Выбрать язык
Книги Ветхого Завета
Книги Нового Завета
без русского текстаНАВ ЭРГЕ ИИСУСЫН КНИГАЖЕ | КНИГА ИИСУСА НАВИНА |
14 Глава | Глава 14 |
| 1 Теве могай мланде ужашым израиль эрге-влак Ханаан мландыште налыныт. Нунылан мландым иерей Елеазар, Нав эрге Иисус да израиль тукым-влакын урлыквуйышт*а шеледен пуэныт. | 1Вот что получили в удел сыны Израилевы в земле Ханаанской, что разделили им в удел Елеазар священник и Иисус, сын Навин, и начальники поколений в коленах сынов Израилевых; |
| 2 Господьын Моисей гоч каласымыж семынак, нуно мландым индеш тукым ден [Манассийын] пел тукымжылан шерева почеш пайленыт. | 2по жребию делили они, как повелел Господь чрез Моисея, девяти коленам и половине колена Манассиина, |
| 3 А кок тукым ден [Манассийын] пел тукымжылан Моисей мландым Иордан вес велне пуэн улмаш. Левит-влаклан тудо мланде ужашым пуэн огыл. | 3ибо двум коленам и половине колена Манассиина Моисей дал удел за Иорданом, левитам же не дал удела между ними; |
| 4 Вет Иосифын эргыж-влак деч кок тукым лектын – Манассийын да Ефремын. Левит-влаклан илашышт ола-влакым да нунын йыр улшо кӱтымӧ верлам [гына] пуэныт, но мланде ужашым нуно налын огытыл. | 4ибо от сынов Иосифовых произошли два колена: Манассиино и Ефремово; посему они и не дали левитам части в земле, а только города для жительства с предместиями их для скота их и для других выгод их. |
| 5 Господьын Моисейлан кӱштымыж семынак, израиль эрге-влак мландым пайленыт. | 5Как повелел Господь Моисею, так и сделали сыны Израилевы, когда делили на уделы землю. |
| 6 Иуда эрге-влак Иисус деке Галгалыш толыныт. Халев, кенезей Иефоннийын эргыже, тудлан каласен: «Мом Господь Моисейлан, Юмын еҥжылан, Кадес-Варниште мыйын да тыйын шотышто ойлен – тый палет. | 6Сыны Иудины пришли в Галгал к Иисусу. И сказал ему Халев, сын Иефоннии, Кенезеянин: ты знаешь, что говорил Господь Моисею, человеку Божию, о мне и о тебе в Кадес-Варне; |
| 7 Господьын Моисей тарзыжын Кадес-Варни гыч мландым ончаш колтымыж годым мый нылле ияш лийынам. Мом ужмем мый тудлан шӱм почын ойленам. | 7я был сорока лет, когда Моисей, раб Господень, посылал меня из Кадес-Варни осмотреть землю, и я принес ему в ответ, что было у меня на сердце: |
| 8 Но мый денем пырля коштшо моло израиль эрге-влак шке каласкалымышт дене калыкым лӱдыктеныт, а мый уло шӱм-чонем дене Господь Юмемлан инаненам. | 8братья мои, которые ходили со мною, привели в робость сердце народа, а я в точности следовал Господу Богу моему; |
| 9 Тудо кечын Моисей мыланем товатлен каласен: ”Йолет дене коштмо мланде курымеш тыйын да йочат-влакын лиеш, вет тый уло шӱм-чонет дене Господь Юмемлан инаненат”. | 9и клялся Моисей в тот день и сказал: `земля, по которой ходила нога твоя, будет уделом тебе и детям твоим на век, ибо ты в точности последовал Господу Богу моему'; |
| 10 Господь, каласымыж семынак, мыйын илышем шуен. Господьын Моисейлан ты шомакым ойлымыж деч вара нылле вич ий эртен, тунам Израиль ир мланде мучко коштын. Мый ынде кандашле вич ияш улам, | 10итак, вот, Господь сохранил меня в живых, как Он говорил; уже сорок пять лет прошло от того времени, когда Господь сказал Моисею слово сие, и Израиль ходил по пустыне; теперь, вот, мне восемьдесят пять лет; |
| 11 но кызытат Моисейын мландым ончаш колтымыж жапысе гаяк виян улам, сарыш лектын кошташ ӱнарем тунарак кодын. | 11но и ныне я столько же крепок, как и тогда, когда посылал меня Моисей: сколько тогда было у меня силы, столько и теперь есть для того, чтобы воевать и выходить и входить; |
| 12 Пу мыланем тиде курыкан верым, кудын нерген тудо кечын Господь ойлен. Тушто Енак эрге-шамычын илымышт да тусо ола-влакын кугу да чоткыдемдыме улмышт нерген тый тунам колынат. Но Господь пеленем лиеш гын, Тудын каласымыж семынак, мый нуным поктен колтем». | 12итак дай мне сию гору, о которой говорил Господь в тот день; ибо ты слышал в тот день, что там живут сыны Енаковы, и города у них большие и укрепленные; может быть, Господь будет со мною, и я изгоню их, как говорил Господь. |
| 13 Халевым, [кенезей] Иефоннийын эргыжым, Иисус суапландарен да тудлан Хевроным пуэн. | 13Иисус благословил его, и дал в удел Халеву, сыну Иефонниину, Хеврон. |
| 14 Хеврон таче кече мартеат кенезей Халевын, Иефонний эргын, мланде ужашыжлан шотлалтеш, вет тудо чылажымат Израильын Господь Юмыжын [кӱштымыж почеш] ыштен. | 14Таким образом Хеврон остался уделом Халева, сына Иефонниина, Кенезеянина, до сего дня, за то, что он в точности последовал повелению Господа Бога Израилева. |
| 15 Хевронын ончычсо лӱмжӧ Кириаф-Арба лийын, Енак эрге-влак коклаште Арба эн тале еҥ лийын улмаш. Тидын деч вара сар пытен, тыныс илыш тӱҥалын. | 15Имя Хеврону прежде было Кириаф-Арбы, как назывался между сынами Енака один человек великий. И земля успокоилась от войны. |
*а 14:1 Урлыквуй – глава семейства.
Глава 14