Выбрать язык
Книги Ветхого Завета
Книги Нового Завета
без русского текстаÖКСЫЯСЛÖН КОЙМÖД НЕБÖГ | ТРЕТЬЯ КНИГА ЦАРСТВ |
1 юр | Глава 1 |
| 1 Давид ӧксы пӧрысьмис, вӧлі ыджыд арлыда нин. Ӧксыӧс вевттялісны-поньталісны шебрасъясӧн, но сійӧ некыдз эз вермы шонавны. | 1Когда царь Давид состарился, вошел в преклонные лета, то покрывали его одеждами, но не мог он согреться. |
| 2 Сэки кесйӧгъясыс шуисны сылы: «Ӧксыӧй-ыджыдӧй, лэдз миянлы корсьны тэныд том нылӧс. Сійӧ кутас кесъявны тэныд, тӧждысьны-видзӧдны тэ бӧрся да орччӧн куйлыны тэкӧд, медым тэныд, ӧксыӧй-ыджыдӧй, вӧлі шоныд». | 2И сказали ему слуги его: пусть поищут для господина нашего царя молодую девицу, чтоб она предстояла царю и ходила за ним и лежала с ним, --и будет тепло господину нашему, царю. |
| 3 Став Израиль му пасьтала корсисны мича нылӧс. Шунем карысь аддзисны Ависага нима нылӧс да вайӧдісны сійӧс ӧксы дінӧ. | 3И искали красивой девицы во всех пределах Израильских, и нашли Ависагу Сунамитянку, и привели ее к царю. |
| 4 Ависага вӧлі зэв мича. Сійӧ кутіс кесъявны ӧксылы да тӧждысьны сы вӧсна, но ӧксы эз вӧрӧдлы нылӧс вольпасяс. | 4Девица была очень красива, и ходила она за царем и прислуживала ему; но царь не познал ее. |
| 5 Адоний, кодлӧн мамыс вӧлі Агита, асьсӧ вылӧ пуктіс да шуаліс, ме пӧ лоа ӧксыӧн. Сійӧ лӧсьӧдіс аслыс тарантасъяс, верзьӧмаясӧс да ветымын тышкамортӧс, кодъяс ветлісны сы водзвылын да видзисны сійӧс. | 5Адония, сын Аггифы, возгордившись говорил: я буду царем. И завел себе колесницы и всадников и пятьдесят человек скороходов. |
| 6 Давид некор эз шуасьлы Адоний пиыс вылӧ да эз ӧлӧдлыв сійӧс. Адоний вӧлі зэв мича, Давидлӧн сійӧ чужис Авессалом бӧрся. | 6Отец же никогда не стеснял его вопросом: для чего ты это делаешь? Он же был очень красив и родился ему после Авессалома. |
| 7 Адоний сёрнитчис Саруялӧн Йоав пикӧд да Авиатар попкӧд, и найӧ вӧліны Адоний дор. | 7И советовался он с Иоавом, сыном Саруиным, и с Авиафаром священником, и они помогали Адонии. |
| 8 Но Садок поп, Иодайлӧн Бенай пиыс, Нафан пророк, Шимей, Рей да Давидлӧн вына тышкасьысьяс эз вӧвны Адоний дор. | 8Но священник Садок и Ванея, сын Иодаев, и пророк Нафан, и Семей, и Рисий, и сильные Давидовы не были на стороне Адонии. |
| 9 Рогель ва петанінсянь матын Зохелет из дорын Адоний начкис ыжъясӧс, ӧшъясӧс да тшӧгӧдӧм куканьясӧс вись вайӧм могысь. Корис сэтчӧ ассьыс вокъяссӧ – ӧксылысь пиянсӧ – да Иуда му пасьталаысь ӧксылысь чина йӧзсӧ. | 9И заколол Адония овец и волов и тельцов у камня Зохелет, что у источника Рогель, и пригласил всех братьев своих, сыновей царя, со всеми Иудеянами, служившими у царя. |
| 10 А пророк Нафанӧс, Бенайӧс, ӧксылысь вына тышкасьысьяссӧ да ассьыс Соломон воксӧ сійӧ эз кор. | 10Пророка же Нафана и Ванею, и тех сильных, и Соломона, брата своего, не пригласил. |
| 11 Нафан шуис Вирсавиялы, Соломонлӧн мамлы: «Тэ кывлін, мый Агиталӧн Адоний пиыс пуксьӧма ӧксыӧ, а Давид ыджыдным оз и тӧд та йылысь? | 11Тогда Нафан сказал Вирсавии, матери Соломона, говоря: слышала ли ты, что Адония, сын Аггифин, сделался царем, а господин наш Давид не знает о том? |
| 12 Видз ассьыд олӧмтӧ да Соломон пиыдлысь олӧмсӧ. Со мый ме вӧзъя тэныд. | 12Теперь, вот, я советую тебе: спасай жизнь твою и жизнь сына твоего Соломона. |
| 13 Мун Давид ӧксы дінӧ да шу сылы: ”Ӧксыӧй-ыджыдӧй, тэ кыв сетлін меным, аслад кесйӧглы, мый менам Соломон пиӧй лоӧ ӧксыӧн тэ бӧрти да пуксяс тэнад юралан пуклӧсӧ. Мыйла нӧ Адоний лои ӧксынас?” | 13Иди и войди к царю Давиду и скажи ему: не клялся ли ты, господин мой царь, рабе твоей, говоря: `сын твой Соломон будет царем после меня и он сядет на престоле моем'? Почему же воцарился Адония? |
| 14 А тэнад сёрнитігкості ме пыра ӧксы дінӧ да сувта тэ дор». | 14И вот, когда ты еще будешь говорить там с царем, войду и я вслед за тобою и дополню слова твои. |
| 15 Вирсавия муніс да пырис ӧксылӧн узьлан жырйӧ. Шунем карысь Ависага тӧждысис сэні пӧрысь Давид бӧрся. | 15Вирсавия пошла к царю в спальню; царь был очень стар, и Ависага Сунамитянка прислуживала царю; |
| 16 Вирсавия копыртчис ӧксы водзӧ. Ӧксы юаліс: «Кутшӧм могӧн локтін?» | 16и наклонилась Вирсавия и поклонилась царю; и сказал царь: что тебе? |
| 17 «Ыджыдӧй, – шыасис Вирсавия, – аслад Господь Ен водзын тэ кыв сетлін меным, аслад кесйӧглы, мый менам Соломон пиӧй лоӧ ӧксыӧн тэ бӧрти да пуксяс тэнад юралан пуклӧсӧ. | 17Она сказала ему: господин мой царь! ты клялся рабе твоей Господом Богом твоим: `сын твой Соломон будет царствовать после меня и он сядет на престоле моем'. |
| 18 Но талун Адоний пуксьӧма ӧксыӧ, а тэ, ӧксыӧй-ыджыдӧй, весиг он тӧд та йылысь. | 18А теперь, вот, Адония воцарился, и ты, господин мой царь, не знаешь о том. |
| 19 Вись вайӧм могысь сійӧ начкӧма уна ӧшкӧс, куканьӧс да ыжӧс. Корӧма Авиатар попӧс, тышкайӧзӧн веськӧдлысь Йоавӧс да тэнсьыд пиянтӧ. Но тэнсьыд Соломон питӧ, коді кесъялӧ тэныд, сійӧ абу корӧма. | 19И заколол он множество волов, тельцов и овец, и пригласил всех сыновей царских и священника Авиафара, и военачальника Иоава; Соломона же, раба твоего, не пригласил. |
| 20 Ӧксыӧй-ыджыдӧй, став Израиль войтыр видзӧдӧ тэ вылӧ да виччысьӧ, кодлы тэ шуан пуксьыны ас бӧртиыд юралан пуклӧсад. | 20Но ты, господин мой, --царь, и глаза всех Израильтян устремлены на тебя, чтобы ты объявил им, кто сядет на престоле господина моего царя после него; |
| 21 Он кӧ ӧні вӧч тайӧс, ӧксыӧй-ыджыдӧй, тэнад кулӧм бӧрын, кор тэ вуджан батьясыд дінӧ, мыжаласны менӧ да менсьым Соломон пиӧс». | 21иначе, когда господин мой царь почиет с отцами своими, падет обвинение на меня и на сына моего Соломона. |
| 22 Вирсавиялӧн ӧксыкӧд сёрнитігкості локтіс Нафан пророк. | 22Когда она еще говорила с царем, пришел и пророк Нафан. |
| 23 Ӧксылы юӧртісны, Нафан пророк пӧ локтіс. Нафан пырис ӧксы дінӧ, муӧдзыс копыртчылӧмӧн | 23И сказали царю, говоря: вот Нафан пророк. И вошел он к царю и поклонился царю лицем до земли. |
| 24 шуис сылы: «Ӧксыӧй-ыджыдӧй, збыльысь-ӧ тэ шулін, мый Адоний лоӧ ӧксыӧн тэ бӧрти да пуксяс тэнад юралан пуклӧсӧ? | 24И сказал Нафан: господин мой царь! сказал ли ты: `Адония будет царствовать после меня и он сядет на престоле моем'? |
| 25 Талун сійӧ мунӧма да вись вайӧм могысь начкӧма уна ӧшкӧс, куканьӧс да ыжӧс. Корӧма сэтчӧ, ӧксыӧй, став тэнсьыд пиянтӧ, тышкайӧзӧн веськӧдлысьясӧс да Авиатар попӧс. Ӧні найӧ ставныс сёйӧны-юӧны да шуалӧны: ”Мед олас Адоний ӧксы!” | 25Потому что он ныне сошел и заколол множество волов, тельцов и овец, и пригласил всех сыновей царских и военачальников и священника Авиафара, и вот, они едят и пьют у него и говорят: да живет царь Адония! |
| 26 А менӧ, тэнсьыд кесйӧгтӧ, Садок попӧс, Иодайлысь Бенай писӧ да тэнсьыд Соломон питӧ, коді кесъялӧ тэныд, сійӧ эз кор. | 26А меня, раба твоего, и священника Садока, и Ванею, сына Иодаева, и Соломона, раба твоего, не пригласил. |
| 27 Ӧксыӧй-ыджыдӧй, тэнад кӧсйӧм серти-ӧ тадзи вӧчӧны? Мыйла тэ меным, аслад кесйӧглы, эн висьтав, коді тэ бӧрти кутас пукавны тэнад юралан пуклӧсад?» | 27Не сталось ли это по воле господина моего царя, и для чего ты не открыл рабу твоему, кто сядет на престоле господина моего царя после него? |
| 28 Давид ӧксы пырысьтӧм-пыр тшӧктіс корны ас дінас Вирсавияӧс. Вирсавия пырис да сувтіс ӧксы водзӧ. | 28И отвечал царь Давид и сказал: позовите ко мне Вирсавию. И вошла она и стала пред царем. |
| 29 Ӧксы кыв сетіс сылы: «Ловъя Господь водзын, коді мездыліс менӧ быд лёксьыс, | 29И клялся царь и сказал: жив Господь, избавлявший душу мою от всякой беды! |
| 30 ме збыльмӧда талун сійӧ, мый йылысь коркӧ кыв сеті тэныд Израильлӧн Господь Ен водзын – Соломон пиыд лоӧ ӧксыӧн ме бӧрти да пуксяс менам юралан пуклӧсӧ». | 30Как я клялся тебе Господом Богом Израилевым, говоря, что Соломон, сын твой, будет царствовать после меня и он сядет на престоле моем вместо меня, так я и сделаю это сегодня. |
| 31 Вирсавия муӧдзыс копыртчылӧмӧн шуис ӧксылы: «Мед олас нэмъяс чӧж Давид ӧксы, менам ыджыдӧй!» | 31И наклонилась Вирсавия лицем до земли, и поклонилась царю, и сказала: да живет господин мой царь Давид во веки! |
| 32 Давид ӧксы тшӧктіс корны ас дінас Садок попӧс, Нафан пророкӧс да Иодайлысь Бенай писӧ. Кор найӧ локтісны, | 32И сказал царь Давид: позовите ко мне священника Садока и пророка Нафана и Ванею, сына Иодаева. И вошли они к царю. |
| 33 ӧксы шуис налы: «Босьтӧй аскӧдныд менсьым кесйӧгъясӧс, а Соломон пиӧс пуксьӧдӧй менам мул вылӧ да нуӧдӧй сійӧс Гихон ва петанін дорӧ. | 33И сказал им царь: возьмите с собою слуг господина вашего и посадите Соломона, сына моего, на мула моего, и сведите его к Гиону, |
| 34 Сэні Садок поп да Нафан пророк мед мавтыштӧмӧн пуктасны сійӧс ӧксыӧ Израильлы. Сэсся буксан шы улӧ гораа горзӧй: ”Мед олас Соломон ӧксы!” | 34и да помажет его там Садок священник и Нафан пророк в царя над Израилем, и затрубите трубою и возгласите: да живет царь Соломон! |
| 35 Та бӧрын бӧр вайӧдӧй Соломонӧс. Сійӧ мед пуксяс менам юралан пуклӧсӧ да ӧксыалас ме пыдди. Тайӧ менам кӧсйӧм, мед сійӧ лоӧ ӧксынас Израиль да Иуда войтырлы». | 35Потом проводите его назад, и он придет и сядет на престоле моем; он будет царствовать вместо меня; ему завещал я быть вождем Израиля и Иуды. |
| 36 Иодайлӧн Бенай пиыс воча шуис Давид ӧксылы: «Мед лоас тадзи! Тэнсьыд шуӧмтӧ, ӧксыӧй-ыджыдӧй, мед вынсьӧдас Господь, тэнад Ен! | 36И отвечал Ванея, сын Иодаев, царю и сказал: аминь, --да скажет так Господь Бог господина моего царя! |
| 37 Кыдзи Господь Ен вӧлі менам ӧксы-ыджыдкӧд, тадзи Сійӧ мед тшӧтш лоӧ Соломонкӧд! Господь мед зумыдмӧдас сылысь юралӧмсӧ Давид ӧксылӧн, менам ыджыдӧйлӧн, юралӧм дорысь ёнджыка на!» | 37Как был Господь Бог с господином моим царем, так да будет Он с Соломоном и да возвеличит престол его более престола господина моего царя Давида! |
| 38 Садок поп, Нафан пророк, Иодайлӧн Бенай пиыс и ӧксыӧс видзысь керетсаяс да пелетсаяс мунісны, пуксьӧдісны Соломонӧс Давид ӧксылӧн мул вылӧ да нуӧдісны Гихон ва петанін дорӧ. | 38И пошли Садок священник и Нафан пророк и Ванея, сын Иодая, и Хелефеи и Фелефеи, и посадили Соломона на мула царя Давида, и повели его к Гиону. |
| 39 Садок поплӧн вӧлі вежа чомйысь босьтӧм вый тыра доз. Сійӧ мавтыштіс Соломонӧс. Буксан шы улӧ став войтырыс гораа горзіс: «Мед олас Соломон ӧксы!» | 39И взял Садок священник рог с елеем из скинии и помазал Соломона. И затрубили трубою, и весь народ восклицал: да живет царь Соломон! |
| 40 Войтырыс восьлаліс Соломон бӧрся. Найӧ ворсісны пӧлянӧн да ёна нимкодясисны, налӧн горзӧмысь весиг муыс вӧрис. | 40И весь народ провожал Соломона, и играл народ на свирелях, и весьма радовался, так что земля расседалась от криков его. |
| 41 Кор Адоний аслас корӧмаяскӧд помалісны сёйны-юны, найӧ кылісны тайӧ горзӧмсӧ. Буксан шы кылӧм бӧрын Йоав юаліс: «Мыйысь карыс татшӧма шызьӧма?» | 41И услышал Адония и все приглашенные им, как только перестали есть; а Иоав, услышав звук трубы, сказал: отчего этот шум волнующегося города? |
| 42 Сылӧн сёрнитігкості локтіс Авиатар поплӧн Ионафан пиыс. Адоний шуис сылы: «Лок, пыр. Тэ веськыд морт, тэ ваян бур юӧръяс». | 42Еще он говорил, как пришел Ионафан, сын священника Авиафара. И сказал Адония: войди; ты--честный человек и несешь добрую весть. |
| 43 Ионафан вочавидзис: «Ӧні ог. Давид ӧксы, миян ыджыдным, пуктіс Соломонӧс ӧксыӧ. | 43И отвечал Ионафан и сказал Адонии: да, господин наш царь Давид поставил Соломона царем; |
| 44 Сійӧ мӧдӧдіс Соломон дінӧ Садок попӧс, Нафан пророкӧс, Иодайлысь Бенай писӧ, керетсаясӧс да пелетсаясӧс. Найӧ пуксьӧдісны Соломонӧс ӧксылӧн мул вылӧ. | 44и послал царь с ним Садока священника и Нафана пророка, и Ванею, сына Иодая, и Хелефеев и Фелефеев, и они посадили его на мула царского; |
| 45 Сэсся Гихон ва петанін дорын Садок поп Нафан пророккӧд мавтыштӧмӧн пуктісны сійӧс ӧксыӧ. Бӧрсӧ найӧ локтісны ёна нимкодясьӧмӧн, и карыс ставнас шызис. Тайӧ шысӧ ӧні ті и кыланныд. | 45и помазали его Садок священник и Нафан пророк в царя в Гионе, и оттуда отправились с радостью, и пришел в движение город. Вот отчего шум, который вы слышите. |
| 46 Соломон пукалӧ нин юралан пуклӧсас. | 46И Соломон уже сел на царском престоле. |
| 47 Сылӧн кесйӧгъясыс ветлісны чолӧмавны Давид ӧксыӧс, миянлысь ыджыднымӧс. Найӧ шуӧмаӧсь Давидлы, тэнад Енмыд пӧ мед нимӧдас Соломонӧс тэ дорысь ёнджыка на да зумыдмӧдас сылысь юралӧмсӧ тэнад юралӧм дорысь ёнджыка на. Вольпасяс ӧксы Енлы копыртчӧмӧн | 47И слуги царя приходили поздравить господина нашего царя Давида, говоря: Бог твой да прославит имя Соломона более твоего имени и да возвеличит престол его более твоего престола. И поклонился царь на ложе своем, |
| 48 шуӧма, ошкӧма пӧ Господьӧс, Израильлысь Енсӧ, коді талун сетіс меным аддзыны [месянь чужысьӧс,] менам юралан пуклӧсын пукалысьӧс». | 48и сказал царь так: `благословен Господь Бог Израилев, Который сегодня дал сидящего на престоле моем, и очи мои видят это!' |
| 49 Адонийлӧн корӧмаяс ёна повзисны. Найӧ чеччисны да ӧдйӧ разӧдчисны. | 49Тогда испугались и встали все приглашенные, которые были у Адонии, и пошли каждый своею дорогою. |
| 50 Адонийӧс полӧм босьтіс Соломонысь. Сійӧ котӧрӧн муніс висьпуктанін дорӧ да шашаритчис висьпуктанін сюръясӧ. | 50Адония же, боясь Соломона, встал и пошел и ухватился за роги жертвенника. |
| 51 Соломонлы юӧртісны: «Адоний полӧ тэысь, ӧксыӧй. Сійӧ шашаритчӧма висьпуктанін сюръясӧ да шуалӧ: ”Соломон ӧксы мед кыв сетас меным, мый оз ви шыпуртӧн менӧ, ассьыс кесйӧгсӧ”». | 51И донесли Соломону, говоря: вот, Адония боится царя Соломона, и вот, он держится за роги жертвенника, говоря: пусть поклянется мне теперь царь Соломон, что он не умертвит раба своего мечом. |
| 52 Соломон вочавидзис: «Сійӧ кӧ лоӧ веськыд мекӧд, сылӧн ӧти юрси сі оз усь юр вывсьыс. А кутас кӧ пӧръясьны, кулас». | 52И сказал Соломон: если он будет человеком честным, то ни один волос его не упадет на землю; если же найдется в нем лукавство, то умрет. |
| 53 Соломон ӧксы мӧдӧдіс йӧзӧс Адонийла, и найӧ вайӧдісны сійӧс висьпуктанін дорысь. Адоний пырис Соломон ӧксы дінӧ да копыртчис сылы. Соломон шуис: «Мун гортад». | 53И послал царь Соломон, и привели его от жертвенника. И он пришел и поклонился царю Соломону; и сказал ему Соломон: иди в дом свой. |
Глава 1