Выбрать язык
Книги Ветхого Завета
Книги Нового Завета
без русского текстаÖКСЫЯСЛÖН КОЙМÖД НЕБÖГ | ТРЕТЬЯ КНИГА ЦАРСТВ |
18 юр | Глава 18 |
| 1 Зэртӧм кадӧ коймӧд вонас Иллялы вӧлі Господьсянь кыв: «Мун Ахав дінӧ. Сэсся Ме ыста му вылас зэр». | 1По прошествии многих дней было слово Господне к Илии в третий год: пойди и покажись Ахаву, и Я дам дождь на землю. |
| 2 Илля муніс Ахав дінӧ. Самарияын сэки йӧзыс зэв ёна тшыгъялісны. | 2И пошел Илия, чтобы показаться Ахаву. Голод же сильный был в Самарии. |
| 3 Ахав корис Авдийӧс, ӧксы керкаӧн веськӧдлысьӧс. Авдий поліс-вежавидзис Господьысь. | 3И призвал Ахав Авдия, начальствовавшего над дворцом. Авдий же был человек весьма богобоязненный, |
| 4 Кор Езавель виаліс Господьлысь пророкъясӧс, Авдий отсаліс сё пророклы дзебсьыны кырта горсъясӧ: быд горсйӧ дзебсисны ветымын мортӧн. Авдий вердіс-юкталіс найӧс сэні. | 4и когда Иезавель истребляла пророков Господних, Авдий взял сто пророков, и скрывал их, по пятидесяти человек, в пещерах, и питал их хлебом и водою. |
| 5 Ахав шуис Авдийлы: «Мун кытшовт да видзӧдав миян муысь став ва петанінсӧ да ю-шорсӧ. Гашкӧ, вӧвъяснымлы да мулъяснымлы турун сюрас, сэки миянлы оз ковмы вины пемӧсъяснымӧс». | 5И сказал Ахав Авдию: пойди по земле ко всем источникам водным и ко всем потокам на земле, не найдем ли где травы, чтобы нам прокормить коней и лошаков и не лишиться скота. |
| 6 Медым кытшовтны ставнас мусӧ, Ахав муніс ӧтарӧ, Авдий – мӧдарӧ. | 6И разделили они между собою землю, чтобы обойти ее: Ахав особо пошел одною дорогою, и Авдий особо пошел другою дорогою. |
| 7 Авдийлы туй вылас паныдасис Илля. Авдий тӧдіс сійӧс. Муӧдзыс копыртчӧмӧн Авдий шыасис: «Тэ-ӧ тайӧ, Илля, менам ыджыдӧй?» | 7Когда Авдий шел дорогою, вот, навстречу ему идет Илия. Он узнал его и пал на лице свое и сказал: ты ли это, господин мой Илия? |
| 8 «Ме, – вочавидзис Илля. – Мун да висьтав аслад ыджыдлы, мый ме тані». | 8Тот сказал ему: я; пойди, скажи господину твоему: `Илия здесь'. |
| 9 Авдий воча шуис: «Мыйӧн нӧ ме, тэнад кесйӧг, мыжми тэ водзын? Тэ мӧдӧдан менӧ Ахав дінӧ, но сійӧ ӧд виас менӧ. | 9Он сказал: чем я провинился, что ты предаешь раба твоего в руки Ахава, чтоб умертвить меня? |
| 10 Ловъя Господь водзын, тэнад Ен водзын, шуа: менам ыджыдӧй мӧдӧдліс корсьны тэнӧ быд муӧ да быд войтыр пӧвстӧ. Ставныслы сійӧ тшӧктыліс кыв сетны, мый эз аддзывны тэнӧ. | 10Жив Господь Бог твой! нет ни одного народа и царства, куда бы не посылал государь мой искать тебя; и когда ему говорили, что тебя нет, он брал клятву с того царства и народа, что не могли отыскать тебя; |
| 11 А тэ ӧні тшӧктан менӧ мунны да висьтавны ыджыдӧйлы, мый тэ тані. | 11а ты теперь говоришь: `пойди, скажи господину твоему: Илия здесь'. |
| 12 Ме кӧ ӧні муна тэ дінысь, Господьлӧн Лолыс нуас тэнӧ код тӧдас кытчӧ. И кор ме висьтала Ахавлы, мый тэ тані, а сійӧ оз аддзы тэнӧ, сэки виас менӧ. А ме, тэнад кесйӧг, том кадсянь ола Господьысь полӧмӧн. | 12Когда я пойду от тебя, тогда Дух Господень унесет тебя, не знаю, куда; и если я пойду уведомить Ахава, и он не найдет тебя, то он убьет меня; а раб твой богобоязнен от юности своей. |
| 13 Тэ ӧмӧй эн кывлы, менам ыджыдӧй, мый ме отсалі сё пророклы дзебсьыны, кор Езавель виаліс Господьлысь пророкъясӧс. Кык кырта горсйӧ ветымын мортӧн дзеби, верді-юкталі найӧс сэні. | 13Разве не сказано господину моему, что я сделал, когда Иезавель убивала пророков Господних, как я скрывал сто человек пророков Господних, по пятидесяти человек, в пещерах и питал их хлебом и водою? |
| 14 А тэ ӧні тшӧктан менӧ мунны да висьтавны Ахав ыджыдӧйлы, мый тэ тані. Сійӧ ӧд виас менӧ!» | 14А ты теперь говоришь: `пойди, скажи господину твоему: Илия здесь'; он убьет меня. |
| 15 Илля вочавидзис: «Ловъя Господь Саваоф водзын, кодлы ме кесъяла, шуа: талун ме петкӧдча Ахавлы». | 15И сказал Илия: жив Господь Саваоф, пред Которым я стою! сегодня я покажусь ему. |
| 16 Авдий муніс Ахав дінӧ да висьталіс Илля йылысь. Ахав мӧдӧдчис Иллялы воча, | 16И пошел Авдий навстречу Ахаву и донес ему. И пошел Ахав навстречу Илии. |
| 17 и кор паныдасис Иллякӧд, шуис сылы: «Тэ-ӧ тайӧ, Израильлы шогсӧ вайысьыс?» | 17Когда Ахав увидел Илию, то сказал Ахав ему: ты ли это, смущающий Израиля? |
| 18 Илля вочавидзис: «Ог ме вай шогсӧ Израильлы, а тэ да тэнад батьыдлӧн рӧдыс. Ті эновтінныд Господьлысь тшӧктӧмъяссӧ да кутінныд юрбитны Ваал идолъяслы. | 18И сказал Илия: не я смущаю Израиля, а ты и дом отца твоего, тем, что вы презрели повеления Господни и идете вслед Ваалам; |
| 19 Ӧні мӧдӧд йӧзтӧ, мед Кармил керӧсӧ чукӧртасны ме дінӧ став Израиль войтырӧс, тшӧтш Вааллысь нёльсё ветымын пророкӧс да Астарталысь нёльсё пророкӧс, кодъяс сёйӧны Езавельлӧн пызан сайын». | 19теперь пошли и собери ко мне всего Израиля на гору Кармил, и четыреста пятьдесят пророков Вааловых, и четыреста пророков дубравных, питающихся от стола Иезавели. |
| 20 Ахав мӧдӧдіс юӧр став Израиль войтырлы да чукӧртіс пророкъясӧс Кармил керӧсӧ. | 20И послал Ахав ко всем сынам Израилевым и собрал всех пророков на гору Кармил. |
| 21 Илля матыстчис войтырыс дінӧ да шуис: «Дыр-ӧ на ті кутанныд чотны кыкнан кокнаныд? Господь кӧ эм Ен, кывзысьӧй Сылысь, Ваал кӧ енмыс, сылысь кывзысьӧй». Войтырыс чӧв оліс. | 21И подошел Илия ко всему народу и сказал: долго ли вам хромать на оба колена? если Господь есть Бог, то последуйте Ему; а если Ваал, то ему последуйте. И не отвечал народ ему ни слова. |
| 22 Сэки Илля шуис войтырыслы: «Господьлӧн пророкъясысь ме ӧтнам коли, а Вааллӧн пророкъясыс – нёльсё ветымын морт. [Нӧшта Астарталӧн – нёльсё пророк.] | 22И сказал Илия народу: я один остался пророк Господень, а пророков Вааловых четыреста пятьдесят человек. |
| 23 Вайӧдӧй миянлы кык ӧшкӧс. Вааллӧн пророкъяс мед бӧръясны ӧтисӧ, начкасны-кераласны сійӧс да пуктасны пес вылӧ, но бисӧ мед оз ӧзтыны. Мӧд ӧшсӧ начка ме, тшӧтш пукта пес вылӧ, но бисӧ ог ӧзты». | 23пусть дадут нам двух тельцов, и пусть они выберут себе одного тельца, и рассекут его, и положат на дрова, но огня пусть не подкладывают; а я приготовлю другого тельца и положу на дрова, а огня не подложу; |
| 24 Вааллӧн пророкъяслы Илля шуис: «Ті шыасьӧй асланыд ен дінӧ, а ме шыася Господь [аслам Ен] дінӧ. Сійӧ енмыс, коді ыстас бисӧ, эм збыль Ен». Став войтырыс вочавидзис: «Бур. [Мед лоӧ тадз.]» | 24и призовите вы имя бога вашего, а я призову имя Господа Бога моего. Тот Бог, Который даст ответ посредством огня, есть Бог. И отвечал весь народ и сказал: хорошо. |
| 25 Илля шуис Вааллӧн пророкъяслы: «Ті унджыкӧнӧсь, та вӧсна медводз ті бӧрйӧй ӧшсӧ да начкӧй сійӧс. Сэсся шыасьӧй асланыд ен дінӧ, но бисӧ энӧ ӧзтӧй». | 25И сказал Илия пророкам Вааловым: выберите себе одного тельца и приготовьте вы прежде, ибо вас много; и призовите имя бога вашего, но огня не подкладывайте. |
| 26 Найӧ босьтісны ӧшкӧс да начкисны сійӧс. Сэсся асывсяньыс луншӧрӧдзыс найӧ горзісны: «Ваал! Кыв миянӧс!» Найӧ весиг чеччалісны висьпуктанін гӧгӧр, но некод эз вочавидз. | 26И взяли они тельца, который дан был им, и приготовили, и призывали имя Ваала от утра до полудня, говоря: Ваале, услышь нас! Но не было ни голоса, ни ответа. И скакали они у жертвенника, который сделали. |
| 27 Луншӧр кадӧ Илля кутіс серавны на вылын: «Гораджыка горзӧй! Сійӧ ӧд ен! Гашкӧ, сійӧ мӧвпалӧ мый йылысь кӧ? Гашкӧ, мыйкӧ вӧчӧ ӧні? А колӧкӧ, кытчӧкӧ муніс? Гашкӧ, узьӧ да, и сійӧс колӧ садьмӧдны?» | 27В полдень Илия стал смеяться над ними и говорил: кричите громким голосом, ибо он бог; может быть, он задумался, или занят чем-либо, или в дороге, а может быть, и спит, так он проснется! |
| 28 Пророкъяс нӧшта на гораджыка горзісны и, кыдзи век вӧчлісны, бытшйӧдлісны асьнысӧ пуртӧн да шыӧн, кытчӧдз эз ойдны вирнас. | 28И стали они кричать громким голосом, и кололи себя по своему обыкновению ножами и копьями, так что кровь лилась по ним. |
| 29 Луншӧр кадсянь рытъя вись ваян кадӧдз найӧ этшсьыс петмӧн горзісны. Но некод эз вочавидз. [Тишбиса Илля шуис Вааллӧн пророкъяслы: «Вешйӧй. Ӧні ме кута вись вайны». Мӧдъясыс ланьтӧмӧн вешйисны.] | 29Прошел полдень, а они всё еще бесновались до самого времени вечернего жертвоприношения; но не было ни голоса, ни ответа, ни слуха. |
| 30 Илля корис Израиль войтырӧс матыстчыны ас дінас. Ставныс матыстчисны. Илля кутіс тэчны Господьлысь жуглӧм висьпуктанінсӧ. | 30Тогда Илия сказал всему народу: подойдите ко мне. И подошел весь народ к нему. Он восстановил разрушенный жертвенник Господень. |
| 31 Сійӧ босьтіс дас кык из – Яковсянь петӧм чужанкотыръяслӧн лыдыс серти. Яковлы коркӧ Господь шуис: «Тэнад нимыд лоӧ Израиль». | 31И взял Илия двенадцать камней, по числу колен сынов Иакова, которому Господь сказал так: Израиль будет имя твое. |
| 32 Тайӧ изъяссьыс Илля тэчис Господьлы висьпуктанін, гӧгӧрыс кодйис гуран, кытчӧ позьӧ вӧлі тӧрӧдны кык куд тыр шыдӧс. | 32И построил из сих камней жертвенник во имя Господа, и сделал вокруг жертвенника ров, вместимостью в две саты зерен, |
| 33 Висьпуктанін вылӧ пукталіс пес, начкис-кераліс ӧшкӧс да пуктіс пес вылӧ. | 33и положил дрова, и рассек тельца, и возложил его на дрова, |
| 34 Сэсся Илля шуис: «Тыртӧй ваӧн нёль ыджыд гырнич, кисьтӧй васӧ сотан вись вылас да пес вылас». [Тадзи и вӧчисны.] Сэсся тшӧктіс мӧдысь тадзикӧн вӧчны. Тадзи вӧчисны. Сэсся коймӧдысь на тшӧктіс васӧ кисьтны. И коймӧдысь тадзи вӧчисны. | 34и сказал: наполните четыре ведра воды и выливайте на всесожигаемую жертву и на дрова. Потом сказал: повторите. И они повторили. И сказал: сделайте то же в третий раз. И сделали в третий раз, |
| 35 Ваыс кутіс ызбыльтны-визувтны висьпуктанінысь, и сы гӧгӧр кодйӧм гураныс тырис ваӧн. | 35и вода полилась вокруг жертвенника, и ров наполнился водою. |
| 36 Рытъя вись ваян кадӧ Илля пророк матыстчис висьпуктанін дорӧ да [енэжас видзӧдӧмӧн гораа] шуис: «Господьӧй, Ӧвраамлӧн, Исааклӧн да Израильлӧн Ен! [Кыв менӧ, Господьӧй, кыв менӧ талун би пытшсянь!] Талун мед тӧдмаласны тайӧ йӧзыс, мый Тэ – Израильлӧн Ен, и мый ме – Тэнад кесйӧг. Найӧ мед аддзасны, мый ме ставсӧ вӧчи Тэнад тшӧктӧм серти. | 36Во время приношения вечерней жертвы подошел Илия пророк и сказал: Господи, Боже Авраамов, Исааков и Израилев! Да познают в сей день, что Ты один Бог в Израиле, и что я раб Твой и сделал всё по слову Твоему. |
| 37 Вочавидз меным, Господьӧй! Вочавидз, медым тайӧ войтырыс тӧдмалас, мый Тэ, Господьӧй, эм Ен, и мый Тэ бергӧдан налысь сьӧлӧмсӧ Ас дінад». | 37Услышь меня, Господи, услышь меня! Да познает народ сей, что Ты, Господи, Бог, и Ты обратишь сердце их к Тебе. |
| 38 Сэки вылысянь сяркнитіс Господьлӧн биыс да ньылыштіс сотан висьсӧ, пессӧ, изъяссӧ, висьпуктанін дорысь мусӧ да кодйӧм гуранысь васӧ. | 38И ниспал огонь Господень и пожрал всесожжение, и дрова, и камни, и прах, и поглотил воду, которая во рве. |
| 39 Кор йӧзыс аддзисны тайӧс, кымынь уськӧдчисны муас да шуисны: «Господь эм Ен! Господь эм Ен!» | 39Увидев это, весь народ пал на лице свое и сказал: Господь есть Бог, Господь есть Бог! |
| 40 Илля шуис войтырыслы: «Босьтӧй Вааллысь пророкъяссӧ, энӧ лэдзӧй некодлы пышйыны». Вааллысь пророкъяссӧ босьтісны. Сэсся Илля нуӧдіс найӧс Кишон ю дорӧ да сэні ставнысӧ виис. | 40И сказал им Илия: схватите пророков Вааловых, чтобы ни один из них не укрылся. И схватили их, и отвел их Илия к потоку Киссону и заколол их там. |
| 41 Илля шуис Ахавлы: «Мун сёйны-юны. Зэр шыыс кылӧ нин». | 41И сказал Илия Ахаву: пойди, ешь и пей, ибо слышен шум дождя. |
| 42 Ахав муніс сёйны-юны. А Илля кайис Кармил керӧсӧ, сувтіс пидзӧс вылас да юрсӧ пидзӧс костас сюйӧмӧн копыртчис муӧдзыс. | 42И пошел Ахав есть и пить, а Илия взошел на верх Кармила и наклонился к земле, и положил лице свое между коленами своими, |
| 43 Аслас кесйӧглы шуис: «Мун да видзӧдлы саридзланьыс». Мӧдыс ветліс, видзӧдліс да шуис: «Ме нинӧм эг аддзы». «Мун, бара ветлы», – шуис кесйӧгыслы Илля. Тадзи сизимысь тшӧктіс ветлыны. | 43и сказал отроку своему: пойди, посмотри к морю. Тот пошел и посмотрел, и сказал: ничего нет. Он сказал: продолжай это до семи раз. |
| 44 Сизимӧдысь ветлӧм бӧрас кесйӧгыс шуис: «Саридз весьтас кыпӧдчӧ ки пыдӧс пасьта ичӧтик кымӧр». Илля шуис: «Мун да висьтав Ахавлы, мед ӧдйӧджык доддялас вӧвъяссӧ тарантасас да мунас, медым зэрыс эз су сійӧс». | 44В седьмой раз тот сказал: вот, небольшое облако поднимается от моря, величиною в ладонь человеческую. Он сказал: пойди, скажи Ахаву: `запрягай колесницу твою и поезжай, чтобы не застал тебя дождь'. |
| 45 Енэжыс пемдіс, тӧлыс вайис сьӧд кымӧръяс, кутіс сувтсӧн зэрны. Ахав [бӧрддзӧмӧн] сӧліс аслас тарантасӧ да рӧдтіс Изреельӧ. | 45Между тем небо сделалось мрачно от туч и от ветра, и пошел большой дождь. Ахав же сел в колесницу, и поехал в Изреель. |
| 46 Господьлӧн вына киыс вӧлі Илля вылын. Коссӧ вӧнялӧмӧн сійӧ котӧртіс Ахав водзвылын Изреельӧдз. | 46И была на Илии рука Господня. Он опоясал чресла свои и бежал пред Ахавом до самого Изрееля. |
Глава 18