Выбрать язык
Книги Ветхого Завета
Книги Нового Завета
без русского текстаИЕРЕМИЙЫН ШОРТМО МУРЫЖО | КНИГА ПЛАЧ ИЕРЕМИИ |
3 Глава | Глава 3 |
| 1 Господьын шыдылык тояже мыйым кырен, улам мый шуко орлыкым ужшо айдеме. | 1Я человек, испытавший горе от жезла гнева Его. |
| 2 Тудо мыйым наҥгаен да волгыдыш огыл, а пычкемышыш пуртен. | 2Он повел меня и ввел во тьму, а не во свет. |
| 3 Шке кидшым Тудо ӱмбакем виктарен, кажне кечын тудым нӧлталеш. | 3Так, Он обратился на меня и весь день обращает руку Свою; |
| 4 Капем ден коваштем лунчыртен, луэмым пудыртен. | 4измождил плоть мою и кожу мою, сокрушил кости мои; |
| 5 Мыйым йыр авырен налын, кочо орлык дене авалтен. | 5огородил меня и обложил горечью и тяготою; |
| 6 Пычкемыш верыш Тудо петырен шынден, мый пуйто шукертак колышо-влак коклаште улам. | 6посадил меня в темное место, как давно умерших; |
| 7 Пырдыж дене авырен – ом керт мый лектын, неле шинчыр дене мыйым кепшылтен. | 7окружил меня стеною, чтобы я не вышел, отяготил оковы мои, |
| 8 Кычкырем, полышым йодам, но ынеж кол Тудо кумалмем. | 8и когда я взывал и вопиял, задерживал молитву мою; |
| 9 Кӱ-влак дене корнем петырен, кайышаш йолгорнем гыч мыйым кораҥден. | 9каменьями преградил дороги мои, извратил стези мои. |
| 10 Лийын Тудо мыланем ваҥен шинчыше маска гай, шылын шичше лев гай. | 10Он стал для меня как бы медведь в засаде, как бы лев в скрытном месте; |
| 11 Корнем гыч мыйым кораҥден, кӱрыштын да кудалтен коден. | 11извратил пути мои и растерзал меня, привел меня в ничто; |
| 12 Чымалтарен Тудо йоҥежшым, пикшыжлан мишеньым мыйым ыштен, | 12натянул лук Свой и поставил меня как бы целью для стрел; |
| 13 шке лодакше гыч пикш-влакым вергышкем лӱен. | 13послал в почки мои стрелы из колчана Своего. |
| 14 Лийынам мый уло калыкемлан воштылчык – кажне кечын мыйым мыскылен мурат. | 14Я стал посмешищем для всего народа моего, вседневною песнью их. |
| 15 Тудо мылам кочо шудым теммеш пукшен, арымшудо вӱдым йӱктен. | 15Он пресытил меня горечью, напоил меня полынью. |
| 16 Кӱм пурыктен, пӱем пудыртен, мыйым пуракыш тошкен. | 16Сокрушил камнями зубы мои, покрыл меня пеплом. |
| 17 Йомдаренам чон ласкалыкым, сай илышым монденам. | 17И удалился мир от души моей; я забыл о благоденствии, |
| 18 Тунам каласенам мый: «Уке нимогай куатем, Господь мый дечем ӱшанем налын!» | 18и сказал я: погибла сила моя и надежда моя на Господа. |
| 19 Шарналте мыйын орлыкем, перныл коштмем, вет илышем – лач арымшудо да кочо орлык. | 19Помысли о моем страдании и бедствии моем, о полыни и желчи. |
| 20 Чонем тидым сайын шарна, мыйым шӱлык авалтен. | 20Твердо помнит это душа моя и падает во мне. |
| 21 Но теве мом шӱмемлан ойлем, теве мыйын инанымашем: | 21Вот что я отвечаю сердцу моему и потому уповаю: |
| 22 Господьын порылыкшылан кӧра ме пытен огынал, Тудын чаманымашыже иземын огыл! | 22по милости Господа мы не исчезли, ибо милосердие Его не истощилось. |
| 23 Кажне эрдене Тудын порылыкшо уэмеш. Ӱшанле улмет Тыйын кугу! | 23Оно обновляется каждое утро; велика верность Твоя! |
| 24 Чонемже ойла: Господь – мыйын ужашем, Тудлан мый инанем! | 24Господь часть моя, говорит душа моя, итак буду надеяться на Него. |
| 25 Тудым ӱшанен вучышо, Тудым кычалше еҥ деке Господь поро лиеш. | 25Благ Господь к надеющимся на Него, к душе, ищущей Его. |
| 26 Сай лиеш тудо еҥлан, кӧ Господьын утарымашыжым чытен вуча. | 26Благо тому, кто терпеливо ожидает спасения от Господа. |
| 27 Сай лиеш тудо еҥлан, кӧ самырык годсек омытам нумалеш.*а | 27Благо человеку, когда он несет иго в юности своей; |
| 28 Тек тудо шкетын шып шинча, вет ӱмбакше омытам Господь пыштен. | 28сидит уединенно и молчит, ибо Он наложил его на него; |
| 29 Тек тудо кумык возеш, умшаж дене мланде дек пызна – ала эше кодын ӱшан. | 29полагает уста свои в прах, помышляя: `может быть, еще есть надежда'; |
| 30 Тек шӱргыжым совкалаш пуа, шуко намысым чыта. | 30подставляет ланиту свою биющему его, пресыщается поношением, |
| 31 Вет курымешлан огыл Господь коден каен, | 31ибо не навек оставляет Господь. |
| 32 кеч Тудо ойгым колтен, варажым кугу порылыкшылан кӧра чамана. | 32Но послал горе, и помилует по великой благости Своей. |
| 33 Вет Тудо шӱм кумылжо почеш огыл айдеме эрге-влакым наказатла да ойгандара. | 33Ибо Он не по изволению сердца Своего наказывает и огорчает сынов человеческих. |
| 34 А кунам эрык деч посна кодымо-влакым йол дене тошкат, | 34Но, когда попирают ногами своими всех узников земли, |
| 35 кунам Чыла деч Кӱшылысын чурийже ончылно еҥым чын огыл судитлат, | 35когда неправедно судят человека пред лицем Всевышнего, |
| 36 кунам судышто шыгыремдылыт, чыла тидым Господь ок уж мо? | 36когда притесняют человека в деле его: разве не видит Господь? |
| 37 Иктаж-кӧн каласымыже шукталтеш мо, тидлан шукталташ Господь кӱштен огыл гын? | 37Кто это говорит: `и то бывает, чему Господь не повелел быть'? |
| 38 Чыла деч Кӱшылысын шомакше почеш огыл мо сайжат, осалжат толеш? | 38Не от уст ли Всевышнего происходит бедствие и благополучие? |
| 39 Молан илыше айдеме вуйым шиеш, кунам шке сулыкшылан мутым куча? | 39Зачем сетует человек живущий? всякий сетуй на грехи свои. |
| 40 Тергена, шымлена шке корнынам да Господь дек савырнена! | 40Испытаем и исследуем пути свои, и обратимся к Господу. |
| 41 Каваште улшо Юмо дек киднам нӧлталына, шӱмнам савырена да каласена: | 41Вознесем сердце наше и руки к Богу, сущему на небесах: |
| 42 «Ме Тый дечет кораҥынна, ӱскырт лийынна, да Тый языкнам кудалтен отыл. | 42мы отпали и упорствовали; Ты не пощадил. |
| 43 Леведалтынат Тый шыде дене, мемнам поктенат, чаманыде пытаренат. | 43Ты покрыл Себя гневом и преследовал нас, умерщвлял, не щадил; |
| 44 Кумалмына Тый декет ынже шу манын, Шкендым пыл дене леведынат. | 44Ты закрыл Себя облаком, чтобы не доходила молитва наша; |
| 45 Калык-влак коклаште мемнам шӱкшакыш, лавыраш савыренат. | 45сором и мерзостью Ты сделал нас среди народов. |
| 46 Чыла тушманна мемнан ӱмбак умшаштым кареныт. | 46Разинули на нас пасть свою все враги наши. |
| 47 Шучкылык ден вынем, пустаҥмаш ден пытымаш – теве мо мемнан дене лийын!» | 47Ужас и яма, опустошение и разорение–доля наша. |
| 48 Шинчам гыч эҥер семын вӱд йога, вет мыйын калыкем пыта! | 48Потоки вод изливает око мое о гибели дщери народа моего. |
| 49Око мое изливается и не перестает, ибо нет облегчения, | |
| 49-50 Господьын ончалмешкыже, кава гычын ужмешкыже, шинчам гыч вӱд йогаш тӱҥалеш, ик татланат ок чарне. | 50доколе не призрит и не увидит Господь с небес. |
| 51 Ончем мый, да оламын ӱдыржӧ-влак верч чонемым ойго авалта. | 51Око мое опечаливает душу мою ради всех дщерей моего города. |
| 52 Мыйым, пуйто кайыкым, кучаш тӧченыт, амал деч посна тушманем-влак поктеныт. | 52Всячески усиливались уловить меня, как птичку, враги мои, без всякой причины; |
| 53 Мыйым илышынек вынемыш кудалтеныт, ӱмбакем кӱм кышкеныт. | 53повергли жизнь мою в яму и закидали меня камнями. |
| 54 Вуем деч кӱшкӧ вӱд нӧлталтын, да мый шоналтышым: «Толын мыланем мучаш!» | 54Воды поднялись до головы моей; я сказал: `погиб я'. |
| 55 Келге вынем гыч, Господь, мый лӱметым ӱжынам. | 55Я призывал имя Твое, Господи, из ямы глубокой. |
| 56 Колынат Тый мыйын йӱкем; ит петыре пылышетым полышым йодын кумалмем деч! | 56Ты слышал голос мой; не закрой уха Твоего от воздыхания моего, от вопля моего. |
| 57 Кунам мый Тыйым ӱжын кумалынам, лишемынат да ойленат: «Ит лӱд». | 57Ты приближался, когда я взывал к Тебе, и говорил: `не бойся'. |
| 58 Тый мыйым, Господь, пыдалынат, чонемым сулен налынат. | 58Ты защищал, Господи, дело души моей; искуплял жизнь мою. |
| 59 Господь, Тый мыйым шыгыремдымым ужат – мылам чын судым ыште. | 59Ты видишь, Господи, обиду мою; рассуди дело мое. |
| 60 Палет Тый нунын ӱчым шуктышо кумылыштым, мылам осалым ышташ шонымыштым. | 60Ты видишь всю мстительность их, все замыслы их против меня. |
| 61 Ужат Тый, Господь, нунын мыскылымыштым, мылам осалым ышташ шонымыштым, | 61Ты слышишь, Господи, ругательство их, все замыслы их против меня, |
| 62 кузе тушманем-влак кажне кечын мыйын ваштареш осал чоям кутырат. | 62речи восстающих на меня и их ухищрения против меня всякий день. |
| 63 Ончал: шинчат нуно але шогат – шке мурыштышт мыйым мыскылен мурат. | 63Воззри, сидят ли они, встают ли, я для них–песнь. |
| 64 Пӧртылтӧ нунылан, Господь, кидыштын пашашт почеш, | 64Воздай им, Господи, по делам рук их; |
| 65 колто уш аҥыргымашым, ӱмбакышт – шке каргымашетым! | 65пошли им помрачение сердца и проклятие Твое на них; |
| 66 Господь, поктен кай нуным шыдет дене, кава йымач пытаре! | 66преследуй их, Господи, гневом, и истреби их из поднебесной. |
*а 3:27 Тыште мут колыштшо, шкенжым ӱҥышемден кертше еҥ нерген ойлалтеш.
Глава 3