орва-шамыч дене, имнешке-влак да кугу, виян сарзывий дене.8 Теҥыз серысе илемет-влакым тудо керде дене пытара, а тыйын йыр башне-влакым чоҥа, мланде кӱкшака-шамычым нӧлталеш, авыртыш-влакым шогалта.9 Пырдыжетым тудо пырдыжым шалатыше курал-влак дене сӱмыраш тӱҥалеш, башнет-шамычым саргурал дене шалата.10 Пеш шуко имньыштын нӧлталме пуракышт тыйым леведеш. Кунам тудо тыйын капкашкет шалатыме олашке пурымо семын пура, имнешке, орва да орава-влакын лӱшкымышт деч пырдыжет чытыраш тӱҥалеш.11 Имне-влакше уремлатым тошкен пытарат, калыкетым тудо керде дене пуштеда, чоткыдо колонно-влакетым сӱмырен кудалта.12 Поянлыкетым агат, сатуэтым поген налыт. Пырдыжлатым сӱмырат, мотор пӧрт-шамычетым шалатат, а кӱ ден пырнят-влакым, тый дечет кодшо чыла пудыргым теҥыз вӱдыш кудалтат.13 Кугу йӱкын мурыметлан Мый мучашым ыштем, арфе-влакетын йӱкышт тетла огыт йоҥго.14 Мый тый дечет чара кӱм гына кодем. Тый вапшым шарен коштымо вер лият, угыч чоҥымо от лий. Тидым Мый, Господь, каласенам, – ойла Господь Юмо.
15 Господь Юмо Тирлан тыге ойла: Кунам тыйын коклаштет шучко пуштедымаш лиеш да сусыргышо-шамыч кечкыжаш тӱҥалыт, тыйын сӱмырлымӧ йӱкет деч отро-влак огыт чытырналт мо?16 Тунам теҥыз серын онжо-шамыч престолышт гыч волат, шоҥалме вургемыштым налын кудалтат да тӱрлымӧ тувырыштым кудашыт. Нуно, чытырен, мландымбак шинчыт да, тый денет мо лиймым ончен, лӱдмышт дене чытырналт-чытырналт каят.17 Тыйын нерген нуно тыге шортын мураш тӱҥалыт:
”О, пытенат тый, чапланыше ола,
кушто теҥызыште коштшо-влак иленыт!
Лийынат тый теҥызын онжо,
тый шкеже да илышет-шамыч –
тендан ончылно чылан лӱдын чытыреныт!
18 Кызыт, тыйын сӱмырлымӧ кечын,
отро-влак чытырналтыныт,
тый пытенат, да отро-влакым шучкылык авалтен”.
19 Вет Господь Юмо тыге ойла: Кунам Мый тыйым пустам, нигӧ илыдыме ола-шамыч гайым ыштем, кунам ӱмбакет теҥыз келгытым нӧлталам, да тыйым кугу вӱд леведеш,20 тунам Мый тыйым вес тӱняш кайыше-шамыч деке, акрет годым илыше калык деке волтем. Мый тыйым мланде пундашыш вераҥдем, тый вес тӱняш волышо-влак дене пырля лият. Тый курымешлан кӱ орашке савырнет, тетла еҥ илыме ола от лий. Тыге Мый илыше-влакын мландыштышт шке чапле илемем шогалтем.21 Мучашет тыйын шучко лиеш, да тый йомат. Тыйым кычалаш тӱҥалыт, но тетла нигунам огыт му, – ойла Господь Юмо».
Глава 26