Выбрать язык
Книги Ветхого Завета
Книги Нового Завета
без русского текстаÖКСЫЯСЛÖН КОЙМÖД НЕБÖГ | ТРЕТЬЯ КНИГА ЦАРСТВ |
2 юр | Глава 2 |
| 1 Кулӧм водзвылас Давид колис Соломон пиыслы ассьыс тшӧктӧмъяссӧ. Сійӧ шуис: | 1Приблизилось время умереть Давиду, и завещал он сыну своему Соломону, говоря: |
| 2 «Менам мувывса туйӧй помасьӧ. Но тэ ло зумыд да повтӧм. | 2вот, я отхожу в путь всей земли, ты же будь тверд и будь мужествен |
| 3 Вӧч, мый тшӧктӧ Господь, тэнад Енмыд. Ветлы Сылӧн туйӧд да ов Сылӧн индӧд-тшӧктӧмъяс серти, мый гижӧма Мӧисейлӧн Индӧдын. Сэки тэнад артмас ставыс, мый мӧвпыштан да мый кутан вӧчны. | 3и храни завет Господа Бога твоего, ходя путями Его и соблюдая уставы Его и заповеди Его, и определения Его и постановления Его, как написано в законе Моисеевом, чтобы быть тебе благоразумным во всем, что ни будешь делать, и везде, куда ни обратишься; |
| 4 И Господь збыльмӧдас Ассьыс кывсӧ, мый висьтавліс ме йылысь. Сійӧ шуліс: ”Тэсянь чужысьяс кӧ кутасны ветлыны веськыд туйӧд да став сьӧлӧмнас овны Ме водзын веськыда, сэки тэнад рӧдысь пыр лоӧ ӧксы, коді кутас веськӧдлыны Израиль войтырӧн”. | 4чтобы Господь исполнил слово Свое, которое Он сказал обо мне, говоря: `если сыны твои будут наблюдать за путями своими, чтобы ходить предо Мною в истине от всего сердца своего и от всей души своей, то не прекратится муж от тебя на престоле Израилевом'. |
| 5 Тэ ӧд тӧдан, мый Саруялӧн Йоав пиыс вӧчис меным. Тэ тӧдан, мый сійӧ виис израильса тышкайӧзӧн кык веськӧдлысьӧс, Нирлысь Авенир писӧ да Етерлысь Амессай писӧ. Лӧнь кад дырйи тышын моз вир кисьтіс, вирӧсьтіс коссьыс вӧньсӧ да коксьыс кӧмсӧ. | 5Еще: ты знаешь, что сделал мне Иоав, сын Саруин, как поступил он с двумя вождями войска Израильского, с Авениром, сыном Нировым, и Амессаем, сыном Иеферовым, как он умертвил их и пролил кровь бранную во время мира, обагрив кровью бранною пояс на чреслах своих и обувь на ногах своих: |
| 6 Тэ ӧд мывкыд морт, сідзкӧ, вӧч мывкыд морт моз. Эн сет пӧрысьмӧм нин Йоавлы лӧня вуджны кулӧмаяс дінӧ. | 6поступи по мудрости твоей, чтобы не отпустить седины его мирно в преисподнюю. |
| 7 А галаадса Барзиллайлӧн пиян дінӧ ло бур сьӧлӧма. Лэдз налы пӧткӧдчыны аслад пызан сайын, ӧд найӧ отсалісны меным, кор ме пышйи тэнад Авессалом вокысь. | 7А сынам Верзеллия Галаадитянина окажи милость, чтоб они были между питающимися твоим столом, ибо они пришли ко мне, когда я бежал от Авессалома, брата твоего. |
| 8 Тэ тӧдан тшӧтш Бахуримысь Венямин чужанкотырысь Герлысь Шимей писӧ. Сійӧ лёкӧдіс-ёрис менӧ, кор ме вӧлі муна Маханаимӧ. Но кор ме бӧр локті, сійӧ меным воча петіс Йӧрдан ю дорын, и сэки ме Господь водзын кыв сеті сылы, мый ог ви сійӧс. | 8Вот еще у тебя Семей, сын Геры Вениамитянина из Бахурима; он злословил меня тяжким злословием, когда я шел в Маханаим; но он вышел навстречу мне у Иордана, и я поклялся ему Господом, говоря: `я не умерщвлю тебя мечом'. |
| 9 А тэ эн коль сійӧс мыждытӧг. Тэ мывкыд морт, и ачыд тӧдан, мый сыкӧд вӧчны, медым пӧрысь кадас сійӧ вуджас кулӧмаяс дінӧ сылысь вирсӧ кисьтӧм бӧрын». | 9Ты же не оставь его безнаказанным; ибо ты человек мудрый и знаешь, что тебе сделать с ним, чтобы низвести седину его в крови в преисподнюю. |
| 10 Давид куліс да вуджис батьясыс дінӧ. Сійӧс дзебисны Давид карӧ. | 10И почил Давид с отцами своими и погребен был в городе Давидовом. |
| 11 Давид ӧксыаліс Израильын нелямын во чӧж. Хевронын сійӧ юраліс сизим во, Ерусалимын – комын куим во. | 11Времени царствования Давида над Израилем было сорок лет: в Хевроне царствовал он семь лет и тридцать три года царствовал в Иерусалиме. |
| 12 Давид батьыс пыдди ӧксыӧ пуксис Соломон. Сылӧн юралӧмыс вӧлі зумыд. | 12И сел Соломон на престоле Давида, отца своего, и царствование его было очень твердо. |
| 13 Адоний, Агиталӧн пиыс, локтіс Соломонлӧн Вирсавия мам дінӧ [да копыртчис сылы]. Вирсавия юаліс: «Бур могӧн-ӧ тэ локтін?» Мӧдыс вочавидзис: «Бур могӧн». | 13И пришел Адония, сын Аггифы, к Вирсавии, матери Соломона. Она сказала: с миром ли приход твой? И сказал он: с миром. |
| 14 Сэсся содтіс: «Менам эм сёрни тэ дінӧ». «Висьтав», – шуис Вирсавия. | 14И сказал он: у меня есть слово к тебе. Она сказала: говори. |
| 15 Адоний шуис: «Тэ ӧд тӧдан, мый юралӧмыс вӧлі менам киын, Израиль войтыр весиг сибӧдіс менӧ ӧксыӧс моз. Но ӧксыӧ ме пыдди пуксис менам вокӧй, ӧд тадзи вӧлі шуӧма Господь. | 15И сказал он: ты знаешь, что царство принадлежало мне, и весь Израиль обращал на меня взоры свои, как на будущего царя; но царство отошло от меня и досталось брату моему, ибо от Господа это было ему; |
| 16 Но менам эм ӧти корӧм. Эн ӧтдорт менсьым корӧмӧс». «Висьтав», – шуис Вирсавия. | 16теперь я прошу тебя об одном, не откажи мне. Она сказала ему: говори. |
| 17 Адоний шуис: «Кора тэнӧ, сёрнит Соломон ӧксыкӧд, сійӧ тэнӧ кывзас. Сійӧ мед сетас меным гӧтыр пыдди Шунем карысь Ависагаӧс». | 17И сказал он: прошу тебя, поговори царю Соломону, ибо он не откажет тебе, чтоб он дал мне Ависагу Сунамитянку в жену. |
| 18 «Бур, – воча шуис Вирсавия, – ме сёрнита ӧксыкӧд». | 18И сказала Вирсавия: хорошо, я поговорю о тебе царю. |
| 19 Вирсавия муніс Соломон ӧксы дінӧ, медым сёрнитны Адонийлӧн корӧм йылысь. Ӧксы чеччис да копыртчылӧмӧн вочааліс Вирсавияӧс, сэсся пуксис аслас юралан пуклӧсӧ. Ӧксылӧн мамыслы тшӧтш вайисны пуклӧс. Вирсавия пуксис ӧксы веськыдладорӧ | 19И вошла Вирсавия к царю Соломону говорить ему об Адонии. Царь встал перед нею, и поклонился ей, и сел на престоле своем. Поставили престол и для матери царя, и она села по правую руку его |
| 20 да шуис: «Менам эм тэ дінӧ ичӧтик корӧм, эн ӧтдорт менсьым корӧмӧс». Ӧксы шуис: «Висьтав, мамӧй. Ог ӧтдорт тэнсьыд корӧмтӧ». | 20и сказала: я имею к тебе одну небольшую просьбу, не откажи мне. И сказал ей царь: проси, мать моя; я не откажу тебе. |
| 21 Вирсавия шуис: «Сет Адоний вокыдлы гӧтыр пыдди Шунем карысь Ависагаӧс». | 21И сказала она: дай Ависагу Сунамитянку Адонии, брату твоему, в жену. |
| 22 Соломон ӧксы вочавидзис мамыслы: «Мыйла тэ коран Адонийлы шунемса Ависагаӧс? Нӧшта кор сылы и ӧксыалӧм, сійӧ ӧд менам ыджыдджык вок, и сы дор тшӧтш Авиатар поп да Саруялӧн Йоав пиыс [тышкайӧзӧн веськӧдлысь, сылӧн ёртыс]». | 22И отвечал царь Соломон и сказал матери своей: а зачем ты просишь Ависагу Сунамитянку для Адонии? проси ему также и царства; ибо он мой старший брат, и ему священник Авиафар и Иоав, сын Саруин, друг. |
| 23 Соломон ӧксы кыв сетіс Господь водзын, сійӧ шуис: «Енмыс мед чорыда мыждас менӧ, оз кӧ Адоний мынтысь олӧмнас аслас корӧмысь. | 23И поклялся царь Соломон Господом, говоря: то и то пусть сделает со мною Бог и еще больше сделает, если не на свою душу сказал Адония такое слово; |
| 24 Ловъя Господь водзын, коді Аслас кӧсйысьӧм серти ёнмӧдіс менӧ, пуксьӧдіс менӧ Давид батьӧйлӧн юралан пуклӧсӧ да зумыдмӧдіс менсьым рӧдӧс, ме кыв сета: талун Адоний кулас!» | 24ныне же, --жив Господь, укрепивший меня и посадивший меня на престоле Давида, отца моего, и устроивший мне дом, как говорил Он, --ныне же Адония должен умереть. |
| 25 Соломон ӧксы мӧдӧдіс Иодайлысь Бенай писӧ, и сійӧ виис Адонийӧс. | 25И послал царь Соломон Ванею, сына Иодаева, который поразил его, и он умер. |
| 26 Авиатар поплы ӧксы шуис: «Мун бӧр Анатотӧ да вӧдит ассьыд видз-мутӧ. Тэнӧ эськӧ тшӧтш колӧ вины, но ме коля тэнӧ ловйӧн, ӧд тэ новлӧдлін Господь Ыджыдлысь кудсӧ менам Давид бать водзын да сыкӧд тшӧтш мунін сьӧкыдлунъяс пыр». | 26А священнику Авиафару царь сказал: ступай в Анафоф на твое поле; ты достоин смерти, но в настоящее время я не умерщвлю тебя, ибо ты носил ковчег Владыки Господа пред Давидом, отцом моим, и терпел все, что терпел отец мой. |
| 27 Соломон вештіс Авиатарӧс Господь водзын попӧн кесъялӧмысь. Тадзи иніс Илийлӧн рӧд йылысь Силомын Господьлӧн шуӧмыс. | 27И удалил Соломон Авиафара от священства Господня, и исполнилось слово Господа, которое сказал Он о доме Илия в Силоме. |
| 28 Кор Йоавлы кывсис Адонийлӧн кулӧм йылысь, сійӧ котӧртіс Господьлӧн вежа чомйӧ да шашаритчис висьпуктанін сюръясӧ. Ӧд Йоав вӧлі Адоний дор, но сійӧ эз вӧв Авессалом дор. | 28Слух об этом дошел до Иоава, --так как Иоав склонялся на сторону Адонии, а на сторону Соломона не склонялся, --и убежал Иоав в скинию Господню и ухватился за роги жертвенника. |
| 29 Соломон ӧксылы висьталісны, Йоав пӧ пышйӧма Господьлӧн вежа чомйӧ, и ӧні пӧ сійӧ висьпуктанін дорын. Соломон ыстіс Иодайлысь Бенай писӧ да тшӧктіс сылы вины Йоавӧс [да гуавны сійӧс]. | 29И донесли царю Соломону, что Иоав убежал в скинию Господню и что он у жертвенника. И послал Соломон Ванею, сына Иодаева, говоря: пойди, умертви его. |
| 30 Бенай локтіс Господьлӧн вежа чомйӧ да шуис Йоавлы: «Ӧксы тшӧктӧ тэныд петны татысь». Йоав вочавидзис: «Ог пет, ме кӧсъя тані кувны». Бенай муніс ӧксы дінӧ да висьталіс сылы Йоавлысь кывъяссӧ. | 30И пришел Ванея в скинию Господню и сказал ему: так сказал царь: выходи. И сказал тот: нет, я хочу умереть здесь. Ванея передал это царю, говоря: так сказал Иоав, и так отвечал мне. |
| 31 Ӧксы шуис Бенайлы: «Вӧч, кыдзи шуӧ Йоав. Ви сійӧс сэні да гуав. Тадзи вештан ме вылысь да менам батьлӧн рӧд вылысь мыжтӧм йӧзлысь вирсӧ, мый Йоав кисьтіс. | 31Царь сказал ему: сделай, как он сказал, и умертви его и похорони его, и сними невинную кровь, пролитую Иоавом, с меня и с дома отца моего; |
| 32 Господь водзын сійӧ ачыс мыжа аслас кулӧмысь, ӧд Давид батьӧйлы висьтавтӧг сійӧ виис шыпуртӧн кык мортӧс – Нирлысь Авенир писӧ, израильса тышкайӧзӧн веськӧдлысьӧс, да Етерлысь Амессай писӧ, иудаса тышкайӧзӧн веськӧдлысьӧс. Найӧ вӧліны сыысь веськыдджыкӧсь да бурджыкӧсь. | 32да обратит Господь кровь его на голову его за то, что он убил двух мужей невинных и лучших его: поразил мечом, без ведома отца моего Давида, Авенира, сына Нирова, военачальника Израильского, и Амессая, сына Иеферова, военачальника Иудейского; |
| 33 Тайӧ кык мортлысь вирсӧ кисьтӧмысь мыжыс мед пыр кежлӧ коляс Йоав вылӧ да сысянь чужысьяс вылӧ. А Давидӧс да сысянь чужысьясӧс, сылысь рӧдсӧ да сылысь юралӧмсӧ мед пыр кытшалас Господьлӧн лӧньлуныс». | 33да обратится кровь их на голову Иоава и на голову потомства его на веки, а Давиду и потомству его, и дому его и престолу его да будет мир на веки от Господа! |
| 34 Иодайлӧн Бенай пиыс муніс да виис Йоавӧс. Дзебисны сійӧс овтӧминӧ, аслас керкасянь матӧ. | 34И пошел Ванея, сын Иодаев, и поразил Иоава, и умертвил его, и он был похоронен в доме своем в пустыне. |
| 35 Йоав пыдди тышкайӧзӧн веськӧдлыны Соломон пуктіс Бенайӧс, [ачыс Соломон сэки ӧксыаліс Ерусалимын,] а Авиатар поп пыдди ӧксы пуктіс [аркирейӧ] Садокӧс. [Господь сетіс Соломонлы ыджыд мывкыдлун, сюсь вежӧр да уна тӧдӧмлун, сылӧн тӧдӧмлуныс вӧлі саридздор лыа мында. Соломонлӧн мывкыдлуныс вӧлі ёна ыджыдджык важ олысьяслӧн да Египетын олысь мывкыда йӧзлӧн дорысь. Соломон босьтіс гӧтырӧ фараонлысь нывсӧ да вайӧдіс сійӧс Давид карӧ. Сэні гӧтырыс оліс, кытчӧдз Соломон эз лэпты аслыс керка. Но медводз сійӧ лэптіс Господьлы крам да Ерусалим гӧгӧр стен. Соломон вӧчис крамсӧ сизим во чӧж. Соломонлӧн вӧлі сизимдас сюрс морт, кодъяс кыскалісны-ваялісны изъяс, и кӧкъямысдас сюрс морт, кодъяс кералісны-перйисны изсӧ изкыртаысь. Соломон вӧчӧдіс вайӧртӧд да сы улын сулалысь пыкӧдъяс, вӧчӧдіс ыджыд мыссян дозъяс да сюръяяс, крам йӧрас вӧчӧдіс ва петанін да ыргӧнысь вайӧртӧд. Соломон вӧчӧдіс изкар да сы гӧгӧр стен, юкис Давид карсӧ кык пельӧ. Фараонлӧн нылыс вуджис Давид карысь аслас керкаӧ, кодӧс Соломон лэптіс сылы. Кар гӧгӧрыс Соломон кыпӧдіс стен. Куимысь вонас Соломон вайліс сотан да бурасян висьяс висьпуктанін вылын, кодӧс сійӧ лэптіс Господьлы, и сэні Господь водзын тшынӧдчис. Соломон помаліс керка лэптӧмсӧ. Сылӧн вӧлі куим сюрс квайтсё морт, кодъяс видзӧдісны уджалысьяс бӧрся. Господьлысь крамсӧ лэптӧм бӧрын да Ерусалим кар гӧгӧр стен кыпӧдӧм бӧрын Соломон нӧшта кыпӧдіс Ассур, Магдон, Гезер, Вылыс Бет-Хорон да Баалат каръяс. Ловъя дырйиыс на Давид шуліс Соломонлы: «Тэ тӧдан Бахуримысь Венямин чужанкотырысь Герлысь Шимей писӧ. Сійӧ быд ногыс лёкӧдіс менӧ, кор ме вӧлі муна Маханаимӧ. Но кор ме бӧр локті, сійӧ меным воча петіс Йӧрдан ю дорын, и сэки ме Господь водзын кыв сеті сылы, мый ог ви сійӧс. А тэ эн коль сійӧс мыждытӧг. Тэ мывкыд морт, и ачыд тӧдан, мый сыкӧд вӧчны, медым пӧрысь кадас сійӧ вуджас кулӧмаяс дінӧ сылысь вирсӧ кисьтӧм бӧрын».] | 35И поставил царь Соломон Ванею, сына Иодаева, вместо его над войском; а Садока священника поставил царь вместо Авиафара. |
| 36 Ӧксы тшӧктіс корны Шимейӧс да шуис сылы: «Лэпты тані, Ерусалимын, аслыд керка да ов сэні. Некытчӧ эн мун татысь. | 36И послав царь призвал Семея и сказал ему: построй себе дом в Иерусалиме и живи здесь, и никуда не выходи отсюда; |
| 37 Тӧд, тэ кӧ петан Ерусалимысь да вуджан Кедрон ковтыс сайӧ, тэнӧ виасны. Аслад кулӧмысь ачыд лоан мыжа». | 37и знай, что в тот день, в который ты выйдешь и перейдешь поток Кедрон, непременно умрешь; кровь твоя будет на голове твоей. |
| 38 Шимей вочавидзис ӧксылы: «Бур, ӧксыӧй-ыджыдӧй. Кыдзи тшӧктан, сідзи ме, тэнад кесйӧгыд, и вӧча». Дыр кад чӧж Шимей оліс Ерусалимын. | 38И сказал Семей царю: хорошо; как приказал господин мой царь, так сделает раб твой. И жил Семей в Иерусалиме долгое время. |
| 39 Куим во мысти Шимейлӧн кык кесйӧг пышйисны гефса ӧксы дінӧ, Мааклӧн Акиш пи дінӧ. Шимейлы юӧртісны, тэнад кесйӧгъясыд пӧ Гефынӧсь. | 39Но через три года случилось, что у Семея двое рабов убежали к Анхусу, сыну Маахи, царю Гефскому. И сказали Семею, говоря: вот, рабы твои в Гефе. |
| 40 Шимей пуксис осёл вылӧ да муніс Гефӧ Акиш дінӧ корсьны ассьыс кесйӧгъяссӧ. Тадзи Шимей бӧр вайӧдіс кесйӧгъяссӧ Гефысь. | 40И встал Семей, и оседлал осла своего, и отправился в Геф к Анхусу искать рабов своих. И возвратился Семей и привел рабов своих из Гефа. |
| 41 Соломонлы висьталісны, Шимей пӧ ветлӧма Ерусалимысь Гефӧ. | 41И донесли Соломону, что Семей ходил из Иерусалима в Геф и возвратился. |
| 42 Ӧксы корис Шимейӧс да шуис сылы: «Эг-ӧ ме шулы тэныд, мися, петан кӧ кытчӧкӧ Ерусалимысь, тэнӧ виасны. И Господь водзын кыв сетӧмӧн тэ кӧсйысин вӧчны менам шуӧм серти. | 42И послав призвал царь Семея и сказал ему: не клялся ли я тебе Господом и не объявлял ли тебе, говоря: `знай, что в тот день, в который ты выйдешь и пойдешь куда-нибудь, непременно умрешь'? и ты сказал мне: `хорошо'; |
| 43 Кыдзи нӧ тэ лысьтін торкны Господь водзын сетӧм кывтӧ да менсьым тшӧктӧмӧс?» | 43зачем же ты не соблюл приказания, которое я дал тебе пред Господом с клятвою? |
| 44 Сэсся ӧксы шуис Шимейлы: «Тэ ачыд тӧдан, кутшӧм лёктор тэ вӧчин менам Давид батьлы. Господь мед бергӧдас лёк вӧчӧмтӧ ас вылад. | 44И сказал царь Семею: ты знаешь и знает сердце твое все зло, какое ты сделал отцу моему Давиду; да обратит же Господь злобу твою на голову твою! |
| 45 А менӧ, Соломон ӧксыӧс, мед бурсиас. Давидлӧн юралӧмыс мед зумыда сулалас Господь водзын нэмъяс чӧж!» | 45а царь Соломон да будет благословен, и престол Давида да будет непоколебим пред Господом во веки! |
| 46 Ӧксы тшӧктіс Иодайлӧн Бенай пилы вины Шимейӧс. Иодай муніс да виис сійӧс. | 46и повелел царь Ванее, сыну Иодаеву, и он пошел и поразил Семея, и тот умер. |
Глава 2