Выбрать язык
Книги Ветхого Завета
Книги Нового Завета
с русским текстом1 Теве Салафиил эрге Зоровавель да Иисус дене пырля плен гыч пӧртылшӧ иерей ден левит-влак:
Сераий, Иеремий, Ездра,2 Амарий, Маллух, Хаттуш,3 Шеханий, Рехум, Меремоф,4 Иддо, Гиннефой, Авий,5 Миямин, Маадий, Вилга,6 Шемай, Иоярив, Иедай,7 Саллу, Амок, Хелкий, Иедай. Нине еҥ-шамыч Иисус годым иерей-влакын да тукым иза-шольыштын вуйлатышышт лийыныт.
8 Левит-влак: Иисус, Биннуй, Кадмиил, Шеревий, Иуда да Матфаний, тӱҥ чапмурызо, тудо иза-шольыж-влак дене пырля таумуро-влакым мурымылан вуйын шоген.9 Нунын Бакбукий ден Унний иза-шольышт службо годым моло левит ваштареш шогеныт.
10 Иисус деч Иоаким шочын, Иоаким деч – Елиашив, Елиашив деч – Иоиада,11 Иоиада деч – Ионафан, а Ионафан деч Иаддуй шочын.
12 Теве Иоаким годым иерей урлыквуй-влак: Сераий урлык гыч – Мераий, Иеремий урлык гыч – Хананий,13 Ездра урлык гыч – Мешуллам, Амарий урлык гыч – Иегоханан,14 Мелиху урлык гыч – Ионафан, Шеваний урлык гыч – Иосиф,15 Харим урлык гыч – Адна, Мераиоф урлык гыч – Хелкий,16 Иддо урлык гыч – Захарий, Гиннефон урлык гыч – Мешуллам,17 Авий урлык гыч – Зихри, Миниамин ден Моадий урлыкла гыч – Пилтай,18 Вилга урлык гыч – Шаммуй, Шемай урлык гыч – Ионафан,19 Иоярив урлык гыч – Мафнай, Иедай урлык гыч – Уззий,20 Саллай урлык гыч – Каллай, Амок урлык гыч – Евер,21 Хелкий урлык гыч – Хашавий, Иедай урлык гыч – Нафанаил.
22 Левит ден иерей-влакын урлыквуйыштын лӱмыштым Елиашив, Иоиада, Иоханан да Иаддуй годым возымашке пуртеныт, тиде возымаш паша Персийыште Дарий кугыжан вуйлатымыж годым мучашлалтын.23 Левий урлыквуй-влакын лӱмыштым курымсерышышке Елиашив эрге Иохананын колымыж деч вара возымым чарненыт.24 Левит-влакын вуйлатышышт Хашавий, Шеревий да Кадмиил эрге Иисус лийыныт. Нуно шке тукым иза-шольышт дене пырля, Юмын еҥже Давидын кӱштен кодымыж дене келшышын, таумурым мураш шогалтыме лийыныт. Нуно икте-весышт ваштареш кок тӱшка дене шогеныт.25 Матфаний, Бакбукий, Овадий, Мешуллам, Талмон, Аккув капка орол лийыныт, капка-влак воктенысе клатым ороленыт.26 Нуно Иоседекын Иисус эргыжын Иоаким эргыже годым да кундемтӧра Неемий ден закон туныктышо Ездра годым иленыт.
27 Кунам Иерусалим пырдыжым святитлаш жап толын шуын, левит-влакым чыла илыме верышт гыч пырдыжым святитлаш, тиде куанле пайремыште лияш ӱжыныт. Нуно тушто кимвалым, арфым да кӱслем шоктен, тауштен-моктен мурышаш улыт улмаш.28-29 Мурызо-влак Иерусалим кундем гыч, Нетофа воктенысе ялла гыч, Беф-Гаггилгал гыч, Гева да Азмавет кундемла гыч толыныт. Нуно шкаланышт илаш яллам Иерусалим воктене чоҥеныт улмаш.
30 Йӱла почеш эн ончыч шкеныштым иерей ден левит-влак эрныктеныт. Вара нуно калыкым, капка-влакым да пырдыжым эрныктеныт.31 Мый Иуда тукым вуйлатыше-влакым пырдыж ӱмбаке кӱзыктышым да кок кугу мурызо тӱшкам чоҥен шогалтышым. Ик тӱшкаже пырдыж дене пурлашкыла, Терыс капка деке, ошкылын.32 Нунын почеш Гошай да Иуда тукым вуйлатыше-влакын пел тӱшкаже,33 тыгак Азарий, Ездра, Мешуллам,34 Иуда, Вениамин, Шемай да Иеремий каеныт.35 Почешышт той пучым пуалтыше иерей-влак: Захарий, Ионафанын эргыже – Ионафанже Шемайын эргыже, тудыжо Матфанийын эргыже, тудыжо Михейын эргыже, тудыжо Заккурын эргыже, тудыжо Асафын эргыже лийын –36 да Захарийын тукым иза-шольыжо-влак – Шемай, Азариил, Милалай, Гилалай, Маай, Нафанаил, Иуда да Ханани – Давидын, Юмын еҥын, палемден кодымо семӱзгарже-влак дене каеныт. Закон туныктышо Ездра нунын ончыч ошкылын.37 Памаш капка дене, тудын ваштарешыже, нуно Давид-Олаш наҥгайыше тошкалтыш дене кӱзеныт. Вара, Давидын пӧртшӧ деч кӱшнырак улшо пырдыж дене эртен, эрвелкыла Вӱд капка марте каеныт.
38 Вес мурызо тӱшка шола велыш ошкылын. Нунын почеш мый да вуйлатыше-влакын пел тӱшкаже пырдыж дене Коҥга башне деч Лопка пырдыж деке,39 вара Ефрем капка ден Тошто капка воктеч, Кол капка воктеч, Хананел башне ден Меа башне воктеч эртен, Шорык капка деке кайышна да Орол капка тураште шогална.40 Вара кок мурызо тӱшка Юмын пӧртыштӧ шке верышкышт шогальыч. Тушто мый, вуйлатыше-влакын пел тӱшкашт,41 иерей-влак Елиаким, Маасей, Миниамин, Михей, Елиоенай, Захарий, Хананий той пучышт дене,42 тыгак Маасей, Шемай, Елеазар, Уззий, Иегоханан, Малхий, Елам, Езер шогенна. Мурызо-влак кугу йӱкын муреныт, вуйлатышышт Израхий лийын.43 Тудо кечын кугу надыр кондымашым ыштеныт да куанен пайремленыт, вет Юмо нунылан кугу куаным пуэн! Ӱдырамаш-влакымат, йоча-шамычымат куан авалтен, да Иерусалимысе куаныме йӱк мӱндыркӧ шоктен.
44 Тудо кечынак клат пӧлемлаште аралыме пӧлеклан, лектышын икымше саскажлан да луымшо ужашлан вуйын шогаш еҥ-влакым ойыреныт. Нуно тыгак ола-влак йыр улшо пасула гыч иерей ден левит-влаклан закон почеш пуышаш пайым погышаш улыт улмаш. Вет иерей ден левит-влакын служитлыме пашашт иудей-влаклан куаным конден.45 Иерей ден левит-влак шке Юмыштлан служитленыт, тыгак эрныктыме йӱлам шуктеныт. Мурызо ден капка орол-влакат, Давид да тудын Соломон эргыжын кӱштымышт семынак, шке пашаштым шуктен шогеныт.46 Вет эше ожнак, Давид да Асаф илыме годым, мурызо-влаклан вуйлатыше-шамычым шогалтеныт, Юмым моктымо да тауштымо посна муро-влакым шоктеныт.47 Чыла израильтян-влак Зоровавель да Неемий годым мурызо ден капка орол-влаклан кажне кечын кӱлшӧ пайым пуэныт. Тыгак нуно святой ужашым левит-влаклан пуэныт, а нуныжо тышечын святой ужашым Аарон эрге-шамычлан ойыреныт.
Глава 12