Выбрать язык
Книги Ветхого Завета
Книги Нового Завета
без русского текстаКУГЫЖАНЫШ-ВЛАКЫН КОКЫМШО КНИГАШТ | ВТОРАЯ КНИГА ЦАРСТВ |
4 Глава | Глава 4 |
| 1 Авенирын Хевронышто колымыж нерген пален налмеке, Саул эрге [Иевосфейын] кумылжо волен, уло Израильым лӱдмаш авалтен. | 1И услышал Иевосфей, сын Саулов, что умер Авенир в Хевроне, и опустились руки его, и весь Израиль смутился. |
| 2 Саул эрге [Иевосфейын] походыш коштшо сарзыже-влакым кок еҥ вуйлатен: иктыжын лӱмжӧ Ваана, весыжын – Рехав. Нуно коктынат Бероф гыч Вениамин тукым Реммонын эргыже лийыныт. Бероф Вениаминын олажлан шотлалтын. | 2У Иевосфея, сына Саулова, два было предводителя войска; имя одного--Баана и имя другого--Рихав, сыновья Реммона Беерофянина, из потомков Вениаминовых, ибо и Беероф причислялся к Вениамину. |
| 3 Тушто илыше-шамыч шке жапыштыже Гиффаимыш куржыныт да таче мартеат илаш толшо еҥ семын туштак илат. | 3И убежали Беерофяне в Гиффаим и остались там пришельцами до сего дня. |
| 4 Саул эрге Ионафанын окшак эргыже лийын. Кунам Саул ден Ионафанын колымышт нерген увер Изреель гыч толын, йоча вич ияш улмаш. Икшывым ончышо ӱдырамаш, Ионафанын эргыжым налын, тушеч куржын. Пеш чот вашкымыжлан кӧра кидше гыч йоча мучыштен камвозын. Тидын деч вара тудо окшак лийын. Йочан лӱмжӧ Мемфивосфей улмаш. | 4У Ионафана, сына Саулова, был сын хромой. Пять лет было ему, когда пришло известие о Сауле и Ионафане из Изрееля, и нянька, взяв его, побежала. И когда она бежала поспешно, то он упал, и сделался хромым. Имя его Мемфивосфей. |
| 5 Рехав ден Ваана, Бероф гыч Реммонын эргыже-влак, Иевосфейын пӧртшӧ дек кечывал шокшо годым толыныт. Тиде жапыште Иевосфей кечываллан канаш возын улмаш. | 5И пошли сыны Реммона Беерофянина, Рихав и Баана, и пришли в самый жар дня к дому Иевосфея; а он спал на постели в полдень. |
| 6 [Орол ӱдырамашымат, кудыжо омса воктене шыдаҥым эрыктен шинчен, омо пызыралын.] Рехав ден Ваана шольыжо, пуйто шыдаҥым налаш манын, пӧртыш пуреныт. Нуно Иевосфейым мӱшкыржӧ гыч шуралтеныт да куржыныт. | 6Рихав и Баана, брат его, вошли внутрь дома, как бы для того, чтобы взять пшеницы; и поразили его в живот и убежали. |
| 7 Пӧртыш пурымышт годым Иевосфей малыме пӧлемыштыже вакшыште киен улмаш. Тудым шуралтен пуштмеке, вуйжым руалыныт, пеленышт налыныт да йӱдвошт тӧрвер корно дене ошкылыныт. | 7Когда они вошли в дом, Иевосфей лежал на постели своей, в спальной комнате своей; и они поразили его, и умертвили его, и отрубили голову его, и взяли голову его с собою, и шли пустынною дорогою всю ночь; |
| 8 Нуно Иевосфейын вуйжым Давид деке Хевроныш конденыт да кугыжалан каласеныт: «Теве тыйым пушташ шонышо Саул тушманетын Иевосфей эргыжын вуйжо. Таче Господь Саул [тушманет] ден тудын тукымжылан мыйын кугыжа озам верч ӱчым шуктен». | 8и принесли голову Иевосфея к Давиду в Хеврон и сказали царю: вот голова Иевосфея, сына Саула, врага твоего, который искал души твоей; ныне Господь отмстил за господина моего царя Саулу и потомству его. |
| 9 Иза-шольо Рехав ден Вааналан, Бероф гыч Реммонын эргыж-влаклан, Давид вашештен: «Мыйым чыла орлык деч утарыше Господь дене товатлем: | 9И отвечал Давид Рихаву и Баане, брату его, сыновьям Реммона Беерофянина, и сказал им: жив Господь, избавивший душу мою от всякой скорби! |
| 10 кӧ мылам Саул ден Ионафанын колымышт нерген каласен, кӧ куан уверым конденам шонен – тиде еҥым кученам да Секелагыште пуштынам. Теве тыгай пӧлекым мый тудлан уверым кондымыжлан пуэнам! | 10если того, кто принес мне известие, сказав: `вот, умер Саул', и кто считал себя радостным вестником, я схватил и убил его в Секелаге, вместо того, чтобы дать ему награду, |
| 11 А кызыт, кунам те, йӧрдымӧ еҥ-влак, титакдыме айдемым шке пӧртыштыжӧ, шке вакшыштыже пуштында – йоктарыме вӱрлан мутым кучеда: мый тендам мландымбач пытарем». | 11то теперь, когда негодные люди убили человека невинного в его доме на постели его, неужели я не взыщу крови его от руки вашей и не истреблю вас с земли? |
| 12 Давид шке еҥже-влаклан нуным пушташ кӱштен. Нуным пуштмеке, кид ден йолыштым руалыныт, капыштым Хевронысо пӱя воктене сакеныт. А Иевосфейын вуйжым налыныт да Хевронышто Авенирын шӱгарешыже тоеныт. | 12И приказал Давид слугам, и убили их, и отрубили им руки и ноги, и повесили их над прудом в Хевроне. А голову Иевосфея взяли и погребли во гробе Авенира, в Хевроне. |
Глава 4