Выбрать язык
Книги Ветхого Завета
Книги Нового Завета
без русского текстаЁРДЫСЬЯС | ЁРДЫСЬЯС |
8 юр | Глава 9 |
| 1 Еровааллӧн Авимелек пиыс муніс мам вокъясыс дінӧ Сикемӧ, сёрнитіс накӧд да налӧн батьыслӧн став рӧдыскӧд. Сійӧ шуис: | 1Авимелех, сын Иероваалов, пошел в Сихем к братьям матери своей и говорил им и всему племени отца матери своей, и сказал: |
| 2 «Юалӧй Сикем карса олысьяслысь, бурджык-ӧ лоӧ налы, Еровааллӧн сизимдаснан пияныс кӧ юраласны либӧ ӧти морт юралас. Энӧ вунӧдӧй, мый ме тіян рӧдвуж, и миян пытшкын визувтӧ ӧти вир». | 2внушите всем жителям Сихемским: что лучше для вас, чтобы владели вами все семьдесят сынов Иеровааловых, или чтобы владел один? и вспомните, что я кость ваша и плоть ваша. |
| 3 Мамыслӧн вокъясыс сёрнитісны Авимелек кузя Сикем карса олысьяскӧд, и налӧн сьӧлӧмныс бергӧдчис Авимелек дор. Найӧ шуисны, сійӧ пӧ миян вок. | 3Братья матери его внушили о нем все сии слова жителям Сихемским; и склонилось сердце их к Авимелеху, ибо говорили они: он брат наш. |
| 4 Сикемсаяс сетісны Авимелеклы Ваал-Беритлы юрбитанінысь сизимдас сикель эзысь. Тайӧ сьӧм вылас Авимелек медаліс асныра да дыш йӧзӧс, и найӧ мунісны сы бӧрся. | 4И дали ему семьдесят сиклей серебра из дома Ваалверифа; Авимелех нанял на оные праздных и своевольных людей, которые и пошли за ним. |
| 5 Авимелек локтіс медалӧм йӧзкӧд батьыс керкаӧ Офра карӧ да виис ӧти из вылын ассьыс вокъяссӧ, Еровааллысь сизимдас писӧ. Сӧмын Еровааллӧн медічӧт Иотам пиыс дзебсис да ловйӧн колис. | 5И пришел он в дом отца своего в Офру и убил братьев своих, семьдесят сынов Иеровааловых, на одном камне. Остался только Иофам, младший сын Иероваалов, потому что скрылся. |
| 6 Сикем да Бет-Милло каръясысь йӧз чукӧртчисны да мунісны Сикем кардорса тупу дорӧ. Сэні найӧ пуктісны Авимелекӧс ӧксыӧ. | 6И собрались все жители Сихемские и весь дом Милло, и пошли и поставили царем Авимелеха у дуба, что близ Сихема. |
| 7 Та йылысь кылӧм бӧрын Иотам кайис Гаризим керӧс вылӧ да горӧдіс: «Сикемса олысьяс, кывзӧй менӧ, сэки Енмыс кылас тіянӧс! | 7Когда рассказали об этом Иофаму, он пошел и стал на вершине горы Гаризима и, возвысив голос свой, кричал и говорил им: послушайте меня, жители Сихема, и послушает вас Бог! |
| 8 Ӧтчыд чукӧртчисны пуяс, медым мавтыштӧмӧн пуктыны аслыныс ӧксыӧс. Олив пулы найӧ шуисны: ”Ло миян ӧксыӧн”. | 8Пошли некогда дерева помазать над собою царя и сказали маслине: царствуй над нами. |
| 9 Но сійӧ шуис: ”Менсьым выйӧс ошкӧны енъяс да йӧз. Ме кӧ кута ӧвтчыны мукӧд пуяс весьтын, дугда выйӧс сетны”. | 9Маслина сказала им: оставлю ли я тук мой, которым чествуют богов и людей и пойду ли скитаться по деревам? |
| 10 Сэсся пуяс шуисны инжир пулы: ”Ло миян ӧксыӧн”. | 10И сказали дерева смоковнице: иди ты, царствуй над нами. |
| 11 Но сійӧ шуис: ”Ме кӧ кута ӧвтчыны мукӧд пуяс весьтын, дугда юмов да бур вотӧсӧс сетны”. | 11Смоковница сказала им: оставлю ли я сладость мою и хороший плод мой и пойду ли скитаться по деревам? |
| 12 Пуяс шуисны виноград пулы: ”Ло миян ӧксыӧн”. | 12И сказали дерева виноградной лозе: иди ты, царствуй над нами. |
| 13 Но сійӧ шуис: ”Менам винаӧй гажӧдӧ енъясӧс да йӧзӧс. Ме кӧ кута ӧвтчыны мукӧд пуяс весьтын, дугда вина сетны”. | 13Виноградная лоза сказала им: оставлю ли я сок мой, который веселит богов и человеков, и пойду ли скитаться по деревам? |
| 14 Сэки пуяс шуисны лежнӧглы: ”Ло миян ӧксыӧн”. | 14Наконец сказали все дерева терновнику: иди ты, царствуй над нами. |
| 15 Но сійӧ шуис: ”Ті кӧ веськыдӧсь да мавтыштӧмӧн пуктанныд менӧ аслыныд ӧксыӧ, локтӧй ыркӧдчыны менам вуджӧр улӧ. А ті кӧ абу веськыдӧсь, лежнӧгысь петас би да сотас ливанса сус пуяс”. | 15Терновник сказал деревам: если вы по истине поставляете меня царем над собою, то идите, покойтесь под тенью моею; если же нет, то выйдет огонь из терновника и пожжет кедры Ливанские. |
| 16 Сідзкӧ, вӧчинныд-ӧ ті веськыда да збыльыс серти, кор ӧксыӧ пуктінныд Авимелекӧс? Бурӧн-ӧ ті мынтысинныд Еровааллы да сылӧн рӧдыслы Еровааллӧн бур вӧчӧмсьыс? | 16Итак смотрите, по истине ли и по правде ли вы поступили, поставив Авимелеха царем? И хорошо ли вы поступили с Иероваалом и домом его, и сообразно ли с его благодеяниями поступили вы? |
| 17 Менам батьӧй олӧмсӧ эз жалит, сійӧ вермасис тіян вӧсна да мездіс тіянӧс мадиансаяслӧн киысь. | 17За вас отец мой сражался, не дорожил жизнью своею и избавил вас от руки Мадианитян; |
| 18 А ӧні ті батьӧйлӧн рӧдыслы паныд кыпӧдчинныд: сылысь сизимдас писӧ виинныд ӧти из вылын да Сикем карса олысьяслы ӧксыӧ пуктінныд Авимелекӧс, батьӧйлӧн кесйӧг аньлысь писӧ, сӧмын сы вӧсна, мый сійӧ тіян рӧдвуж. | 18а вы теперь восстали против дома отца моего, и убили семьдесят сынов отца моего на одном камне, и поставили царем над жителями Сихемскими Авимелеха, сына рабыни его, потому что он брат ваш. |
| 19 Еровааллы да сылӧн рӧдыслы кӧ ті веськыда да збыльыс серти вӧчинныд, нимкодясьӧй Авимелек вӧсна [да лоӧй бурсиӧмаӧсь]. Сійӧ мед тшӧтш нимкодясяс тіян вӧсна. | 19Если вы ныне по истине и по правде поступили с Иероваалом и домом его, то радуйтесь об Авимелехе, и он пусть радуется о вас; |
| 20 А энӧ кӧ веськыда вӧчӧй, Авимелексянь мед петас би да ньылыштас Сикем да Бет-Милло каръясын олысьясӧс, и мӧдарӧ, Сикем да Бет-Милло каръясын олысьяссянь мед петас би да ньылыштас Авимелекӧс!» | 20если же нет, то да изыдет огонь от Авимелеха и да пожжет жителей Сихемских и весь дом Милло и да изыдет огонь от жителей Сихемских и от дома Милло, и да пожжет Авимелеха. |
| 21 Тайӧс шуӧм бӧрын Иотам пышйис Авимелек воксьыс Берӧ да овмӧдчис сэтчӧ. | 21И побежал Иофам, и убежал и пошел в Беэр, и жил там, укрываясь от брата своего Авимелеха. |
| 22 Авимелек ыджыдаліс Израиль войтыр вылын куим во. | 22Авимелех же царствовал над Израилем три года. |
| 23 Ен мӧдӧдіс пеж лолӧс, и Сикем карса олысьяс кыпӧдчисны Авимелеклы паныд. | 23И послал Бог злого духа между Авимелехом и между жителями Сихема, и не стали покоряться жители Сихемские Авимелеху, |
| 24 Тадзи лои, медым водзӧс перйыны Авимелеклысь да сикемсаяслысь – Авимелеклысь сы вӧсна, мый сійӧ виис ассьыс вокъяссӧ, Еровааллысь сизимдас писӧ, а сикемсаяслысь сы вӧсна, мый найӧ отсалісны Авимелеклы вины сылысь вокъяссӧ. | 24дабы таким образом совершилось мщение за семьдесят сынов Иеровааловых, и кровь их обратилась на Авимелеха, брата их, который убил их, и на жителей Сихемских, которые подкрепили руки его, чтоб убить братьев своих. |
| 25 Сикемын олысьяс сувтӧдісны керӧсъяс вылӧ йӧзӧс, медым найӧ уськӧдчисны ветлысь-мунысьяс вылӧ да куштісны найӧс. Тайӧ кывсис Авимелеклы. | 25Жители Сихемские посадили против него в засаду людей на вершинах гор, которые грабили всякого проходящего мимо их по дороге. О сем донесено было Авимелеху. |
| 26 Гаал, Эведлӧн пиыс, вокъясыскӧд локтісны Сикемӧ да овмӧдчисны сэтчӧ. Сикемсаяс пондісны лача кутны Гаал вылӧ. | 26Пришел же и Гаал, сын Еведов, с братьями своими в Сихем, и ходили они по Сихему, и жители Сихемские положились на него. |
| 27 Ӧтчыд сикемсаяс петісны чукӧртны виноград вотӧс. Пычкан гуын вотӧссӧ талялӧм бӧрын чукӧртчисны гажӧдчыны. Найӧ мунісны асланыс енлы юрбитанінӧ, сёйисны-юисны да ёрисны Авимелекӧс. | 27И вышли в поле, и собирали виноград свой, и давили в точилах, и делали праздники, ходили в дом бога своего, и ели и пили, и проклинали Авимелеха. |
| 28 Эведлӧн Гаал пиыс шуис: «Коді сійӧ Авимелекыс, медым ми, сикемсаяс, кесъялім сылы? Сійӧ ӧд Еровааллӧн пиыс, и Зевулӧс пуктіс юралысьӧ. Энӧ кесъялӧй Авимелеклы, а кесъялӧй Сикемлӧн Хамор батьыссянь чужысьяслы. | 28Гаал, сын Еведов, говорил: кто Авимелех и что Сихем, чтобы нам служить ему? Не сын ли он Иероваалов, и не Зевул ли главный начальник его? Служите лучше потомкам Еммора, отца Сихемова, а ему для чего нам служить? |
| 29 Ме кӧ вӧлі тайӧ войтырыслӧн веськӧдлысьнас, ме эськӧ вӧтлі Авимелекӧс». Сэсся Авимелеклы шуис: «Чукӧрт тышкайӧзтӧ да пет меным паныд тышӧ!» | 29Если бы кто дал народ сей в руки мои, я прогнал бы Авимелеха. И сказано было Авимелеху: умножь войско твое и выходи. |
| 30 Кор Зевул, Сикем карса юралысь, кыліс Эведлӧн Гаал пилысь кывъяссӧ, ёна скӧрмис. | 30Зевул, начальник города, услышал слова Гаала, сына Еведова, и воспылал гнев его. |
| 31 Зевул гусьӧн мӧдӧдіс Авимелек дінӧ йӧзӧс, кодъяс юӧртісны: «Эведлӧн Гаал пиыс да сылӧн вокъясыс локтісны Сикемӧ да кыпӧдӧны карса олысьясӧс тэныд паныд. | 31Он хитрым образом отправляет послов к Авимелеху, чтобы сказать: вот, Гаал, сын Еведов, и братья его пришли в Сихем, и вот, они возмущают против тебя город; |
| 32 Войнас лок аслад йӧзыдкӧд. Сувтӧй кыйӧдчыны кар сайӧ, | 32итак, встань ночью, ты и народ, находящийся с тобою, и поставь засаду в поле; |
| 33 а водз асывнас шонді петігӧн уськӧдчӧй кар вылас. Кор Гаал аслас йӧзыскӧд петас тэныд паныд, сэки вӧч накӧд, мый кӧсъян». | 33поутру же, при восхождении солнца, встань рано и приступи к городу; и когда он и народ, который у него, выйдут к тебе, тогда делай с ними, что может рука твоя. |
| 34 Войнас Авимелек аслас йӧзыскӧд мӧдӧдчисны Сикемӧ. Воӧм бӧраныс нёль пельӧ юксьӧмӧн кыйӧдчисны кар сайын. | 34И встал ночью Авимелех и весь народ, находившийся с ним, и поставили в засаду у Сихема четыре отряда. |
| 35 [Асывводзнас] Эведлӧн Гаал пиыс петіс карсьыс да сувтіс карса дзиръя дорӧ. Авимелек аслас йӧзыскӧд петісны кыйӧдчанінысь. | 35Гаал, сын Еведов, вышел и стал у ворот городских; и встал Авимелех и народ, бывший с ним, из засады. |
| 36 Кор Гаал аддзис найӧс, Зевуллы шуис: «Со кодъяскӧ керӧс вылысь лэччӧны». Зевул вочавидзис сылы: «Керӧсъяслысь вуджӧрсӧ тэ йӧзӧн чайтан». | 36Гаал, увидев народ, говорит Зевулу: вот, народ спускается с вершины гор. А Зевул сказал ему: тень гор тебе кажется людьми. |
| 37 Гаал бара шуис: «Видзӧд, керӧсвывса юрбитанінсянь йӧз лэччӧны. Ӧти котыр со Кимӧститчысьяслӧн тупу дорсянь локтӧ». | 37Гаал опять говорил и сказал: вот, народ спускается с возвышенности, и один отряд идет от дуба Меонним. |
| 38 Зевул вочавидзис: «Тэ ышнясьӧмӧн шуин, коді пӧ сійӧ Авимелекыс, медым ми кесъялім сылы. Со локтӧны йӧз, кодъясӧс тэ увтыртін. Ӧні пет да тышкась налы паныд!» | 38И сказал ему Зевул: где уста твои, которые говорили: `кто Авимелех, чтобы мы стали служить ему?' Это тот народ, который ты пренебрегал; выходи теперь и сразись с ним. |
| 39 Гаал нуӧдіс сикемсаясӧс Авимелеклы паныд тышӧ. | 39И пошел Гаал впереди жителей Сихемских и сразился с Авимелехом. |
| 40 Но Гааллы ковмис пышйыны, а Авимелек вӧтӧдіс сійӧс. Уна пышйысьӧс вӧлі виӧма карса дзиръя дорын. | 40И погнался за ним Авимелех, и побежал он от него, и много пало убитых до самых ворот города. |
| 41 Та бӧрын Авимелек муніс Арума карӧ да кольччис сэтчӧ. А Гаалӧс вокъясыскӧд Зевул вӧтліс Сикемысь. | 41И остался Авимелех в Аруме, а Гаала и братьев его Зевул выгнал, чтоб они не жили в Сихеме. |
| 42 Мӧд луннас сикемсаяс петісны видз-муяс вылӧ. Та йылысь висьталісны Авимелеклы. | 42На другой день вышел народ в поле, и донесли о сем Авимелеху. |
| 43 Сійӧ юкис ассьыс йӧзсӧ куим пельӧ да пуксьӧдіс кыйӧдчыны кар сайӧ. Кор сикемсаяс сӧмын на петісны карсьыс, Авимелек аслас йӧзыскӧд уськӧдчис на вылӧ да виис найӧс. | 43Он взял свой народ и разделил его на три отряда и поставил в засаду в поле. И увидев, что народ вышел из города, восстал на них и побил их. |
| 44 Ачыс Авимелек тышкакотырыскӧд веськӧдчис карлань да сувтіс карса дзиръя дорӧ, а мӧд кык тышкакотырыс уськӧдчисны видз-му вылын уджалысь сикемсаяс вылӧ да виалісны найӧс. | 44Между тем как Авимелех и отряды, бывшие с ним, приступили и стали у ворот городских, другие два отряда напали на всех, бывших в поле, и убивали их. |
| 45 Авимелек тышкасис сикемсаяскӧд лунтыр. Босьтіс карсӧ, а сэтчӧс олысьясӧс виаліс. Сикем карсӧ бырӧдӧм бӧрын кар местасӧ кояліс солӧн*а. | 45И сражался Авимелех с городом весь тот день, и взял город, и побил народ, бывший в нем, и разрушил город и засеял его солью. |
| 46 Та йылысь кылӧм бӧрын Сикем изкарса олысьяс пышйисны. Найӧ дзебсисны Ваал-Беритлы юрбитанінӧ. | 46Услышав об этом, все бывшие в башне Сихемской ушли в башню капища Ваал-Верифа. |
| 47 Авимелеклы висьталісны та йылысь. | 47Авимелеху донесено, что собрались туда все бывшие в башне Сихемской. |
| 48 Авимелек да сылӧн йӧзыс черъясӧн кайисны Цалмон керӧс вылӧ. Авимелек кераліс увъяс, босьтіс пельпом вылас да шуис аслас йӧзлы: «Зільджыка ме моз вӧчӧй!» | 48И пошел Авимелех на гору Селмон, сам и весь народ, бывший с ним, и взял Авимелех топоры с собою и нарубил сучьев древесных, и положил на плечи свои, и сказал народу, бывшему с ним: вы видели, что я делал; скорее делайте и вы то же, что я. |
| 49 Быдӧн кераліс увъяс, босьтіс пельпом вылас да мӧдӧчис Авимелек бӧрся. Найӧ локтісны Сикем изкарса олысьяслӧн сайӧдчанін дорӧ, пукталісны сэтчӧ увъяссӧ да ӧзтісны. Тадзи Сикем изкарса став олысьыс куліс – сюрс гӧгӧр айулов да ань. | 49И нарубил каждый из всего народа сучьев, и пошли за Авимелехом, и положили к башне, и сожгли посредством их башню огнем, и умерли все бывшие в башне Сихемской, около тысячи мужчин и женщин. |
| 50 Авимелек водзӧ мӧдӧдчис Тевецӧ, кытшаліс карсӧ да босьтіс сійӧс. | 50Потом пошел Авимелех в Тевец и осадил Тевец и взял его. |
| 51 Кар шӧрын сулаліс джуджыд ён башня, кытчӧ пышйисны карса став айуловыс да аньыс. Найӧ йигнасисны сэтчӧ да кайисны медвыліӧдзыс. | 51Среди города была крепкая башня, и убежали туда все мужчины и женщины и все жители города, и заперлись и взошли на кровлю башни. |
| 52 Авимелек да сылӧн тышкайӧзыс матыстчисны башня дорӧ да кытшалісны сійӧс. Кор сійӧ матыстчис башня дзиръя дорӧ, медым ӧзтыны, | 52Авимелех пришел к башне и окружил ее и подошел к дверям башни, чтобы сжечь ее огнем. |
| 53 сэки ӧти ань сылы юр вылас шыбитіс изки. Изкиыс поткӧдіс сылысь юрсӧ. | 53Тогда одна женщина бросила обломок жернова на голову Авимелеху и проломила ему череп. |
| 54 Авимелек дзик пыр горӧдіс шыпурт новлӧдлысьсӧ да тшӧктіс сылы: «Перйы шыпурттӧ да сатшкы менӧ. Мед некод оз шу, мый менӧ виис ань». Шыпурт новлӧдлысь сатшкис Авимелекӧс, и сійӧ куліс. | 54Авимелех тотчас призвал отрока, оруженосца своего, и сказал ему: обнажи меч твой и умертви меня, чтобы не сказали обо мне: женщина убила его. И пронзил его отрок его, и он умер. |
| 55 Израильсаяс кор аддзисны, мый Авимелек кулӧма, разӧдчисны гортаныс. | 55Израильтяне, видя, что умер Авимелех, пошли каждый в свое место. |
| 56 Енмыс тадзи водзӧс перйис Авимелеклысь сыысь, мый Авимелек лёксӧ вӧчис аслас батьыслы – виис ассьыс сизимдас воксӧ. | 56Так воздал Бог Авимелеху за злодеяние, которое он сделал отцу своему, убив семьдесят братьев своих. |
| 57 Енмыс водзӧс перйис тшӧтш Сикем карса олысьяслысь став налӧн лёк вӧчӧмысь. Найӧс суис Ероваал Иотам пилӧн ёрӧмыс. | 57И все злодеяния жителей Сихемских обратил Бог на голову их; и постигло их проклятие Иофама, сына Иероваалова. |
*а 45 9:45 Солӧн коялӧм му ёрӧма, сэні нинӧм оз быдмы.
Глава 9