Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
139 Псалом
1 Хор вуйлатышылан. Давидын псаломжо.2 Утаре мыйым, Господь, осал еҥ деч,
шыгыремдылше айдеме деч мыйым арале.
3 Шонат нуно шӱмыштышт осалым,
кажне кечын келшыдымашым ылыжтен шогат.
4 Кишкын гай пӱсӧ нунын йылмышт,
шемгишкын аярже – нунын йылмыштышт.
5 Арале мыйым, Господь, осал еҥын кидше деч,
сакле мыйым шыгыремдыше-влак деч,
йолем шӱртньыкташ шонен пыштыше-шамыч деч.
6 Кугешныше-влак мылам оптыш ден шӧргам шынденыт,
шупшыныт вапшым мыйын корныштем,
лӧдым шынденыт нуно мыланем.
7 Каласем Господьлан:
«Улат Тый мыйын Юмем,
Господь, мыйын кумалмемым кол!»
8 Господь, мыйын Юмем, виян Утарышем,
сӧй кечын аралет Тый мыйын вуем.
9 Ит пу, Господь, осал еҥын шонымыжлан шукталташ,
тудын шонен пыштымыжлан ит пу шукталташ –
тек тудо кугешнаш ок тӱҥал.
10 Мыйым авырыше-влакын умшашт гыч лекше осал шомак-влак
тек шке вуй ӱмбакыштак толыт,
11 йӱлышӧ шӱй-влак тек ӱмбакышт велыт,
кудалтыме лийыт тек тулыш, келге вынемыш –
ынышт лек нуно тушеч нигунам.
12 Тек осал йылман айдеме мланде ӱмбалне пеҥгыдын ок шого,
тек шыгыремдылше еҥым ойго поктен кая да пытара.
13 Палем, йорло еҥлан Господь чын судым ышта,
незер-влакым Тудо пыдалын налеш.
14 Чын ыштыше-влак Тыйын лӱметым моктат,
яндар чонан-влак Тыйын чуриет ончылно илаш тӱҥалыт.
Тау
Глава 139
