Выбрать язык
Книги Ветхого Завета
Книги Нового Завета
без русского текстаМÖД КАДНЕБÖГ | ВТОРЯ КНИГА ПАРАЛИПОМЕНОН |
25 юр | Глава 25 |
| 1 Ӧксыӧ пуксигас Амасейлы вӧлі кызь вит арӧс. Кызь ӧкмыс во чӧж сійӧ юраліс Ерусалимын. Сылӧн мамыс вӧлі Ерусалимысь Еходань. | 1Двадцати пяти лет воцарился Амасия и двадцать девять лет царствовал в Иерусалиме; имя матери его Иегоаддань из Иерусалима. |
| 2 Амасей вӧчис Господь водзын шогманасӧ, но эз став сьӧлӧмсяньыс. | 2И делал он угодное в очах Господних, но не от полного сердца. |
| 3 Кор Амасейлӧн юралӧмыс зумыдмис, сійӧ виис ассьыс кесйӧгъяссӧ, кодъяс виисны сылысь батьсӧ, Йоас ӧксыӧс. | 3Когда утвердилось за ним царство, тогда он умертвил рабов своих, убивших царя, отца его. |
| 4 Но налысь челядьсӧ эз ви, а вӧчис Господьлӧн тшӧктӧм серти, кыдзи гижӧма Мӧисей Индӧдын: «Пиыслӧн мыж вӧсна батьсӧ оз ков вины, и батьыслӧн мыж вӧсна писӧ оз ков вины. Быдӧн мед аслас мыж вӧсна кулас». | 4Но детей их не умертвил, так как написано в законе, в книге Моисеевой, где заповедал Господь, говоря: не должны быть умерщвляемы отцы за детей, и дети не должны быть умерщвляемы за отцов, но каждый за свое преступление должен умереть. |
| 5 Амасей чукӧртіс Иудаын олысь айуловӧс, сэсся Иуда да Венямин чужанкотырысь айуловсӧ юкліс рӧдныс серти да сетіс найӧс сюрс тышкамортӧн да сё тышкамортӧн веськӧдлысьяслӧн кипод улӧ. Кызь арӧса да ыджыдджык арлыда айуловӧс арталӧм бӧрти Амасей тӧдмаліс, мый сылӧн эм куимсё сюрс морт, кодъяс вермӧны тышӧ ветлыны. Налӧн быдӧнлӧн вӧлі шы да сайӧд. | 5И собрал Амасия Иудеев и поставил их по поколениям под власть тысяченачальников и стоначальников, всех Иудеев и Вениаминян, и пересчитал их от двадцати лет и выше, и нашел их триста тысяч человек отборных, ходящих на войну, держащих копье и щит. |
| 6 Нӧшта Израиль войтыр пӧвстысь сё талант эзысь вылӧ сійӧ медаліс сё сюрс вына тышкамортӧс. | 6И еще нанял из Израильтян сто тысяч храбрых воинов за сто талантов серебра. |
| 7 Но сы дінӧ локтіс Енлӧн морт да шуис: «Ӧксыӧй, израильса тышкайӧзӧс эн босьт аскӧдыд, ӧд Господь оз ло Израилькӧд, Ефремсянь чужысьяскӧд. | 7Но человек Божий пришел к нему и сказал: царь! пусть не идет с тобою войско Израильское, потому что нет Господа с Израильтянами, со всеми сынами Ефрема. |
| 8 Мун да тышкась повтӧг! А мунан кӧ израильсаяскӧд, Енмыс пасьвартас тэнӧ вӧрӧг водзад, ӧд Енмыслӧн эм вын отсавны и уськӧдны». | 8Но иди ты один, делай дело, мужественно подвизайся на войне. Иначе повергнет тебя Бог пред лицем врага, ибо есть сила у Бога поддержать и повергнуть. |
| 9 Амасей юаліс Енлӧн мортлысь: «А мый лоӧ сё талант эзысьыскӧд, мыйӧн ме мынтыси израильса тышкайӧзлы?» Енлӧн морт вочавидзис: «Господь вермас сетны тэныд ёна унджык на». | 9И сказал Амасия человеку Божию: что же делать со ста талантами, которые я отдал войску Израильскому? И сказал человек Божий: может Господь дать тебе более сего. |
| 10 Сэки Амасей чукӧртіс Ефрем муысь локтӧм тышкайӧзӧс да тшӧктіс налы бӧр мунны. Найӧ чорыда скӧрмисны Иуда войтыр вылӧ да ёна дӧзмӧмӧн бӧр мунісны. | 10И отделил их Амасия, --войско, пришедшее к нему из земли Ефремовой, --чтоб они шли в свое место. И возгорелся сильно гнев их на Иудею, и они пошли назад в свое место, в пылу гнева. |
| 11 Амасей веніс ассьыс полӧмсӧ да нуӧдіс тышкайӧзсӧ Сола ковтысӧ. Сэні иудаса тышкайӧз виисны дас сюрс сеирса тышкамортӧс, | 11А Амасия отважился и повел народ свой, и пошел на долину Соляную и побил сынов Сеира десять тысяч; |
| 12 а дас сюрс мортӧс босьтісны пленӧ. Сэсся вайӧдісны найӧс изкырта вылӧ да тойыштісны сэсянь. Ставныс найӧ пасьмунісны. | 12и десять тысяч живых взяли сыны Иудины в плен, и привели их на вершину скалы, и низринули их с вершины скалы, и все они разбились совершенно. |
| 13 А медалӧм тышкайӧзыс, кодъясӧс Амасей эз босьт аскӧдыс тышӧ, но бӧр ыстіс гортаныс, уськӧдчисны Самария да Бет-Хорон костын сулалысь иудаса каръяс вылӧ. Сэні найӧ виисны куим сюрс мортӧс да мырддисны уна эмбур. | 13Войско же, которое Амасия отослал обратно, чтоб оно не ходило с ним на войну, рассыпалось по городам Иудеи от Самарии до Вефорона и перебило в них три тысячи, и награбило множество добычи. |
| 14 Эдомсаясӧс пасьвартӧм бӧрын гортас локтігӧн Амасей вайис аскӧдыс Сеир керӧсвыв муын олысьяслысь идолъяссӧ. Сійӧ пуктіс найӧс аслыс ен пыдди, юрбитіс налы да сотіс налы висьяс. | 14Амасия, придя после поражения Идумеян, принес богов сынов Сеира и поставил их у себя богами, и пред ними кланялся и им кадил. |
| 15 Господь ёна скӧрмис Амасей вылӧ да мӧдӧдіс сы дінӧ пророкӧс. Сійӧ шуис Амасейлы: «Мыйла тэ юрбитан мукӧд войтырлӧн енъяслы? Тайӧ енъясыс эз вермыны мездыны ассьыныс войтырсӧ тэнад киысь». | 15И воспылал гнев Господа на Амасию, и послал Он к нему пророка, и тот сказал ему: зачем ты прибегаешь к богам народа сего, которые не избавили народа своего от руки твоей? |
| 16 Пророк эз на помав сёрнисӧ, а ӧксы шуис нин сылы: «Тэнӧ ӧмӧй индісны туйдӧдны ӧксыӧс? Дугды сёрнитнытӧ! Он кӧ, тэнӧ виасны». Но сёрни помавтӧдзыс пророк шуис: «Ме тӧда, мый Енмыс шуис бырӧдны тэнӧ сыысь, мый тэ вӧчин. Но менсьым туйдӧдӧмӧс тэ он кывзы». | 16Когда он говорил ему, царь отвечал: разве советником царским поставили тебя? перестань, чтобы не убили тебя. И перестал пророк, сказав: знаю, что решил Бог погубить тебя, потому что ты сделал сие и не слушаешь совета моего. |
| 17 Аслас туйдӧдысьяскӧд сёрнитӧм бӧрын иудаса Амасей ӧксы мӧдӧдіс израильса Йоас ӧксы дінӧ юӧртысьӧс. Йоас вӧлі Иохазлӧн пи, Иохаз – Ехулӧн. Амасей тшӧктіс висьтавны Йоаслы, мый кӧсйӧ аддзысьлыны сыкӧд. | 17И посоветовался Амасия, царь Иудейский, и послал к Иоасу, сыну Иоахаза, сына Ииуева, царю Израильскому, сказать: выходи, повидаемся лично. |
| 18 Израильса Йоас ӧксы ыстіс иудаса Амасей ӧксылы татшӧм воча юӧр: «Ливанса йӧн ыстіс юӧр ливанса сус пулы. Сійӧ корис, сет пӧ менам пи сайӧ ассьыд нывтӧ. Но ливанса звер ветлӧдліс да таляліс йӧнсӧ. | 18И послал Иоас, царь Израильский, к Амасии, царю Иудейскому, сказать: терн, который на Ливане, послал к кедру, который на Ливане же, сказать: отдай дочь свою в жену сыну моему. Но прошли звери дикие, которые на Ливане, и истоптали этот терн. |
| 19 Тэ шуан, мый пасьвартін эдомсаясӧс, и таысь тэ ышнясян да вылӧ кыпӧдчан. Пукав гортад, эн корсь аслыд шогсӧ, сэки тэ да тэкӧд тшӧтш Иуда войтырыд онӧ усьӧй». | 19Ты говоришь: вот я побил Идумеян, --и вознеслось сердце твое до тщеславия. Сиди лучше у себя дома. К чему тебе затевать опасное дело? Падешь ты и Иудея с тобою. |
| 20 Но Амасей эз кывзы Йоасӧс, ӧд Енмыс вӧлі шуӧма сетны Иуда войтырӧс Йоаслӧн киӧ сыысь, мый найӧ юрбитісны эдом войтырлӧн енъяслы. | 20Но не послушался Амасия, так как от Бога было это, дабы предать их в руку Иоаса за то, что стали прибегать к богам Идумейским. |
| 21 Израильса Йоас ӧксы петіс тышӧ иудаса Амасей ӧксылы паныд. Найӧ паныдасисны Иуда муын Бет-Шемеш карын. | 21И выступил Иоас, царь Израильский, и увиделись лично, он и Амасия, царь Иудейский, в Вефсамисе Иудейском. |
| 22 Израильсаяс пасьвартісны иудаса тышкайӧзӧс, и найӧ пышйисны гортаныс. | 22И были разбиты Иудеи Израильтянами, и разбежались каждый в шатер свой. |
| 23 Бет-Шемешын израильса Йоас ӧксы босьтіс пленӧ иудаса Амасей ӧксыӧс, Ахазий Йоаслысь писӧ да нуӧдіс сійӧс Ерусалимӧ. Сэні Йоас жугӧдіс карса стенсӧ нёльсё гырддза пасьта – Ефрем дзиръясянь Пельӧс дзиръяӧдз. | 23И Амасию, царя Иудейского, сына Иоаса, сына Иоахазова, захватил Иоас, царь Израильский, в Вефсамисе и привел его в Иерусалим, и разрушил стену Иерусалимскую от ворот Ефремовых до ворот угольных, на четыреста локтей; |
| 24 Йоас ӧксы петкӧдіс Енлӧн крамысь став эзысь-зарнисӧ да дозмук-кӧлуйсӧ, мый вӧсна кывкутіс Овед-Эдом. Сійӧ босьтіс ӧксы керкаысь озырлунсӧ, босьтіс аскӧдыс Амасейлӧн тӧдчана йӧз пӧвстысь ӧткымынӧс, медым Амасей эз кыпӧдчы сылы паныд. Сэсся Йоас бӧр муніс Самарияӧ. | 24и взял все золото и серебро, и все сосуды, находившиеся в доме Божием у Овед-Едома, и сокровища дома царского, и заложников, и возвратился в Самарию. |
| 25 Израильса Йоас ӧксылӧн, Иохаз пилӧн, кулӧм бӧрын иудаса Амасей ӧксы, Йоаслӧн пиыс, оліс нӧшта на дас вит во. | 25И жил Амасия, сын Иоасов, царь Иудейский, по смерти Иоаса, сына Иоахазова, царя Израильского, пятнадцать лет. |
| 26 Амасей ӧксыалӧм дырйи лоӧмторъяс йылысь водзысяньыс и помӧдзыс гижӧма иудаса да израильса ӧксыяслӧн небӧгӧ. | 26Прочие дела Амасии, первые и последние, описаны в книге царей Иудейских и Израильских. |
| 27 Сы бӧрти, кор Амасей эновтіс Господьӧс, йӧзыс кыпӧдчисны Амасейлы паныд Ерусалимын, и сійӧ пышйис Лакиш карӧ. Но паныд кыпӧдчысьяс мӧдӧдісны сэтчӧ ассьыныс йӧзсӧ, и сэні найӧ виисны Амасейӧс. | 27И после того времени, как Амасия отступил от Господа, составили против него заговор в Иерусалиме, и он убежал в Лахис. И послали за ним в Лахис, и умертвили его там. |
| 28 Амасейлысь шойсӧ вайисны вӧв вылын Ерусалимӧ да дзебисны сійӧс Давид карӧ батьясыскӧд орччӧн. | 28И привезли его на конях, и похоронили его с отцами его в городе Иудином. |
Глава 25