Выбрать язык
Книги Ветхого Завета
Книги Нового Завета
без русского текстаИОАН ХУМ ХАНСУМ | ЕВАНГЕЛИЕ ОТ ИОАННА |
Глава 12 | Глава 12 |
| 1 Пасха ялпыӈ хōталныл хōт хōтал э̄лы-пāлт Ӣсус Вифаниян ёхтыс. Тот сорумн патыглам ос Тав нōх-ялтуптам Лāсар хум ōлыс. | 1За шесть дней до Пасхи пришел Иисус в Вифанию, где был Лазарь умерший, которого Он воскресил из мертвых. |
| 2 Тав мāгсылэ тэ̄нэ-айнэ пасан вāрвес, Марфа пасан вāрыс, Ӣсус ёт тэ̄пьялам хумит ёт Лāсар ōс ōлыс. | 2Там приготовили Ему вечерю, и Марфа служила, и Лазарь был одним из возлежавших с Ним. |
| 3 Мария фунт*а сāвит мира нампа тыныӈ вōй вис, Ӣсус лāглагē та вōйил сāртласаге, тувыл āтанэ̄тыл Ӣсус лāглаге хот-сэ̄гсаласаге; мира атыӈ атыл кол янытыл пасматас. | 3Мария же, взяв фунт нардового чистого драгоценного мира, помазала ноги Иисуса и отерла волосами своими ноги Его; и дом наполнился благоуханием от мира. |
| 4 Тōнт Тав ханисьтам хумиянэ халт ōлнэ акв Иуда Симон Искариот нампа хум, ётыл Ӣсус тах «тыналым» ут, лāвыс: | 4Тогда один из учеников Его, Иуда Симонов Искариот, который хотел предать Его, сказал: |
| 5 ”Ты мира хурумсāт динарий мāгыс мāнрыг ат рōви тыналаӈкве ос та олнэ нӯса мирын лāкква уртуӈкве?” | 5Для чего бы не продать это миро за триста динариев и не раздать нищим? |
| 6 Тав нӯса мирн нё̄тнэ мāгыс сыме ат ся̄ргыс, тав нас тох лāвыс, тав тулмахыг ōлыс. Ханисьтахтын хумит олн ōсьнэ тōтапаныл тав палттэ ōлыс, тав тувыл олн тӯлмантāлыс. | 6Сказал же он это не потому, чтобы заботился о нищих, но потому что был вор. Он имел при себе денежный ящик и носил, что туда опускали. |
| 7 Тōнт Ӣсус лāвыс: ”Мария ул нагēлы̄н, тав ты мира Āнум ёл-сё̄питан хōтал мāгыс хӯлистэ. | 7Иисус же сказал: оставьте ее; она сберегла это на день погребения Моего. |
| 8 Нуса мир акваг нāн ётын ōлэ̄гыт, Ам нāн ётын акваг хунь ōлэ̄гум”. | 8Ибо нищих всегда имеете с собою, а Меня не всегда. |
| 9 Евреитныл сав мир Тав тот ōлнэтэ хӯлсаныл, Тав кāсалаӈкве ос сорумн патыглам ос Ӣсусн нōх-ялтуптим Лāсар аквторыг кāсалан мāгыс тув-атхатасыт, | 9Многие из Иудеев узнали, что Он там, и пришли не только для Иисуса, но чтобы видеть и Лазаря, которого Он воскресил из мертвых. |
| 10 Сяр яныг пӯп-ōйкат Лāсар алуӈкве ōс кусыглахтысыт, | 10Первосвященники же положили убить и Лазаря, |
| 11 та Лāсар ялтуптыматэ ос сāв еврей мāхум Ӣсусын агтуӈкве патсыт. | 11потому что ради него многие из Иудеев приходили и веровали в Иисуса. |
| 12 Ёты хōтал ялпыӈ хōталн атхатам сāв мир Ӣсус Иерусалим ӯсын йинэ̄тэ урыл хӯлсаныл, | 12На другой день множество народа, пришедшего на праздник, услышав, что Иисус идет в Иерусалим, |
| 13 пальма нампа тагыӈ йӣвыт висыт, Тав йинэ лё̄ӈхēн лю̄льсыт ос рōӈхувлāлсыт: ”Осанна*б! Тōрум-Кӯсяй, Наӈ ёхтынэн мāгыс, Израиль хōн, Наӈын янытлылӯв!” | 13взяли пальмовые ветви, вышли навстречу Ему и восклицали: осанна! благословен грядущий во имя Господне, Царь Израилев! |
| 14 Тōнт Ӣсус мāньлат осёл нампа ӯй хōнтыгпас, осёл тармыл тāлыс, ялпыӈ нэ̄пакыт хансым сирыл: | 14Иисус же, найдя молодого осла, сел на него, как написано: |
| 15 ”Сиона*в ӯсыӈ мир, ул пилэ̄н, нāн Хōнын мāньлат осёл тармыл ӯнлым тах ёхты”. | 15Не бойся, дщерь Сионова! се, Царь твой грядет, сидя на молодом осле. |
| 16 Тав ханисьтахтын хумиянэ сāртын ты вāрмаль урыл нэ̄матыр ат торгамтāлсыт, ос ялпыӈ нэ̄пакт Тав урēт хансым вāрмаль номылматсаныл хунь Тав янытлаӈкве патвес, ос Тав ётэ ты юи-пāлт мāныр тах ēмты ōс номылматсаныл. | 16Ученики Его сперва не поняли этого; но когда прославился Иисус, тогда вспомнили, что так было о Нем написано, и это сделали Ему. |
| 17 Сāртын тāгыл Тав ётэ ōлум мире потырталсыт, Тав Лāсар ахвтас сопамēныл хумус кон-вōвыстэ ос нōх-ялтуптастэ. | 17Народ, бывший с Ним прежде, свидетельствовал, что Он вызвал из гроба Лазаря и воскресил его из мертвых. |
| 18 Тамле ōлыглаттāл нак вāрме мāгыс Тав мир ёт таиимāгыс ты хōнтхатас. | 18Потому и встретил Его народ, ибо слышал, что Он сотворил это чудо. |
| 19 Фарисейт тāнки халанылт потыртасыт: ”Танай сунсэ̄н, нāн нэ̄матыр ат ты алымегы̄н вāруӈкве? Мир пуссын Тав юи-пāлэ̄т ты минэ̄гыт”. | 19Фарисеи же говорили между собою: видите ли, что не успеваете ничего? весь мир идет за Ним. |
| 20 Ялпыӈ хōталыт пуӈк пӣннэ мāгыс тōва грекыт ōлсыт. | 20Из пришедших на поклонение в праздник были некоторые Еллины. |
| 21 Тāн Галилея мāт Вивсаид ӯсныл ōлум Филипп палт йисыт ос таве китыгласаныл: ”Мāн Ӣсус кāсалаӈкве кос таӈхēв”. | 21Они подошли к Филиппу, который был из Вифсаиды Галилейской, и просили его, говоря: господин! нам хочется видеть Иисуса. |
| 22 Филипп минас ос ты урыл Андреин лāвыс; тувыл Андрей ос Филипп ты урыл Ӣсусын лāвсы̄г. | 22Филипп идет и говорит о том Андрею; и потом Андрей и Филипп сказывают о том Иисусу. |
| 23 Ос Ӣсус тэ̄натэ̄н ювле-лāвыс: ”Э̄лумхōлас Пы̄г янытлан сё̄с ты ёхтыс. | 23Иисус же сказал им в ответ: пришел час прославиться Сыну Человеческому. |
| 24 Мāк, сяр мāк нāнанн ты лāвēгум: колассам мāн хунь рāгаты, ат ке порсси, тōнт акв колассам тӯп хульты; ос порсси ке, тōнт сāв колассам ēмты. | 24Истинно, истинно говорю вам: если пшеничное зерно, пав в землю, не умрет, то останется одно; а если умрет, то принесет много плода. |
| 25 Такви лы̄лытэ э̄руптан хōтпа тах лы̄лытэ ты̄пылты̄тэ; ос такви лы̄лытэ ты ōлнэ тōрумт лавыл нэ̄гылттан хōтпа тах лы̄лытэ акваг э̄лаль ōлнэ хōтал мāгыс ōньситэ. | 25Любящий душу свою погубит ее; а ненавидящий душу свою в мире сем сохранит ее в жизнь вечную. |
| 26 Āнумн нё̄тнэ хōтпа Ам сирумт Ам ōлуӈкве патнэ мāм Ам юи-пāлумт мины, тав тот тах Āнумн мēтхумыг ēмты. Ос Āнумн нё̄тнэ хōтпа Ам Āсюмн янытлым э̄руптаве. | 26Кто Мне служит, Мне да последует; и где Я, там и слуга Мой будет. И кто Мне служит, того почтит Отец Мой. |
| 27 Ам лы̄лым ань сяр ат рōвнэ хурипаг ēмтыс; ос мāныр ань лāвуӈкве? Āсюм, ты сё̄с Āнумныл паратэ̄лын! Ос Ам ты сё̄с ēмтум мāгыс ты ёхтысум! | 27Душа Моя теперь возмутилась; и что Мне сказать? Отче! избавь Меня от часа сего! Но на сей час Я и пришел. |
| 28 Āсюм! Наӈти намын янытлэ̄лын!” Тōнт тōрумныл суй ёхтыс: ”Янытлылум, ос э̄лаль тах усьпылнэ̄г янытлаӈкве паты̄лум”. | 28Отче! прославь имя Твое. Тогда пришел с неба глас: и прославил и еще прославлю. |
| 29 Тыт лю̄люм ос тыи хӯнтлам мир потыртасыт: ”Тый сяхыл кургыс”; ос мōтаныт лāвсыт: ”Тый Ангел Тав ётэ потыртас”. | 29Народ, стоявший и слышавший то, говорил: это гром; а другие говорили: Ангел говорил Ему. |
| 30 Ӣсус ты урыл лāвыс: ”Ты суй Ам мāгсылум хунь суйтыс, мир мāгыс ōлыс. | 30Иисус на это сказал: не для Меня был глас сей, но для народа. |
| 31 Тый сутыӈ хōтал мир палт ты ёхтыс, ты мир канась тах хот ня̄влаве. | 31Ныне суд миру сему; ныне князь мира сего изгнан будет вон. |
| 32 Хунь тах Ам ты мāныл āлмāвем, мир пуссын Амки палтум выгāнум”. | 32И когда Я вознесен буду от земли, всех привлеку к Себе. |
| 33 Тысирыл Тав хӯлтхāтнэ мāгыс потыртас: манхурип сормыл Тав тах холы. | 33Сие говорил Он, давая разуметь, какою смертью Он умрет. |
| 34 Мир Тавēн ювле-лāвсыт: ”Мāн саккон сирыл хӯлыгласлӯв, Кристос тōрум нот палыт акваг э̄лаль ōлы, Наӈ ос лāвēгын, Э̄лумхōлас Пы̄г тōрумн нōх-āлмаве? Та Э̄лумхōлас Пы̄г хотъют?” | 34Народ отвечал Ему: мы слышали из закона, что Христос пребывает вовек; как же Ты говоришь, что должно вознесену быть Сыну Человеческому? кто Этот Сын Человеческий? |
| 35 Тōнт Ӣсус тāнаны̄лн лāвыс: ”Нāн ётын мось ōс тах пос посты; пос ōлнэтэ сыс мось ё̄мыгтэ̄н, турманын лап ул вос тотавēн: турман мāт ё̄мнэ хōтпа ат вāгтэ, хоталь нупыл ё̄ми. | 35Тогда Иисус сказал им: еще на малое время свет есть с вами; ходите, пока есть свет, чтобы не объяла вас тьма: а ходящий во тьме не знает, куда идет. |
| 36 Хота мус пос нāн ётын ōлы, та посы̄н агтэ̄н, пос тотнэ пы̄гыты̄г нāн ōлэ̄н”. Ты лāтӈанэ лāвме юи-пāлт, Ӣсус пōхан-минас ос хотталь та пāтырас. | 36Доколе свет с вами, веруйте в свет, да будете сынами света. Сказав это, Иисус отошел и скрылся от них. |
| 37 Тāн сунсыманыл тасāвит ōлыглаттāл вāрмалит Тав вāрыглас, ос тāн Тавēн ат агтсыт. | 37Столько чудес сотворил Он пред ними, и они не веровали в Него, |
| 38 Тōрум лāтыӈ тотнэ хум Исая лāтӈанэ сирыл сōль та ēмты тах: ”Тōрум-Кӯсяй! Мāнавныл йим потырн хотъют агтыс? Ос Тōрум-Кӯсяй ё̄р тāрсэ хотъютын сусылтахтас?” | 38да сбудется слово Исаии пророка: Господи! кто поверил слышанному от нас? и кому открылась мышца Господня? |
| 39 Тāн май таимāгыс ос ат агтсыт, ань Исаия май ос тох лāвыглас: | 39Потому не могли они веровать, что, как еще сказал Исаия, |
| 40 ”Ты мир саманыл сампыльтталы̄г паттысаныл, сыманыл āхвтас хольт сурлысаныл, саманылт ат кāсалэ̄гыт, сыманылт ат хулыяныл, ос тāнаныл пусмалтаӈкве Āнум ат вōвия̄ныл”. | 40народ сей ослепил глаза свои и окаменил сердце свое, да не видят глазами, и не уразумеют сердцем, и не обратятся, чтобы Я исцелил их. |
| 41 Тысирыл Исая потырталыс, Таве янытлан вāрмаль хунь кāсаластэ ос Тав урет потыртас. | 41Сие сказал Исаия, когда видел славу Его и говорил о Нем. |
| 42 Кӯсяитныл сāв хōтпа Тавēн ōс агтуӈкве патсыт кос; ос фарисейтныл пилнэ̄ныл мāгыс ос синагоганыл похан нēвлынэ̄ныл мāгыс тāн нэ̄матыр ат потыртасыт. | 42Впрочем и из начальников многие уверовали в Него; но ради фарисеев не исповедывали, чтобы не быть отлученными от синагоги, |
| 43 тāн ань э̄лумхōлас янытлан вāрмалит янгысьнув э̄руптасаныл, Тōрум янытлан вāрмаль тāн ат ōсьсыт. | 43ибо возлюбили больше славу человеческую, нежели славу Божию. |
| 44 Ӣсус тāкысь лāвыс: ”Āнумн агтнэ хōтпа Āнумн хунь агты, тав Āнум кēтум Āсюмн агты. | 44Иисус же возгласил и сказал: верующий в Меня не в Меня верует, но в Пославшего Меня. |
| 45 Āнум кāсалан хōтпа Āнум кēтум Āсюм ōс кāсалытэ. | 45И видящий Меня видит Пославшего Меня. |
| 46 Ам мир хāлн посы̄г ёхтысум, Āнумн агтнэ хōтпа турман мāт ул вос ōлы. | 46Я свет пришел в мир, чтобы всякий верующий в Меня не оставался во тьме. |
| 47 Ос Ам лāтӈанум хӯлнэ хōтпа Āнумн ат ке агты, Ам таве ат сутытылум, Ам мир сутытан мāгыс хунь ты̄г-ёхтысум, Ам мир вēстхатыглалнэ мāгыс ты̄г-ёхтысум. | 47И если кто услышит Мои слова и не поверит, Я не сужу его, ибо Я пришел не судить мир, но спасти мир. |
| 48 Āнум пōхан-паттын хōтпа, Ам лāтӈанум пōхан ӯрнэ хōтпа такви мāгсылэ сутитан ут ōньси: Ам лāвыглам лāтӈумн тах тав юи-ōвыл хōталэ̄т сутытаве. | 48Отвергающий Меня и не принимающий слов Моих имеет судью себе: слово, которое Я говорил, оно будет судить его в последний день. |
| 49 Ам та лāтӈыт Амкинāнӯмныл хунь лāвиянум; таи Āнум кēтум Āсюм Тав лāтӈанэ, Тав Āнум потыр мис, мāныр лāвуӈкве ос мāныр потыртаӈкве. | 49Ибо Я говорил не от Себя; но пославший Меня Отец, Он дал Мне заповедь, что сказать и что говорить. |
| 50 Ос Ам вāглум, Тав мим Тōрум сāкконе акваг э̄лаль ōлнэ ноты̄г ōлы. Ам мāнырпыл потыртэ̄гум, тай пуссын Āсюм лāвум сирыл та потыртэ̄гум”. | 50И Я знаю, что заповедь Его есть жизнь вечная. Итак, что Я говорю, говорю, как сказал Мне Отец. |
*а 3 12:3 фунт – хӯрумсāткем грамм яныт мōртмил
*б 13 12:13 осанна – ты еврей лāтӈыл: ”Вēстэн, нё̄тэн! Ургалэн!”
*в 15 12:15 Сиона – тыи Иерусалим ӯс тох лāввес
Глава 12