Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
71 Псалом
Соломонлан. [Давидын псаломжо.]1 Юмем, кугыжалан чын судитлен моштыметым
да кугыжа эргылан шке чынлыкетым пӧлекле.
2 Тек Тыйын калыкетым тудо чын судитла,
йорло-влакетлан чын судым ышта.
3 Тек курык-влак калыклан тыныслыкым,
кӱкшака-влак чынлыкым кондат.
4 Тек йорло еҥлан кугыжа чын судым ышта,
незер-влакын йочаштым арален налеш,
а шыгыремдыше еҥым тек пытара.
5 Мыняр жап кече ден тылзе лийыт,
тынар жап еҥ-влак Тый дечет
тукым гыч тукымыш тек лӱдын шогат.
6 Тек кугыжа солен налме олыкыш йӱршӧ йӱр гай,
мландым вӱдыжтарыше кугу йӱр гай лиеш.
7 Тудын кугыжаланымыж годым чын ыштыше еҥ тек тӱзлана,
тылзын уке лиймешкыже тыныслык тек озалана.
8 Теҥыз деч теҥыз марте,
Евфрат эҥер деч мланде тӱр марте
кугыжа тек оза лиеш.
9 Ир мландыште илыше-влак тудын ончык кумык возышт,
тушманже-влак пуракым нулышт.
10 Фарсисын да отро-влакын кугыжашт,
Сава
*а ден Севан кугыжашт тек тудлан пӧлекым кондат.
11 Чыла кугыжа кумык вочшо ончыланже,
чыла калык тӱҥалже тудлан тарзыланаш.
12 Вет полышым йодшо йорло еҥлан тудо полша,
незер еҥым, кӧн полшышыжо уке, пыдалын налеш.
13 Йорло ден незерым тудо чамана,
нунын чоныштым утара.
14 Шыгыремдымаш да пызырымаш деч чоныштым утара,
нунын вӱрышт тудлан шергакан.
15 Тек тудо шуко ийым ила,
тек Сава гыч тудлан шӧртньым кондат.
Тек тудын верч эре кумалыт,
кажне кечын тудлан суапым йодыт.
16 Мландыште шурно ток лийже,
курыкыштат шурно парча Ливан чодыра семын лӱҥгалтше,
олаште еҥ-влак мландысе кушкыл семын шукемышт.
17 [Моктымо лийже] тудын лӱмжӧ курымеш,
мыняр жап сандалыкым кече волгалтара,
тек тунар жап тудын лӱмжым шарнат.
[Мландысе чыла тукымлан] суапландарымаш тудын гоч толжо,
чыла калык кугыжам пиалан манже.
18 Моктымо лийже Господь Юмо, Израильын Юмыжо,
Тудо гына ӧрыктарыше пашам ышта!
19 Моктымо лийже Тудын чапланыше лӱмжӧ курымеш,
Тудын чапше дене уло мланде темже! Аминь, аминь!
20 Тидын дене Иессей эрге Давидын кумалме мутшо пытен.
Тау
*а 71:10 «Сава» – Грек текстыште «Аравий».
Глава 71
