Выбрать язык
Книги Ветхого Завета
Книги Нового Завета
без русского текстаÖКСЫЯСЛÖН НЁЛЬÖД НЕБÖГ | ЧЕТВЕРТАЯ КНИГА ЦАРСТВ |
25 юр | Глава 25 |
| 1 Та вӧсна Седекейлӧн ӧкмысӧд веськӧдлан воӧ дасӧд тӧлысьлӧн дасӧд лунӧ вавилонса Навукодоносор ӧксы аслас тышкайӧзкӧд уськӧдчис Ерусалим кар вылӧ. Найӧ кытшалісны карсӧ да лэптісны сы гӧгӧр тымӧд. | 1В девятый год царствования своего, в десятый месяц, в десятый день месяца, пришел Навуходоносор, царь Вавилонский, со всем войском своим к Иерусалиму, и осадил его, и устроил вокруг него вал. |
| 2 Карыс вӧлі кытшын Седекей ӧксылӧн дас ӧтиӧд веськӧдлан воӧдз. | 2И находился город в осаде до одиннадцатого года царя Седекии. |
| 3 Нёльӧд тӧлысьлӧн ӧкмысӧд лунӧ, кор карас войтырыс ёна тшыгъяліс, и налы нинӧм вӧлі сёйнысӧ, | 3В девятый день месяца усилился голод в городе, и не было хлеба у народа земли. |
| 4 карсӧ кытшалысь калдеяса тышкайӧз жугӧдісны карса стенсӧ. Войнас иудаса тышкайӧз петісны Ерусалим карысь дзиръяӧд, мый вӧлі кыкпӧвста стенмас ӧксылӧн сад дорын. Седекей ӧксы аслас йӧзкӧд пышйис Йӧрдан ковтыслань. | 4И взят был город, и побежали все военные ночью по дороге к воротам, между двумя стенами, что подле царского сада; Халдеи же стояли вокруг города, и царь ушел дорогою к равнине. |
| 5 Но калдеяса тышкайӧз вӧтчисны ӧксы бӧрся да суӧдісны сійӧс Ерикон кардорса ковтысын. Ӧксылӧн тышкайӧзыс эновтісны сійӧс да пышйисны-разалісны. | 5И погналось войско Халдейское за царем, и настигли его на равнинах Иерихонских, и все войско его разбежалось от него. |
| 6 Седекей ӧксыӧс кутісны да вайӧдісны вавилонса ӧксы дінӧ Ривлаӧ, и сэні сійӧс мыждісны. | 6И взяли царя, и отвели его к царю Вавилонскому в Ривлу, и произвели над ним суд: |
| 7 Седекейлысь пиянсӧ виисны сылӧн син водзын. Сэсся вавилонса ӧксы бытшкис Седекейлысь кыкнан синсӧ, дорис сійӧс ыргӧн чепъясӧн да нуӧдіс Вавилонӧ. | 7и сыновей Седекии закололи пред глазами его, а самому Седекии ослепили глаза и сковали его оковами, и отвели его в Вавилон. |
| 8 Вавилонса Навукодоносор ӧксылӧн дас ӧкмысӧд веськӧдлан воӧ витӧд тӧлысьлӧн сизимӧд лунӧ Ерусалимӧ локтіс Навузардан, ӧксыӧс видзысьяслӧн юралысь, вавилонса ӧксылӧн кесъялысь. | 8В пятый месяц, в седьмой день месяца, то есть в девятнадцатый год Навуходоносора, царя Вавилонского, пришел Навузардан, начальник телохранителей, слуга царя Вавилонского, в Иерусалим |
| 9 Сійӧ сотіс Ерусалимысь Господьлысь крамсӧ, ӧксылысь керкасӧ да став ыджыд керкасӧ. | 9и сжег дом Господень и дом царя, и все домы в Иерусалиме, и все домы большие сожег огнем; |
| 10 Навузарданлӧн калдеяса тышкайӧзыс жугӧдісны Ерусалимӧс кытшалысь стенсӧ. | 10и стены вокруг Иерусалима разрушило войско Халдейское, бывшее у начальника телохранителей. |
| 11 А карас кольӧм войтырсӧ, весиг вавилонса ӧксы дор вуджӧм йӧзӧс, Навузардан, ӧксыӧс видзысьяслӧн юралысь, нуӧдіс Вавилонӧ. | 11И прочий народ, остававшийся в городе, и переметчиков, которые передались царю Вавилонскому, и прочий простой народ выселил Навузардан, начальник телохранителей. |
| 12 Сӧмын гӧль йӧз пӧвстысь этшаникӧс Навузардан кольӧдіс уджавны виноград йӧрын да видз-му вылын. | 12Только несколько из бедного народа земли оставил начальник телохранителей работниками в виноградниках и землепашцами. |
| 13 Калдеяса тышкайӧз жуглісны Господьлӧн крамысь ыргӧн сюръяяссӧ, мыссян доз улысь джекъяссӧ да ыргӧн вайӧртӧдсӧ. Ыргӧнсӧ нуисны Вавилонӧ. | 13И столбы медные, которые были у дома Господня, и подставы, и море медное, которое в доме Господнем, изломали Халдеи, и отнесли медь их в Вавилон; |
| 14 Найӧ босьтісны тшӧтш пӧим чукӧртан воръяс, пӧим куралан зыръяс, пуртъяс, кӧшъяс да ыргӧнысь вӧчӧм мукӧд дозмуксӧ, мыйӧн вӧдитчисны крамын кесъялігӧн. | 14и тазы, и лопатки, и ножи, и ложки, и все сосуды медные, которые употреблялись при служении, взяли; |
| 15 Ӧксыӧс видзысьяслӧн юралысь босьтіс зарниысь да эзысьысь вӧчӧм дозмук: ӧгыр пӧртъяс да вир резан тасьтіяс. | 15и кадильницы, и чаши, что было золотое и что было серебряное, взял начальник телохранителей: |
| 16 Кык сюръя, вайӧртӧд да джекъяс, мый вылын сулалісны мыссян дозъяс, коркӧ Господьлӧн крамӧ вӧчліс Соломон. Тайӧ вӧчӧмторъясас ыргӧныс вӧлі сы мында, мый весиг эз позь веситнысӧ. | 16столбы числом два, море одно, и подставы, которые сделал Соломон в дом Господень, --меди во всех сих вещах не было весу. |
| 17 Быд сюръя вӧлі дас кӧкъямыс гырддза судта. Сюръя йылас вӧлі ыргӧнысь вӧчӧм юр, сылӧн судтаыс вӧлі куим гырддза. Юр гӧгӧрыс вӧліны чепъясысь вӧчӧм мичмӧданторъяс да гранат кодь сяръяс. Сюръяясыс вӧліны ӧткодьӧсь. Ставсӧ вӧлі вӧчӧма ыргӧнысь. | 17Восемнадцать локтей вышины в одном столбе; венец на нем медный, а вышина венца три локтя, и сетка и гранатовые яблоки вокруг венца--все из меди. То же и на другом столбе с сеткою. |
| 18 Навузардан, ӧксыӧс видзысьяслӧн юралысь, босьтіс Серай аркирейӧс да сылы отсасьысь Софоний попӧс, тшӧтш крам пыранін видзысь куим попӧс. | 18И взял начальник телохранителей Сераию первосвященника и Цефанию, священника второго, и трех, стоявших на страже у порога. |
| 19 Карсьыс босьтіс ыджыд чина мортӧс, коді кывкутіс тышкайӧз вӧсна, босьтіс ӧксылысь вит туйдӧдысьӧс, кодъяс вӧлі кольӧмаӧсь на карас, тшӧтш тышкайӧзлӧн юралысьлысь гижалысьсӧ, коді пасъяліс небӧгӧ тышӧ мунысьясӧс. Нӧшта Навузардан босьтіс карсьыс квайтымын мортӧс, кодъяс шедісны сы киӧ. | 19И из города взял одного евнуха, который был начальствующим над людьми военными, и пять человек, предстоявших лицу царя, которые находились в городе, и писца главного в войске, записывавшего в войско народ земли, и шестьдесят человек из народа земли, находившихся в городе. |
| 20 Ставнысӧ Навузардан, ӧксыӧс видзысьяслӧн юралысь, вайӧдіс вавилонса ӧксы дінӧ Ривлаӧ. | 20И взял их Навузардан, начальник телохранителей, и отвел их к царю Вавилонскому в Ривлу. |
| 21 Ривлаын, Хамат муын, вавилонса ӧксы виис найӧс. Тадзи Иуда войтырӧс вӧлі нуӧдӧма пленӧ аслас муысь. | 21И поразил их царь Вавилонский, и умертвил их в Ривле, в земле Емаф. И выселены Иудеи из земли своей. |
| 22 Вавилонса Навукодоносор ӧксы пуктіс Шафан Ахикамлысь Гедалий писӧ веськӧдлыны Иуда муын кольӧм войтырӧн. | 22Над народом же, остававшимся в земле Иудейской, который оставил Навуходоносор, царь Вавилонский, --над ними поставил начальником Годолию, сына Ахикама, сына Шафанова. |
| 23 Кор иудаса тышкайӧзӧн веськӧдлысьяс кылісны Гедалийӧс юралысьӧ пуктӧм йылысь, найӧ локтісны асланыс йӧзкӧд Гедалий дінӧ Миспаӧ. Веськӧдлысьясыс вӧліны: Нетанийлӧн Измаил пиыс, Карейлӧн Иоханан пиыс, Нетофаысь Танхуметлӧн Серай пиыс да Язаний, кодлӧн батьыс вӧлі Маакаысь. | 23Когда услышали все военачальники, они и люди их, что царь Вавилонский поставил начальником Годолию, то пришли к Годолии в Массифу, и именно: Исмаил, сын Нефании, и Иоханан, сын Карея, и Сераия, сын Танхумефа из Нетофафа, и Иезания, сын Маахитянина, они и люди их. |
| 24 Гедалий кыв сетӧмӧн шуис веськӧдлысьяслы да налӧн тышкайӧзлы: «Энӧ полӧй калдеяса юралысьясысь. Кольччӧй тайӧ муас да кесъялӧй вавилонса ӧксылы. Сэки тіянлы лоӧ бур». | 24И поклялся Годолия им и людям их, и сказал им: не бойтесь быть подвластными Халдеям, селитесь на земле и служите царю Вавилонскому, и будет хорошо вам. |
| 25 Но сизимӧд тӧлысьӧ Миспаӧ локтіс Элишам Нетанийлӧн Измаил пиыс, коді вӧлі ӧксы рӧдысь. Сыкӧд тшӧтш локтіс дас морт. Найӧ виисны Гедалийӧс, тшӧтш иудаса да калдеяса йӧзӧс, кодъяс вӧліны сыкӧд Миспаын. | 25Но в седьмой месяц пришел Исмаил, сын Нефании, сына Елишамы, из племени царского, с десятью человеками, и поразил Годолию, и он умер, и Иудеев и Халдеев, которые были с ним в Массифе. |
| 26 Та бӧрын став войтырыс ичӧтсянь ыджыдӧдз, тшӧтш тышкайӧзӧн веськӧдлысьяс, пышйисны Египетӧ. Найӧ ёна полісны калдеяса йӧзысь. | 26И встал весь народ, от малого до большого, и военачальники, и пошли в Египет, потому что боялись Халдеев. |
| 27 Иудаса Еконей ӧксыӧс пленӧ нуӧдӧм бӧрын комын сизимӧд вонас дас кыкӧд тӧлысьлӧн кызь сизимӧд лунӧ вавилонса Эвил-Меродак ӧксы бурсьӧлӧмтчис иудаса Еконей ӧксы дінӧ да лэдзис сійӧс дзескыдінысь. Буретш тайӧ вонас Эвил-Меродак лоис ӧксыӧн. | 27В тридцать седьмой год переселения Иехонии, царя Иудейского, в двенадцатый месяц, в двадцать седьмой день месяца, Евилмеродах, царь Вавилонский, в год своего воцарения, вывел Иехонию, царя Иудейского, из дома темничного |
| 28 Сійӧ бура сёрнитіс Еконейкӧд да пуктіс сійӧс Вавилонын олысь мукӧд ӧксыяс дорысь вылӧджык. | 28и говорил с ним дружелюбно, и поставил престол его выше престола царей, которые были у него в Вавилоне; |
| 29 Еконей пӧрччис дзескыдінын пукалан паськӧмсӧ да пасьталіс мӧд паськӧм. Сійӧ кадсяньыс да олӧм помӧдзыс Еконей сёйис-юис вавилонса ӧксылӧн пызан сайын. | 29и переменил темничные одежды его, и он всегда имел пищу у него, во все дни жизни его. |
| 30 Вавилонса ӧксы сетіс сылы быд лун кежлӧ став коланаторсӧ, и тадзи вӧлі Еконейлӧн олӧм помӧдзыс. | 30И содержание его, содержание постоянное, выдаваемо было ему от царя, изо дня в день, во все дни жизни его. |
Глава 25