Выбрать язык
Книги Ветхого Завета
Книги Нового Завета
с русским текстом1 Мыланем Господьын шомакше лийын:2 «Айдеме эрге! Чуриетым аммон эрге-влак деке савыре да нунын ваштареш пророк шомакым ойло.3 Каласе аммон эрге-шамычлан: ”Колыштса Господь Юмын шомакшым! Тыге ойла Господь Юмо: кунам Мыйын святой верем шакшыленыт, Израиль мландым пустаҥденыт да Иуда калыкым пленыш наҥгаеныт, те каласенда: ’Тудлан тыгак кӱлеш!’4 Тидлан Мый тендам эрвел калык-влак кидыш пуэм. Нуно тендан мландыште станыштым шогалтат, шке омашыштым вераҥдат. Нуно тендан саскада-влакым кочкаш да шӧрдам йӱаш тӱҥалыт.5 Мый Равва рӱдолам верблюд-шамычым кӱтымӧ верыш савырем, аммон-влакын мландыштым – шорык кудывечыш. Тунам те пален налыда: Мый Господь улам.6 Вет Господь Юмо тыге ойла: Израиль мландым нимоэш ужын, тый тудын нерген игылт ойленат, куанымет дене совым кыренат, йолет дене тавенат.7 Садлан Мый ӱмбакет кидем нӧлталам да тыйым калык-шамычлан агаш пуэм. Мый тыйым калык кокла гыч пытарем, эл кокла гыч ӱштыл кудалтем. Мый тыйым куклен шуэм, тунам пален налат: Мый Господь улам!”»
8 Тыге Господь Юмо ойла: «Моав ден Сеир тыге маныт: ”Теве Иуда калыкат моло калык гаяк”.9 Тидлан Мый Моавын чекшым лушкыдым ыштем, чек воктенысе ола-шамычым, элын эн сылне олаж-влакым – Беф-Иешимофым, Ваал-Меоным да Кириафаимым – тушманлан почам.10 Моав дене пырля аммон-шамычымат эрвелысе калык-влак кидыш пуэм – калык-шамыч ончыкыжым аммон эрге-влак нерген огытат шарналте.11 Моав дене судым ыштем, да нуно пален налыт: Мый Господь улам».
12 Тыге Господь Юмо ойла: «Нимогай чаманымашым ончыктыде, Иуда калыклан Едом ӱчым шуктен, тыгодым кугу сулыкым ыштен.13 Садлан Господь Юмо тыге ойла: Мый шке кидем Едом ӱмбаке шуялтем да тушто айдеме ден вольыкым пытарем, тудым ир мландыш савырем. Феман гыч Дедан марте чыланат керде деч камвозыт.14 Едомлан Мый ӱчым Израиль калыкемын кидше дене шуктем. Кугу шыдем дене Мый Едомлан пунчалым луктынам, Израиль калык тудым шукта, да Мыйын ӱчым шуктымем Едом пален налеш», – ойла Господь Юмо.
15 Господь Юмо тыге ойла: «Филистим-влак калыкемлан ӱчым шуктеныт, тидым нуно кугу ужмышудымаш дене, курымешлан пытараш шонен ыштеныт.16 Садлан Господь Юмо тыге ойла: Мый кидем филистим-шамыч ӱмбаке шуялтем, керетян-влакым*а да теҥыз серыште нунын илен кодшо еҥыштым пытарем.17 Мыйын ӱчем шучко лиеш, кугу шыдем дене Мый нуным мут кучаш шогалтем. Кунам Мый нунылан ӱчым шуктем, нуно пален налыт: Мый Господь улам!»
*а 25:16 Керетян-влак – филистим калыкын ик тукымжо. Лийын кертеш, нунын кугезышт Крит отрошто иленыт.
Глава 25