Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
140 Псалом
Давидын псаломжо.1 Господь, Тыйым сӧрвален йодам –
мый декем вашке,
кумалмемым кол, кунам Тыйым ӱжам!
2 Тек кумалмем тамлыпушан шикш семын
Тыйын чурий ончыкет кӱза,
тек кидым нӧлтал кумалмем кас надыр семын лиеш.
3 Мыйын умшамлан, Господь, оролым шогалте,
умшамын омсажым эскере.
4 Ит пу шӱмемлан осал могырыш тайнаш,
ит пу мылам осалланыше-влак дене пырля сулыкым ышташ,
нунын тамле сийыштым кочкаш.
5 Тек мыйым чын ыштыше еҥ наказатла –
мылам тиде порылык,
тек мыйым шылтала – тиде эн сай елей,
мый тидлан тореш ом лий.
Мыйын кумалмем – осал еҥ-влакын пашашт ваштареш.
6 Тура кӱ сер гыч вуйлатышышт кудалтыме лийыт,
тунам чылан умылат: мутем-влак лийыныт лыжга.
7 Мемнам пуйто мландым куралыт, тырмалат –
вес тӱнян умшашкыже шалатен кышкеныт лу-влакнам.
*а8 Но Тый декет, Господь Юмем, ончалтышем савырем –
Тылат инанем, аралтыш деч посна мыйым ит кодо!
9 Мылам шындыме оптышла деч,
осал еҥ-влакын лӧдышт деч мыйым арале.
10 Вапшышкышт нуно тек шке логалыт,
а мый воктечышт эртен каем.
*а 140:5-7 Еврей текстыште нине стих-влакын мом ончыктымыштым умылаш неле.
Глава 140
