Выбрать язык
Книги Ветхого Завета
Книги Нового Завета
без русского текстаЁРДЫСЬЯС | ЁРДЫСЬЯС |
7 юр | Глава 7 |
| 1 Водз асывнас Гедеон, мӧд ногӧн кӧ, Ероваал, да став сылӧн тышкайӧзыс ӧтвылысь сувтісны Харод ва петанін бокӧ. Мадиансаяс сулалісны войвывладорас, ковтысын, Морэ нима керӧс дорын. | 1Иероваал, он же и Гедеон, встал поутру и весь народ, бывший с ним, и расположились станом у источника Харода; Мадиамский же стан был от него к северу у холма Море в долине. |
| 2 Господь шуис Гедеонлы: «Тэнад йӧзыд вывті уна. Ме кӧ сета мадиансаясӧс налӧн киӧ, Израиль войтыр кутас ышнясьны Ме водзын да шуны, ми пӧ асьным мездім асьнымӧс. | 2И сказал Господь Гедеону: народа с тобою слишком много, не могу Я предать Мадианитян в руки их, чтобы не возгордился Израиль предо Мною и не сказал: `моя рука спасла меня'; |
| 3 Юӧрт войтырыдлы: коді полӧ-тіралӧ, мед лэччӧ Галаад керӧс вылысь, мед бӧр бергӧдчӧ». Сэки кызь кык сюрс морт бӧр бергӧдчисны, а дас сюрсыс кольччисны. | 3итак провозгласи вслух народа и скажи: `кто боязлив и робок, тот пусть возвратится и пойдет назад с горы Галаада'. И возвратилось народа двадцать две тысячи, а десять тысяч осталось. |
| 4 Господь шуис Гедеонлы: «Уна на йӧзыд тэнад. Нуӧд найӧс ва дорӧ, сэні Ме бӧръя, коді тэкӧд ӧтвылысь тышӧ петас. Код йылысь Ме шуа: ”Тайӧ мунас тэкӧд”, сійӧ мед мунас, а код йылысь шуа: ”Тайӧ оз мун тэкӧд”, сійӧ мед оз мун». | 4И сказал Господь Гедеону: все еще много народа; веди их к воде, там Я выберу их тебе; о ком Я скажу: `пусть идет с тобою', тот и пусть идет с тобою; а о ком скажу тебе: `не должен идти с тобою', тот пусть и не идет. |
| 5 Гедеон вайӧдіс став тышкайӧзсӧ ва дорӧ, и Господь шуис сылы: «Быдӧнӧс, коді кутас лакны васӧ пон моз, торйӧд наысь, кодъяс кутасны юны васӧ пидзӧсчанясьӧмӧн». | 5Он привел народ к воде. И сказал Господь Гедеону: кто будет лакать воду языком своим, как лакает пес, того ставь особо, также и тех всех, которые будут наклоняться на колени свои и пить. |
| 6 Куимсё морт асланыс соддзысь лакисны васӧ пон моз, а мукӧдыс юисны васӧ пидзӧсчанясьӧмӧн. | 6И было число лакавших ртом своим с руки триста человек; весь же остальной народ наклонялся на колени свои пить воду. |
| 7 Господь шуис Гедеонлы: «Васӧ лакысь куимсё морт пырыс Ме мезда Израильӧс да сета мадиансаясӧс тэнад киӧ. А мукӧдыс мед мунасны гортаныс». | 7И сказал Господь Гедеону: тремя стами лакавших Я спасу вас и предам Мадианитян в руки ваши, а весь народ пусть идет, каждый в свое место. |
| 8 Гедеон колис аскӧдыс куимсё тышкамортӧс, а мукӧдсӧ лэдзис гортаныс. Налӧн заптӧм сёяныс да буксанъясыс колины тайӧ куимсёыслы. Мадиансаяс сулалісны улынджык, ковтысын. | 8И взяли они съестной запас у народа себе и трубы их, и отпустил Гедеон всех Израильтян по шатрам и удержал у себя триста человек; стан же Мадиамский был у него внизу в долине. |
| 9 Сійӧ войнас Господь шуис Гедеонлы: «Лэччы да уськӧдчы мадиансаяс вылӧ, ӧд Ме сета найӧс тэнад киӧ. | 9В ту ночь сказал ему Господь: встань, сойди в стан, Я предаю его в руки твои; |
| 10 Полан кӧ уськӧдчынысӧ, ветлы Пурай кесйӧгыдкӧд налӧн чомъяс дорӧ. | 10если же ты боишься идти один, то пойди в стан ты и Фура, слуга твой; |
| 11 Сэні тэ кылан, мый йылысь найӧ кутасны сёрнитны. Сэки тэ повтӧг верман уськӧдчыны на вылӧ». Гедеон лэччис аслас Пурай кесйӧгыскӧд вӧрӧглӧн чомъяс дорӧ. | 11и услышишь, что говорят, и тогда укрепятся руки твои, и пойдешь в стан. И сошел он и Фура, слуга его, к самому полку вооруженных, которые были в стане. |
| 12 Мадиансаяс, амалик войтыр да асыввылын олысь войтыр вӧлі паськӧдчӧмаӧсь ковтысӧ. Найӧ вӧліны саранча мында, а налӧн верблюдъясыс – саридздор лыа мында. | 12Мадианитяне же и Амаликитяне и все жители востока расположились на долине в таком множестве, как саранча; верблюдам их не было числа, много было их, как песку на берегу моря. |
| 13 Гедеон матыстчис да кыліс, кыдзи мадианса морт буретш висьталіс ёртыслы ассьыс вӧтсӧ: «Ме вӧтаси, быттьӧ миян чомъяслань гӧгыльтчис ид нянь тупӧсь. Сійӧ гӧгыльтчис ӧти чом дорӧ да пӧрӧдіс сійӧс. Чомйыс ставнас киссис». | 13Гедеон пришел. И вот, один рассказывает другому сон и говорит: снилось мне, будто круглый ячменный хлеб катился по стану Мадиамскому и, прикатившись к шатру, ударил в него так, что он упал, опрокинул его, и шатер распался. |
| 14 Ёртыс вочавидзис: «Тайӧ израильса Гедеонлӧн, Йоас пилӧн, шыпуртыс. Енмыс сетас сы киӧ мадиансаясӧс да став тайӧ тышкайӧзсӧ». | 14Другой сказал в ответ ему: это не иное что, как меч Гедеона, сына Иоасова, Израильтянина; предал Бог в руки его Мадианитян и весь стан. |
| 15 Гедеон мыйӧн кыліс вӧт йылысь сёрнисӧ, копыртчӧмӧн юрбитіс Господьлы, сэсся бӧр локтіс израильса тышкайӧз дінӧ. Гедеон шуис налы: «Петамӧй тышӧ! Господь сетіс тіян киӧ мадиансаясӧс». | 15Гедеон, услышав рассказ сна и толкование его, поклонился Господу и возвратился в стан Израильский и сказал: вставайте! предал Господь в руки ваши стан Мадиамский. |
| 16 Куимсё мортӧс Гедеон юкис куим пельӧ. Быдӧнлы киас сетіс буксан да гырнич доз, кытчӧ вӧлі дзебӧма ӧзъялысь факел. | 16И разделил триста человек на три отряда и дал в руки всем им трубы и пустые кувшины и в кувшины светильники. |
| 17 Сійӧ шуис: «Видзӧдӧй ме вылӧ да вӧчӧй ме моз. Ме муна вӧрӧглӧн чомъяс дорӧдз. Мый ме кута вӧчны, сійӧс и ті вӧчӧй. | 17И сказал им: смотрите на меня и делайте то же; вот, я подойду к стану, и что буду делать, то и вы делайте; |
| 18 Кор ме да мекӧд орччӧн сулалысьяс букӧстам буксанъясӧн, сэки чомъяс гӧгӧр сулалігмозныд ті тшӧтш букӧстӧй да горзӧй: ”[Тышкасям] Господь вӧсна да Гедеон вӧсна!”» | 18когда я и находящиеся со мною затрубим трубою, трубите и вы трубами вашими вокруг всего стана и кричите: меч Господа и Гедеона! |
| 19 Гедеон локтіс вӧрӧглӧн чомъяс дорӧдз, кор сэні рытъя видзысьясӧс вежисны войся видзысьяс. Гедеонкӧд вӧлі сё морт. Найӧ буксісны буксанъясӧн да жуглісны гырнич дозъяснысӧ. | 19И подошел Гедеон и сто человек с ним к стану, в начале средней стражи, и разбудили стражей, и затрубили трубами и разбили кувшины, которые были в руках их. |
| 20 Став куимнан тышкакотырыс буксісны буксанӧн да жуглісны гырнич дозъяссӧ. Шуйга киас быдӧн кутіс факел, а веськыдас – буксан. Найӧ буксісны да горзісны: «Тышкасям Господь вӧсна да Гедеон вӧсна!» | 20И затрубили все три отряда трубами, и разбили кувшины, и держали в левой руке своей светильники, а в правой руке трубы, и трубили, и кричали: меч Господа и Гедеона! |
| 21 Найӧ сулалісны мадианса тышкайӧзлӧн чомъяс гӧгӧр, а мадиансаяс горзӧмӧн котралісны ӧтарӧ-мӧдарӧ, кӧсйисны пышйыны. | 21И стоял всякий на своем месте вокруг стана; и стали бегать во всем стане, и кричали, и обратились в бегство. |
| 22 Куимсё израильса тышкамортлӧн буксігкості Господь вӧчис сідзи, мый мадиансаяс виалісны ӧта-мӧднысӧ. А коляс тышкайӧзыс пышйисны Церера карлань Бет-Шитта карӧдз да Авел-Мехола кар дорӧдз, Табат карсянь матӧ. | 22Между тем как триста человек трубили трубами, обратил Господь меч одного на другого во всем стане, и бежало ополчение до Бефшитты к Царере, до предела Авелмехолы, близ Табафы. |
| 23 Чукӧстісны айуловӧс Неффалим, Асир да Манассей чужанкотыръясысь, медым вӧтӧдны мадиансаясӧс. | 23И созваны Израильтяне из колена Неффалимова, Асирова и всего колена Манассиина, и погнались за Мадианитянами. |
| 24 Гедеон мӧдӧдіс юӧртысьясӧс Ефрем керӧсвыв муӧ. Найӧ шуисны: «Лэччӧй керӧсъяс вылысь, медым тупкыны Йӧрдан ю дорӧ мунан туйсӧ Бет-Бара карӧдз. Энӧ лэдзӧй мадиансаяслы вуджны юсӧ». Ефрем чужанкотырысь вӧлі чукӧстӧма ставнысӧ, и найӧ тупкисны туйсӧ Бет-Бара карӧдз да Йӧрдан ю вомӧн вуджанінсӧ. | 24Гедеон же послал послов на всю гору Ефремову сказать: выйдите навстречу Мадианитянам и перехватите у них переправу через воду до Бефвары и Иордан. И созваны все Ефремляне и перехватили переправы через воду до Бефвары и Иордан; |
| 25 Найӧ босьтісны мадианса кык юралысьӧс – Оривӧс да Зивӧс. Оривӧс виисны Орив изкырта дорын, а Зивӧс виисны Зивлӧн виноград пычкан гу дорын. Сэсся водзӧ вӧтӧдісны мадиансаясӧс. Оривлысь да Зивлысь юръяссӧ вайисны Гедеонлы Йӧрдан ю сайӧ. | 25и поймали двух князей Мадиамских: Орива и Зива, и убили Орива в Цур-Ориве, а Зива в Иекев-Зиве и преследовали Мадианитян; головы же Орива и Зива принесли к Гедеону за Иордан. |
Глава 7