Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
141 Псалом
Давидын псаломжо. Тудын курыкпомышто лиймыж годым кумалмыже.1 Кугу йӱкын Господьым сӧрвален ӱжам,
кугу йӱкын мый Господьлан кумалам.
2 Тудын ончылно вуйшиймашем йоктарем,
Тудлан мый шке ойгем почам.
3 Чонем мыйын улнен,
но Тый палет илыш корнем.
Мыйын коштмо корныштем
нуно мылам лӧдым шынденыт.
4 Ончем пурла велыш да ужам:
мый ом кӱл нигӧлан.
Уке мылам шылын куржмо вер,
нигӧ мыйын верч ок тургыжлане.
5 Господь, мый Тыйым сӧрвален ӱжам, тыге ойлем:
«Тый шылын куржмо верем,
илыше-влакын мландыштышт мыйын ужашем улат».
6 Кол мыйын ӱжын кычкырымем,
вет ӱнарем йӧршеш пытен.
Утаре мыйым поктылшем-влак дечын –
улыт нуно мый дечем виянрак.
7 Лук казамат гыч мыйын чонем,
тунам мый Тыйын лӱметым моктем.
Кунам Тый мылам порылыкым ончыктет,
йырем чын ыштыше-влак погынат.
Глава 141
