Выбрать язык
Книги Ветхого Завета
Книги Нового Завета
без русского текстаÖКСЫЯСЛÖН МЕДВОДДЗА НЕБÖГ | ПЕРВАЯ КНИГА ЦАРСТВ |
18 юр | Глава 18 |
| 1 Давидлӧн Саулкӧд сёрнитӧм бӧрын Ионафан став сьӧлӧмнас кӧртасис Давид дінӧ, кутіс радейтны сійӧс асьсӧ моз. | 1Когда кончил Давид разговор с Саулом, душа Ионафана прилепилась к душе его, и полюбил его Ионафан, как свою душу. |
| 2 Сійӧ лунӧ Саул кольӧдіс Давидӧс ас ордас, эз лэдз мунны батьыс дінӧ гортас. | 2И взял его Саул в тот день и не позволил ему возвратиться в дом отца его. |
| 3 Ионафан асьсӧ моз радейтіс Давидӧс, та вӧсна кӧрталіс сыкӧд йитӧд. | 3Ионафан же заключил с Давидом союз, ибо полюбил его, как свою душу. |
| 4 Ионафан пӧрччис кышансӧ да сетіс сійӧс Давидлы. Сетіс тшӧтш мукӧд тышкасян паськӧмсӧ, ассьыс шыпуртсӧ, ньӧввужсӧ да коскытшсӧ. | 4И снял Ионафан верхнюю одежду свою, которая была на нем, и отдал ее Давиду, также и прочие одежды свои, и меч свой, и лук свой, и пояс свой. |
| 5 Давид вермыліс быд тышын, кытчӧ Саул мӧдӧдліс сійӧс. Та вӧсна Саул пуктіс Давидӧс веськӧдлыны тышкайӧзӧн. Став йӧзыслы и Сауллӧн кесйӧгъяслы тайӧ воис сьӧлӧм вылас. | 5И Давид действовал благоразумно везде, куда ни посылал его Саул, и сделал его Саул начальником над военными людьми; и это понравилось всему народу и слугам Сауловым. |
| 6 Давидлӧн Голиафӧс вермӧм бӧрын тышкайӧз кор вӧлі локтӧны тыш вылысь, быд израильса карысь петавлісны аньяс. Найӧ сьылӧмӧн да йӧктӧмӧн, тимпанӧн да кимвалӧн кыпыда ворсӧмӧн вочаалісны Саул ӧксыӧс. | 6Когда они шли, при возвращении Давида с победы над Филистимлянином, то женщины из всех городов Израильских выходили навстречу Саулу царю с пением и плясками, с торжественными тимпанами и с кимвалами. |
| 7 Аньяс ворсісны да сьылісны: – Саул вермис сюрсъясӧс, Давид – дас сюрсъясӧс! | 7И восклицали игравшие женщины, говоря: Саул победил тысячи, а Давид--десятки тысяч! |
| 8 Сауллы тайӧ эз во сьӧлӧм вылас, сійӧ скӧрмӧмӧн шуис: «Давидӧс нимӧдӧны, сійӧ пӧ дас сюрсъясӧс вермис, а ме пӧ – сӧмын сюрсъясӧс. Сылы коли сӧмын ӧксыӧ пуксьыны». | 8И Саул сильно огорчился, и неприятно было ему это слово, и он сказал: Давиду дали десятки тысяч, а мне тысячи; ему недостает только царства. |
| 9 Тайӧ лунсяньыс Саул кутіс вежавны Давидлы. | 9И с того дня и потом подозрительно смотрел Саул на Давида. |
| 10 Мӧд луннас Енмӧн ыстӧм пеж лов уськӧдчис Саул вылӧ. Саул пондіс йӧйтавны аслас керкаын, а Давид воддза мозыс ворсіс гуслиӧн. Сауллӧн киас вӧлі шы. | 10И было на другой день: напал злой дух от Бога на Саула, и он бесновался в доме своем, а Давид играл рукою своею на струнах, как и в другие дни; в руке у Саула было копье. |
| 11 Сійӧ мӧвпыштіс: «Тувъяла Давидӧс стен бердас». Сэсся Саул лыйис шысӧ, но Давид удитіс кежны шыысь. Тадзи вӧлі кыкысь. | 11И бросил Саул копье, подумав: пригвожду Давида к стене; но Давид два раза уклонился от него. |
| 12 Саул кутіс повны Давидысь, ӧд Господь вӧлі Давидкӧд, а Саулкӧд Господь эз нин вӧв. | 12И стал бояться Саул Давида, потому что Господь был с ним, а от Саула отступил. |
| 13 Саул ылыстіс Давидӧс ас дінсьыс да пуктіс веськӧдлыны сюрс тышкамортӧн. Давид ветліс тышкайӧзкӧд тышъясӧ | 13И удалил его Саул от себя и поставил его у себя тысяченачальником, и он выходил и входил пред народом. |
| 14 и быдлаын вермыліс, ӧд Господь вӧлі сыкӧд. | 14И Давид во всех делах своих поступал благоразумно, и Господь был с ним. |
| 15 Саул аддзис, мый Давид быдлаын вермӧ, та вӧсна поліс сыысь. | 15И Саул видел, что он очень благоразумен, и боялся его. |
| 16 Но Израильлӧн да Иудалӧн тышкайӧз радейтісны Давидӧс, ӧд сійӧ веськӧдліс наӧн. | 16А весь Израиль и Иуда любили Давида, ибо он выходил и входил пред ними. |
| 17 Ӧтчыд Саул вӧзйис Давидлы: «Ассьым Мерова ыджыд нылӧс сета тэ сайӧ, сӧмын повтӧг кесъяв меным да веськӧдлы Господьлӧн тышъясӧн». Но та дырйи Саул мӧвпаліс: «Сы вылӧ мед оз кыпты менам киӧй, а филистимсаяслӧн». | 17И сказал Саул Давиду: вот старшая дочь моя, Мерова; я дам ее тебе в жену, только будь у меня храбрым и веди войны Господни. Ибо Саул думал: пусть не моя рука будет на нем, но рука Филистимлян будет на нем. |
| 18 Давид воча шуис: «Коді ме сэтшӧмыс, мед лоны ӧксылӧн зятьӧн? Батьлӧн рӧдыс Израильын ӧд абу тӧдчана». | 18Но Давид сказал Саулу: кто я, и что жизнь моя и род отца моего в Израиле, чтобы мне быть зятем царя? |
| 19 Но кор воис ӧтлаасян кадыс, Саул сетіс Мерова нывсӧ мехоласа Адриэл сайӧ. | 19А когда наступило время отдать Мерову, дочь Саула, Давиду, то она выдана была в замужество за Адриэла из Мехолы. |
| 20 Но Сауллӧн Мелкола нима мӧд нылыс кутіс радейтны Давидӧс. Кор Сауллы юӧртісны та йылысь, сылы нимкодь лои. | 20Но Давида полюбила другая дочь Саула, Мелхола; и когда возвестили об этом Саулу, то это было приятно ему. |
| 21 Саул мӧвпыштіс: «Давидӧс тывйыштӧм могысь сета нылӧс сы сайӧ. Сэки Давид шедас филистимсаяслӧн киӧ». Сэсся шуис Давидлы: «Мӧд нылӧс сета тэныд, тэ лоан меным зятьӧн». | 21Саул думал: отдам ее за него, и она будет ему сетью, и рука Филистимлян будет на нем. И сказал Саул Давиду: чрез другую ты породнишься ныне со мною. |
| 22 Саул тшӧктіс аслас кесйӧгъяслы гусьӧникӧн висьтавны Давидлы: «Тэ воин ӧксылы сьӧлӧм вылас. Сылӧн кесйӧгъясыс тшӧтш радейтӧны тэнӧ. Ло ӧксылы зятьӧн». | 22И приказал Саул слугам своим: скажите Давиду тайно: вот, царь благоволит к тебе, и все слуги его любят тебя; итак будь зятем царя. |
| 23 Сауллӧн кесйӧгъяс ставсӧ висьталісны Давидлы. Давид воча шуис налы: «Ті чайтанныд, кокньыд лоны ӧксылӧн зятьӧн. Ме гӧлиник и абу тӧдчана морт». | 23И передали слуги Сауловы в уши Давиду все слова эти. И сказал Давид: разве легко кажется вам быть зятем царя? я--человек бедный и незначительный. |
| 24 Кесйӧгъяс висьталісны Сауллы Давидлысь кывъяссӧ. | 24И донесли Саулу слуги его и сказали: вот что говорит Давид. |
| 25 Саул шуис налы: «Висьталӧй Давидлы, мый ӧксы некутшӧм дон оз босьт гӧтырпуысь, сӧмын кӧсйӧ, мед тэ вайин сылы сё филистимсалӧн чильган йывсьыс вундыштӧм кучикторсӧ – татшӧм ногӧн сійӧ водзӧс перъяс аслас вӧрӧглысь». Збыльвылас, ӧксы кӧсйис, мед филистимсаяс виасны Давидӧс. | 25И сказал Саул: так скажите Давиду: царь не хочет вена, кроме ста краеобрезаний Филистимских, в отмщение врагам царя. Ибо Саул имел в мыслях погубить Давида руками Филистимлян. |
| 26 Сауллӧн кесйӧгъяс висьталісны Давидлы ӧксылысь кывъяссӧ. Давидлы сьӧлӧм вылас воис ӧксылӧн вӧзйӧмыс – лоны сылӧн зятьӧн. | 26И пересказали слуги его Давиду эти слова, и понравилось Давиду сделаться зятем царя. |
| 27 Урчитӧм лун вотӧдз Давид аслас йӧзкӧд муніс да виис кыксё филистимсаӧс. Налысь вундыштӧм кучикторсӧ Давид вайис Саул ӧксылы, медым лоны сылӧн зятьӧн. Сэки Саул сетіс Мелкола нывсӧ Давид сайӧ. | 27Еще не прошли назначенные дни, как Давид встал и пошел сам и люди его с ним, и убил двести человек Филистимлян, и принес Давид краеобрезания их, и представил их в полном количестве царю, чтобы сделаться зятем царя. И выдал Саул за него Мелхолу, дочь свою, в замужество. |
| 28 Саул аддзис, мый Господь Давидкӧд. Сійӧ тӧдіс, мый [став Израиль войтыр да] Мелкола нылыс радейтӧ Давидӧс. | 28И увидел Саул и узнал, что Господь с Давидом, и что Мелхола, дочь Саула, любила Давида. |
| 29 Саул нӧшта на ёнджыка кутіс повны Давидысь. И став олӧм чӧжыс мустӧмтіс сійӧс. | 29И стал Саул еще больше бояться Давида и сделался врагом его на всю жизнь. |
| 30 Филистимса тышкайӧзӧн веськӧдлысьяс уськӧдчывлісны Израиль вылӧ. Сауллӧн мукӧд веськӧдлысьяс дорысь Давид шедӧдліс унджык вермӧм, та вӧсна пондіс ёна нимавны. | 30И когда вожди Филистимские вышли на войну, Давид, с самого выхода их, действовал благоразумнее всех слуг Сауловых, и весьма прославилось имя его. |
Глава 18