Выбрать язык
Книги Ветхого Завета
Книги Нового Завета
с русским текстом1 Самырык Самуил Илий пелен Господьлан служитлен. Тиде жапыште Господь калыклан шуэн ойлен, кончымашат чӱчкыдын лийын огыл.2 Ик кастене Илий шке верыштыже киен. Шинчаже начарештмылан кӧра тудо пеш чот удан ужын.3 Юмын лампадыже эше йӧрен огыл улмаш. Самуил Господьын пӧртыштыжӧ киен, туштак Юмын шондыкшо лийын.4 Господь Самуилым ӱжын: «[Самуил, Самуил!]» Рвезе вашештен: «Мый тыште улам!»5 Тудо Илий деке куржын миен да каласен: «Мый тыште улам! Тый мыйым ӱжыч». Но тудыжо манын: «Мый тыйым ӱжын омыл. Кай мӧҥгеш, воч». Рвезе каен да возын.6 Но Господь адакат Самуилым ӱжын: «[Самуил, Самуил!]» Тудо кынелын, Илий деке кокымшо гана миен да каласен: «Мый тыште улам! Тый мыйым ӱжыч». Тудыжо вашештен: «Эргым, мый тыйым ӱжын омыл. Кай, воч».
7 Самуил тунам Господьым пален огыл – Господь тудлан эше кутырен огыл улмаш.8 Господь Самуилым кумшо гана ӱжын. Тудыжо кынелын, Илий деке толын да каласен: «Мый тыште улам! Тый мыйым ӱжыч». Тунам Илий умылен: рвезым Господь ӱжеш.9 Илий Самуиллан каласен: «Кай да воч. Кунам [Ӱжшӧ] тыйым ӱжеш, каласе: ”Ойло, Господь! Тыйын тарзет колыштеш”». Самуил каен да верышкыже возын.
10 Господь толын шогалын да ончычсо семынак ӱжын: «Самуил, Самуил!» Тудыжо каласен: «Ойло, [Господь!] Тыйын тарзет колыштеш».11 Господь Самуиллан каласен: «Теве Мый Израильыште тыгай пашам ыштем – кӧ тудын нерген колеш, кок пылышыштыжат йоҥгалт кая.12 Мом Илийын урлыкшо нерген ойленам, чыла тидым тӱҥалтыш гыч мучаш марте тудо кечын ыштем.13 Титакшылан тудын урлыкшым курымешлан мут кучаш шогалтем манын, Мый тудлан ойленам. Вет тудо эргыж-влакын Юмым шӱктарымышт нерген пален, но нуным сорлыклен огыл.14 Садлан Илийын урлыкшылан товатлем: тудын сулыкшо вольык надыр денат, пӧлек-влак денат нигунам касарыме ок лий».
15 Самуил эр марте мален. [Эрдене кынелмекше,] Господьын пӧрт омсажым почын. Мо кончымым тудо Илийлан увертараш лӱдын.16 Но Илий Самуилым ӱжын да каласен: «Самуил, эргым!» Тудыжо вашештен: «Мый тыште улам».17 Илий йодын: «Мом тылат каласыме? Тидым мый дечем ит шылте. Тылат мом каласыме гыч иктаж-мом шылтет гын, Юмо тыйым пеҥгыдын мут кучаш шогалта».18 Самуил тудлан чыла ойлен, нимом шылтен огыл. Тунам Илий каласен: «Тудо – Господь. Мом Тудо чынлан шотла, тек ышта».
19 Самуил кушкын, Господь тудын пелен лийын. Самуилын каласыме чыла шомакше шукталт толын.20 Уло Израиль, Дан гыч Вирсавий марте, Самуилын чынак Господьын пророкшо улмыжым пален налын.21 Силомышто Самуил дене кутырен Шкенжым палдарымекше, Господь тушто умбакыжат кончен шоген. [Пӱтынь Израиль ик мучаш гыч вес мучаш марте Самуилым Господьын пророкшылан шотлен. Илий гын пеш чот шоҥгемын, а эргыж-влак Господь ончылно осал пашам тугак ыштен шогеныт.]
Глава 3