Выбрать язык
Книги Ветхого Завета
Книги Нового Завета
без русского текстаÖКСЫЯСЛÖН МЕДВОДДЗА НЕБÖГ | ПЕРВАЯ КНИГА ЦАРСТВ |
23 юр | Глава 23 |
| 1 Давидлы юӧртісны, филистимсаяс пӧ уськӧдчисны Кейла кар вылӧ да сэні пӧ гусявлӧны вартанінъясысь няньсӧ. | 1И известили Давида, говоря: вот, Филистимляне напали на Кеиль и расхищают гумна. |
| 2 Давид юаліс Господьлысь: «Мунны-ӧ меным сэтчӧ? Верма-ӧ ме тайӧ филистимсаяссӧ?» Господь вочавидзис: «Мун. Тэ верман найӧс, тшӧтш Кейла карсӧ мездан». | 2И вопросил Давид Господа, говоря: идти ли мне, и поражу ли я этих Филистимлян? И отвечал Господь Давиду: иди, ты поразишь Филистимлян и спасешь Кеиль. |
| 3 Но Давидлӧн йӧзыс шуисны: «Тані, Иуда муын, ми полам-тіралам. А мый лоӧ миянкӧд, ми кӧ мунам Кейлаӧ да петам филистимса тышкайӧзлы паныд? [Филистимсаяс босьтасны миянӧс пленӧ.]» | 3Но бывшие с Давидом сказали ему: вот, мы боимся здесь в Иудее, как же нам идти в Кеиль против ополчений Филистимских? |
| 4 Давид бара шыасис Господь дінӧ. Господь шуис сылы: «Чеччы да мун Кейлаӧ. Ме сета филистимсаясӧс тэнад киӧ». | 4Тогда снова вопросил Давид Господа, и отвечал ему Господь и сказал: встань и иди в Кеиль, ибо Я предам Филистимлян в руки твои. |
| 5 Давид аслас йӧзкӧд муніс Кейла карӧ, уськӧдчис филистимсаяс вылӧ да босьтіс налысь ыж-мӧссӧ. Филистимсаясӧс пасьвартӧмнас Давид мездіс Кейлаын олысьясӧс. | 5И пошел Давид с людьми своими в Кеиль, и воевал с Филистимлянами, и угнал скот их, и нанес им великое поражение, и спас Давид жителей Кеиля. |
| 6 Кор Ахимелеклӧн Авиатар пиыс локтіс Давид дінӧ [сэсся муніс сыкӧд] Кейлаӧ, сійӧ аскӧдыс вайис ефод. | 6Когда Авиафар, сын Ахимелеха, прибежал к Давиду в Кеиль, то принес с собою и ефод. |
| 7 Сауллы юӧртісны, Давид пӧ Кейлаӧ локтӧма. Саул шуис: «Енмыс сетіс сійӧс менам киӧ. Карса иган сайӧ пырӧмнас сійӧ ачыс асьсӧ йӧртіс». | 7И донесли Саулу, что Давид пришел в Кеиль, и Саул сказал: Бог предал его в руки мои, ибо он запер себя, войдя в город с воротами и запорами. |
| 8 Саул чукӧртіс став тышкайӧзсӧ, мед мунны Кейлаӧ да кытшавны сэні Давидӧс да сылысь йӧзсӧ. | 8И созвал Саул весь народ на войну, чтоб идти к Кеилю, осадить Давида и людей его. |
| 9 Кор Давид тӧдмаліс, мый Саул мӧвпыштӧма сылы лёктор вӧчны, тшӧктіс Авиатар поплы вайны [Господьлысь] ефод. | 9Когда узнал Давид, что Саул задумал против него злое, сказал священнику Авиафару: принеси ефод. |
| 10 Давид шыасис: «Господьӧй, Израильлӧн Енмӧй! Меным, Тэнад кесйӧглы, кывсис, мый Саул кӧсйӧ локны да ме вӧсна бырӧдны Кейла кар. | 10И сказал Давид: Господи Боже Израилев! раб Твой услышал, что Саул хочет придти в Кеиль, разорить город ради меня. |
| 11 Сетасны-ӧ Кейлаын олысьяс менӧ сы киӧ? Збыльысь-ӧ Саул локтас татчӧ, кыдзи меным висьталісны? Господьӧй, Израильлӧн Енмӧй, вочавидз Аслад кесйӧглы». Господь вочавидзис: «Локтас». | 11Предадут ли меня жители Кеиля в руки его? И придет ли сюда Саул, как слышал раб Твой? Господи Боже Израилев! открой рабу Твоему. И сказал Господь: придет. |
| 12 Давид юаліс: «Сетасны-ӧ Кейлаын олысьяс менӧ да менсьым йӧзӧс Саул киӧ?» Господь вочавидзис: «Сетасны». | 12И сказал Давид: предадут ли жители Кеиля меня и людей моих в руки Саула? И сказал Господь: предадут. |
| 13 Сэки Давид да сылӧн йӧзыс, морт квайтсё, пышйисны Кейла карысь. Найӧ пышъялісны-ветлӧдлісны ӧти местасянь мӧдлаӧ. Кор Сауллы юӧртісны, мый Давид пышйӧма Кейлаысь, сійӧ эновтчис сэтчӧ мунӧмсьыс. | 13Тогда поднялся Давид и люди его, около шестисот человек, и вышли из Кеиля и ходили, где могли. Саулу же было донесено, что Давид убежал из Кеиля, и тогда он отменил поход. |
| 14 Давид дзебсясис овтӧминын, сэсся муніс Зиф овтӧминса керӧсӧ. Саул быд лун корсис Давидӧс, но Енмыс эз сет сійӧс Саул киӧ. | 14Давид же пребывал в пустыне в неприступных местах и потом на горе в пустыне Зиф. Саул искал его всякий день; но Бог не предал Давида в руки его. |
| 15 Давид тӧдіс, мый Саул корсьӧ сійӧс, медым вины. Зиф овтӧминса вӧрын дзебсясигӧн | 15И видел Давид, что Саул вышел искать души его; Давид же был в пустыне Зиф в лесу. |
| 16 Давид дінӧ локтіс Сауллӧн Ионафан пиыс да ышӧдіс сійӧс лача кутны Енмыс вылӧ. | 16И встал Ионафан, сын Саула, и пришел к Давиду в лес, и укрепил его упованием на Бога, |
| 17 Ионафан шуис: «Эн пов, Давид. Саул батьӧй оз аддзы тэнӧ да оз вермы тэныд вӧчны лёксӧ. Тэ кутан ӧксыавны Израильын, а ме лоа тэнад веськыд киӧн. Батьӧй тшӧтш тӧдӧ тайӧс». | 17и сказал ему: не бойся, ибо не найдет тебя рука отца моего Саула, и ты будешь царствовать над Израилем, а я буду вторым по тебе; и Саул, отец мой, знает это. |
| 18 Господь водзын найӧ кӧрталісны ӧта-мӧдыскӧд йитӧд. Давид кольччис вӧрӧ, а Ионафан бӧр муніс гортас. | 18И заключили они между собою завет пред лицем Господа; и Давид остался в лесу, а Ионафан пошел в дом свой. |
| 19 Зифын олысьяс локтісны Саул дінӧ Гиваӧ да висьталісны: «Давид дзебсясьӧ миян вӧрын, Хакила керӧс бокын Есимонсянь лунвылын. | 19И пришли Зифеи к Саулу в Гиву, говоря: вот, Давид скрывается у нас в неприступных местах, в лесу, на холме Гахила, что направо от Иесимона; |
| 20 Ӧксыӧй, кор кӧсъян, сэки и лок. Ми сетам сійӧс тэнад киӧ». | 20итак по желанию души твоей, царь, иди; а наше дело будет предать его в руки царя. |
| 21 Саул воча шуис: «Господь мед бурсиас тіянӧс, ӧд ті тӧждысянныд ме вӧсна. | 21И сказал им Саул: благословенны вы у Господа за то, что пожалели о мне; |
| 22 Мунӧй да нӧшта бура ставсӧ тӧдмалӧй. Кыйӧдӧй, кытчӧ сійӧ мунас. Гашкӧ, кодкӧ аддзыліс сійӧс. Меным висьталӧны, сійӧ пӧ зэв сюсь. | 22идите, удостоверьтесь еще, разведайте и высмотрите место его, где будет нога его, и кто видел его там, ибо мне говорят, что он очень хитер; |
| 23 Тӧдмалӧй да видзӧдалӧй, кӧні сійӧ дзебсясьӧ. Кор ставсӧ бура тӧдмаланныд, локтӧй да юӧртӧй меным. Сэки ме муна тіянкӧд. Сійӧ кӧ тані, Иуда муын, ме кута корсьны сійӧс став кар-сиктысь». | 23и высмотрите, и разведайте о всех убежищах, в которых он скрывается, и возвратитесь ко мне с верным известием, и я пойду с вами; и если он в этой земле, я буду искать его во всех тысячах Иудиных. |
| 24 Зифын олысьяс бӧр мунісны Зифӧ Саулысь водзджык.Давид аслас йӧзкӧд вӧлі Маон овтӧминса ковтысын, Есимонсянь лунвылын. | 24И встали они и пошли в Зиф прежде Саула. Давид же и люди его были в пустыне Маон, на равнине, направо от Иесимона. |
| 25 Саул муніс аслас йӧзкӧд корсьны Давидӧс. Кор Давидлы юӧртісны та йылысь, сійӧ муніс Маон овтӧминса изкыртаӧ да кольччис сэтчӧ. Саул тӧдмаліс та йылысь да вӧтчис Давид бӧрся. | 25И пошел Саул с людьми своими искать его. Но Давида известили об этом, и он перешел к скале и оставался в пустыне Маон. И услышал Саул, и погнался за Давидом в пустыню Маон. |
| 26 Саул локтіс керӧс ӧтар сайсяньыс, а Давид аслас йӧзкӧд вӧлі керӧс мӧдар саяс. Давид зілис пышйыны Саулысь. Но Саул аслас йӧзкӧд уськӧдчис керӧс ӧтар и мӧдар боксяньыс, медым босьтны Давидӧс да сылысь йӧзсӧ. | 26И шел Саул по одной стороне горы, а Давид с людьми своими был на другой стороне горы. И когда Давид спешил уйти от Саула, а Саул с людьми своими шел в обход Давиду и людям его, чтобы захватить их; |
| 27 Сэки Саул дінӧ локтіс юӧр вайысь да висьталіс, ӧдйӧджык пӧ бӧр лок, филистимсаяс пӧ уськӧдчисны муным вылӧ. | 27тогда пришел к Саулу вестник, говоря: поспешай и приходи, ибо Филистимляне напали на землю. |
| 28 Саул ӧвсис Давид бӧрся вӧтчӧмысь, бӧр бергӧдчис да петіс тышӧ филистимсаяслы паныд. Та вӧсна тайӧ местасӧ кутісны шуны Села-Хаммахлекотӧн*а. | 28И возвратился Саул от преследования Давида и пошел навстречу Филистимлянам; посему и назвали это место: Села-Гаммахлекоф. |
*а 28 23:28 Села-Хаммахлекот – нимыслӧн вежӧртасыс ”торйӧдысь изкырта”.
Глава 23