Выбрать язык
Книги Ветхого Завета
Книги Нового Завета
без русского текстаÖКСЫЯСЛÖН МЕДВОДДЗА НЕБÖГ | ПЕРВАЯ КНИГА ЦАРСТВ |
10 юр | Глава 10 |
| 1 Самуил босьтіс вый тыра доз да кисьтіс Сауллы юр вылас. Сэсся окыштіс сійӧс да шуис: «Господь мавтыштӧма тэнӧ, мед пуктыны тэнӧ юралысьӧ Аслас войтырлы [Израильын. Тэ лоан ӧксыӧн Господьлӧн войтырлы, мездан найӧс на гӧгӧр олысь вӧрӧгъясысь. Со, тэныд пас, мый Ачыс Господь мавтыштӧма тэнӧ ӧксыӧ, мед веськӧдлыны Сылӧн войтырӧн]. | 1И взял Самуил сосуд с елеем и вылил на голову его, и поцеловал его и сказал: вот, Господь помазывает тебя в правителя наследия Своего: |
| 2 Ме дорысь мунӧм бӧрын Венямин муын Селсаын Ракель дзебанін дорын тэ паныдасян кык морткӧд. Найӧ шуасны тэныд: ”Осёлъясыд, кодъясӧс тэ корсян, сюрисны. Батьыд вунӧдіс нин найӧс, ӧд сійӧ майшасьӧ тэ вӧсна. Юасьӧ, мый пӧ меным вӧчны”. | 2когда ты теперь пойдешь от меня, то встретишь двух человек близ гроба Рахили, на пределах Вениаминовых, в Целцахе, и они скажут тебе: `нашлись ослицы, которых ты ходил искать, и вот отец твой, забыв об ослицах, беспокоится о вас, говоря: что с сыном моим?' |
| 3 Сэтысянь водзӧ мунан да воан Тавор тупуа раскӧ. Сэні тэ паныдасян Вефильӧ Ен дінӧ мунысь куим морткӧд: ӧтиыс нуӧ куим кӧзапи, мӧдыс – куим нянь, коймӧдыс – кучик дозйын вина. | 3И пойдешь оттуда далее и придешь к дубраве Фаворской, и встретят тебя там три человека, идущих к Богу в Вефиль: один несет трех козлят, другой несет три хлеба, а третий несет мех с вином; |
| 4 Найӧ чолӧмасясны тэкӧд да сетасны тэныд кык нянь, и тэ босьтан няньсӧ. | 4и будут приветствовать они тебя и дадут тебе два хлеба, и ты возьмешь из рук их. |
| 5 Та бӧрти тэ воан Енлӧн керӧс вылӧ, кӧні сулалӧны филистимса тышкайӧз [асланыс юралысьяскӧд]. Карас пыригад тэ паныдасян вись ваян мыльк вылысь лэччысь пророкъяскӧд. Ставныс найӧ пророкалӧны, а на водзвылын мунӧны арфаӧн, тимпанӧн, пӧлянӧн да гуслиӧн ворсысьяс. | 5После того ты придешь на холм Божий, где охранный отряд Филистимский; и когда войдешь там в город, встретишь сонм пророков, сходящих с высоты, и пред ними псалтирь и тимпан, и свирель и гусли, и они пророчествуют; |
| 6 Господьлӧн Лолыс лэччас тэ вылӧ, и накӧд тшӧтш тэ кутан пророкавны да лоан мӧдпӧлӧс мортӧн. | 6и найдет на тебя Дух Господень, и ты будешь пророчествовать с ними и сделаешься иным человеком. |
| 7 Кор тайӧ ставыс инас, сэки вӧч, мый вермана тэныд вӧчнысӧ, ӧд тэкӧд лоӧ Ен. | 7Когда эти знамения сбудутся с тобою, тогда делай, что может рука твоя, ибо с тобою Бог. |
| 8 Сэсся мун Галгалӧ. Ме локта сэтчӧ тэ дінӧ, мед вайны сотан да бурасян висьяс. Виччысь менӧ сэні сизим лун. Ме локта да висьтала, мый тэныд вӧчнысӧ». | 8И ты пойди прежде меня в Галгал, куда и я приду к тебе для принесения всесожжений и мирных жертв; семь дней жди, доколе я не приду к тебе, и тогда укажу тебе, что тебе делать. |
| 9 Сӧмын Саул бергӧдчис, мед мунны Самуил дорысь, Енмыс сетіс сылы выль сьӧлӧм. Сійӧ лунӧ иніс ставыс, мый Самуил шуис Саул йылысь. | 9Как скоро Саул обратился, чтоб идти от Самуила, Бог дал ему иное сердце, и сбылись все те знамения в тот же день. |
| 10 Вись ваян мыльк дорӧ воигӧн Саул да кесйӧгыс паныдасисны пророкъяскӧд. Сэки Енлӧн Лов лэччис Саул вылӧ, и сійӧ накӧд тшӧтш кутіс пророкавны. | 10Когда пришли они к холму, вот встречается им сонм пророков, и сошел на него Дух Божий, и он пророчествовал среди них. |
| 11 Саулӧс тӧдысьяс кор аддзисны, мый сійӧ пророкъяскӧд тшӧтш пророкалӧ, ӧта-мӧдныслысь юасисны: «Мый лоӧма Кислӧн пикӧд? Саулыс ӧмӧй тшӧтш пророк?» | 11Все знавшие его вчера и третьего дня, увидев, что он с пророками пророчествует, говорили в народе друг другу: что это сталось с сыном Кисовым? неужели и Саул во пророках? |
| 12 Йӧз пӧвстысь кодкӧ шуис: «А мукӧдыс нӧ кодлӧн пияныс?» Тайӧ лоӧмтор бӧрас паськаліс Саул йылысь шуӧм: «Саул ӧмӧй тшӧтш пророк?» | 12И отвечал один из бывших там и сказал: а у тех кто отец? Посему вошло в пословицу: `неужели и Саул во пророках?' |
| 13 Пророкавны дугдӧм бӧрын Саул кайис вись ваян мыльк вылӧ. | 13И перестал он пророчествовать, и пошел на высоту. |
| 14 Сауллӧн дядьыс юаліс сылысь да кесйӧгыслысь: «Кӧні ті вӧлінныд?» Саул вочавидзис: «Осёлъясӧс ветлім корсьны. Найӧс ми эгӧ аддзӧй, та вӧсна мунім Самуил дінӧ». | 14И сказал дядя Саулов ему и слуге его: куда вы ходили? Он сказал: искать ослиц, но, видя, что их нет, зашли к Самуилу. |
| 15 Дядьыс шуис: «Висьтав, мый тіянлы шуис Самуил». | 15И сказал дядя Саулов: расскажи мне, что сказал вам Самуил. |
| 16 Саул вочавидзис: «Сійӧ шуис, осёлъясыд пӧ сюрисны нин». А мый Самуил шуис сійӧс ӧксыӧ пуктӧм йылысь, дядьыслы Саул эз висьтав. | 16И сказал Саул дяде своему: он объявил нам, что ослицы нашлись. А того, что сказал ему Самуил о царстве, не открыл ему. |
| 17 Самуил чукӧртіс Израиль войтырӧс Миспаӧ Господь водзӧ. | 17И созвал Самуил народ к Господу в Массифу |
| 18 Налы шуис: «Господь, Израильлӧн Ен, тадзи висьталӧ: ”Ме петкӧді тіянӧс Египетысь, мезді египетсаяслӧн кипод улысь да тіянӧс нартитысь мукӧд войтыръяслӧн кипод улысь”. | 18и сказал сынам Израилевым: так говорит Господь Бог Израилев: Я вывел Израиля из Египта и избавил вас от руки Египтян и от руки всех царств, угнетавших вас. |
| 19 Но ті ӧтдортінныд ассьыныд Еннытӧ, коді мездӧ тіянӧс быд лёксьыс да сьӧкыдлунсьыс. Ті шуинныд Сылы: ”Пукты миянлы ӧксыӧс”. Сідзкӧ, ӧні сувтӧй Господь водзӧ – быдӧн асланыд чужанкотыр да рӧд сертиныд». | 19А вы теперь отвергли Бога вашего, Который спасает вас от всех бедствий ваших и скорбей ваших, и сказали Ему: `царя поставь над нами'. Итак предстаньте теперь пред Господом по коленам вашим и по племенам вашим. |
| 20 Самуил тшӧктіс матыстчыны израильса быд чужанкотырлы. На пиысь пудъясьӧмӧн вӧлі бӧрйӧма Веняминлысь чужанкотырсӧ. | 20И велел Самуил подходить всем коленам Израилевым, и указано колено Вениаминово. |
| 21 Сэсся тшӧктіс Венямин чужанкотырысь матыстчыны быд рӧдлы. Пудйыс уси Матри рӧдлы. Матри рӧдысь Самуил корис став айуловсӧ, и пудйыс уси Сауллы, Кислӧн пилы. Кутісны корсьны сійӧс, но эз аддзыны. | 21И велел подходить колену Вениаминову по племенам его, и указано племя Матриево; и приводят племя Матриево по мужам, и назван Саул, сын Кисов; и искали его, и не находили. |
| 22 Сэки юалісны Господьлысь, локтас оз Саул. Господь вочавидзис, сійӧ пӧ кӧлуй чукӧр пытшкын дзебсясьӧ. | 22И вопросили еще Господа: придет ли еще он сюда? И сказал Господь: вот он скрывается в обозе. |
| 23 Котӧрӧн мунісны да вайӧдісны сэтысь Саулӧс. Йӧз пӧвстас сувтіс да, ставсьыс юрӧн ыджыд вӧлі. | 23И побежали и взяли его оттуда, и он стал среди народа и был от плеч своих выше всего народа. |
| 24 Самуил шуис став Израиль войтырлы: «Аддзанныд, кодӧс бӧрйис Господь? Войтыр пӧвстаным мӧдыс сы кодьыс абу». Сэки став йӧзыс гораа горӧдісны: «Мед олас ӧксы!» | 24И сказал Самуил всему народу: видите ли, кого избрал Господь? подобного ему нет во всем народе. Тогда весь народ воскликнул и сказал: да живет царь! |
| 25 Самуил висьталіс войтырыслы, мый вермас вӧчны накӧд ӧксы. Ставсӧ тайӧс гижис небӧгӧ да пуктіс вежаинӧ Господь водзӧ. Сэсся лэдзис войтырсӧ мунны гортаныс. | 25И изложил Самуил народу права царства, и написал в книгу, и положил пред Господом. И отпустил весь народ, каждого в дом свой. |
| 26 Саул тшӧтш муніс гортас Гиваӧ. Сыкӧд ӧтлаын мунісны збой йӧз, кодъяслы сьӧлӧмас инмӧдчис Енмыс. | 26Также и Саул пошел в дом свой, в Гиву; и пошли с ним храбрые, которых сердца коснулся Бог. |
| 27 А шогмытӧм йӧз шуасисны, кутшӧм пӧ сійӧ мездысь миянлы. Найӧ нинӧмӧ пуктісны Саулӧс, эз вайны сылы козинъяс. Но Саул быттьӧ эз казяв тайӧс. | 27А негодные люди говорили: ему ли спасать нас? И презрели его и не поднесли ему даров; но он как бы не замечал того. |
Глава 10