Выбрать язык
Книги Ветхого Завета
Книги Нового Завета
без русского текстаИКЫМШЕ КУРЫМСЕРЫШ КНИГА | ПЕРВАЯ КНИГА ПАРАЛИПОМЕНОН |
13 Глава | Глава 13 |
| 1 Чыла тӱжемвуй, шӱдывуй да вуйлатыше дене каҥашымеке, | 1И советовался Давид с тысяченачальниками, сотниками и со всеми вождями, |
| 2 Давид уло Израиль калыклан каласен: «Тидын дене те келшеда да тидлан Господь Юмынан кумылжо уло гын, айста Израильын чыла кундемышкыже моло иза-шольына деке, эше иерей ден левит-влак деке – нунын ола ден яллашкышт – уверым колтена. Тек нуно мемнан дек толыт, | 2и сказал Давид всему собранию Израильтян: если угодно вам, и если на то будет воля Господа Бога нашего, пошлем повсюду к прочим братьям нашим, по всей земле Израильской, и вместе с ними к священникам и левитам, в города и селения их, чтобы они собрались к нам; |
| 3 да ме Юмынан шондыкшым шкенан деке кондена, вет Саул вуйлатыме жапыште тудын деке коштмым чарнен улына». | 3и перенесем к себе ковчег Бога нашего, потому что во дни Саула мы не обращались к нему. |
| 4 «Тек тыге лиеш», – чылан вашештеныт, вет тыге ыштымым калык чынлан шотлен. | 4И сказало все собрание: `да будет так', потому что это дело всему народу казалось справедливым. |
| 5 Тунам Давид, Юмын шондыкшым Кириаф-Иарим гыч кондаш манын, чыла израильтян-влакым Египетысе Сихор деч Емафыш пурымо вер марте поген. | 5Так собрал Давид всех Израильтян, от Шихора Египетского до входа в Емаф, чтобы перенести ковчег Божий из Кириаф-Иарима. |
| 6 Давид да чыла израильтян-влак, Иуда мландысе Кириаф-Иарим гыч Юмын шондыкшым кондаш манын, тушко каеныт. Тиде шондык херувим-влак ӱмбалне шинчыше Господьын лӱмжӧ дене лӱмдымӧ лийын. | 6И пошел Давид и весь Израиль в Кириаф-Иарим, что в Иудее, чтобы перенести оттуда ковчег Бога, Господа, седящего на Херувимах, на котором нарицается имя Его. |
| 7 Юмын шондыкым Авинадавын пӧртшӧ гыч у орваш шынден наҥгаеныт. Орвам наҥгайыше ӱшкыж-влакым Узза ден Ахио вӱден каеныт. | 7И повезли ковчег Божий на новой колеснице из дома Авинадава; и Оза и Ахия вели колесницу. |
| 8 Давид да чыла израильтян-влак Юмо ончылно уло кертмышт дене юарленыт – муреныт, лира, кӱсле, тимпан, кимвал да той пуч дене шоктеныт. | 8Давид же и все Израильтяне играли пред Богом из всей силы, с пением, на цитрах и псалтирях, и тимпанах, и кимвалах и трубах. |
| 9 Кунам нуно Хидонын идымже дек миен шуыныт, ӱшкыж-влак шондыкым изиш гына тӱрын колтен огытыл. Шондыкым кучаш манын, Узза кидшым шуялтен. | 9Когда дошли до гумна Хидона, Оза простер руку свою, чтобы придержать ковчег, ибо волы наклонили его. |
| 10 Кидше дене шондыкым тӱкымылан Господь шыдешкен да Уззам пуштын. Узза Господь чурий ончылно тушанак колен. | 10Но Господь разгневался на Озу, и поразил его за то, что он простер руку свою к ковчегу; и он умер тут же пред лицем Божиим. |
| 11 Господьын Уззам пытарымыжлан Давид аптыранымашыш пурен. Тиде верым тудо «Уззан пытымашыже» манын лӱмден. Таче кече мартеат тудо тыгак маналтеш. | 11И опечалился Давид, что Господь поразил Озу. И назвал то место поражением Озы; так называется оно и до сего дня. |
| 12 Тиде кечын Давид Юмо деч пеш чот лӱдын да каласен: «Кузе мый Юмын шондыкым шке декем наҥгаем?» | 12И устрашился Давид Бога в день тот, и сказал: как я внесу к себе ковчег Божий? |
| 13 Тудо шондыкым шкеж деке, Давид-Олашке, наҥгаен огыл, а Геф гыч улшо Овед-Едомын суртышкыжо намиен. | 13И не повез Давид ковчега к себе, в город Давидов, а обратил его к дому Аведдара Гефянина. |
| 14 Юмын шондык тудын дене кум тылзе лийын. Господь Овед-Едомын ешыжым да тудын чыла мо улыжым суапландарен. | 14И оставался ковчег Божий у Аведдара, в доме его, три месяца, и благословил Господь дом Аведдара и все, что у него. |
Глава 13