Выбрать язык
Книги Ветхого Завета
Книги Нового Завета
без русского текстаПСАЛТЫР | ПСАЛТИРЬ |
95 Псалом | Глава 95 |
| [Давидлӧн ошкана сьыланкыв. Сьылӧны керка лэптігӧн.] | |
| 1 Сьылӧй Господьлы выль сьыланкыв, му вылын олысьяс, сьылӧй Господьлы! | 1Воспойте Господу песнь новую; воспойте Господу, вся земля; |
| 2 Сьылӧй Господьлы, ошкӧй Сылысь нимсӧ, лунысь-лун юӧртӧй, мый Сійӧ мездӧ. | 2пойте Господу, благословляйте имя Его, благовествуйте со дня на день спасение Его; |
| 3 Висьтавлӧй войтыръяслы Сылӧн дзирдлуныс йылысь, быд войтырлы – Сылӧн шензьӧдана уджъясыс йылысь. | 3возвещайте в народах славу Его, во всех племенах чудеса Его; |
| 4 Ошкӧй Господьӧс, ӧд Сійӧ ыджыд, мукӧд енмыс дорысь медъёна Сыысь колӧ повны. | 4ибо велик Господь и достохвален, страшен Он паче всех богов. |
| 5 Войтыръяслӧн енъясыс – идолъяс, а Господь енэжъяс вӧчис. | 5Ибо все боги народов–идолы, а Господь небеса сотворил. |
| 6 Сылӧн эм ыджыдалӧм да дзирдлун, Сылӧн вежаинын – вын да мичлун. | 6Слава и величие пред лицем Его, сила и великолепие во святилище Его. |
| 7 Войтыръяс, кыпӧдӧй ошкӧм Господьлы, ошкӧй-нимӧдӧй Господьӧс, | 7Воздайте Господу, племена народов, воздайте Господу славу и честь; |
| 8 ошкӧй Господьлысь нимсӧ, локтӧй Сылӧн крамбердса йӧръясӧ, вайӧй Сылы козинъяс, | 8воздайте Господу славу имени Его, несите дары и идите во дворы Его; |
| 9 копыртчӧй Господьлы Сылӧн мича вежаинын! Му вылын олысьяс, полӧй-тіралӧй Сыысь! | 9поклонитесь Господу во благолепии святыни. Трепещи пред лицем Его, вся земля! |
| 10 Висьталӧй войтыръяс пӧвстын: «Господь ӧксыалӧ! Муюгыдыс сулалӧ зумыда, сійӧ оз вӧрзьыв. Господь кутас веськыда мыждыны войтыръясӧс». | 10Скажите народам: Господь царствует! потому тверда вселенная, не поколеблется. Он будет судить народы по правде. |
| 11 Мед гажӧдчас енэжыс, мед нимкодясяс муыс, мед шызяс саридзыс да став сэні олысьыс, | 11Да веселятся небеса и да торжествует земля; да шумит море и что наполняет его; |
| 12 мед нимкодясяс видз-муыс да ставыс, мый сэні эм, мед гажӧдчасны вӧрса пуяс | 12да радуется поле и все, что на нем, и да ликуют все дерева дубравные |
| 13 Господь водзын, ӧд Сійӧ локтӧ, локтӧ мыждыны муюгыдсӧ. Сійӧ кутас веськыда мыждыны муюгыдсӧ, кутас мыждыны войтыръясӧс Аслас збыльыс серти. | 13пред лицем Господа; ибо идет, ибо идет судить землю. Он будет судить вселенную по правде, и народы–по истине Своей. |
Глава 95