Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
84 Псалом
1 Сьыліссезӧн веськӧтлісьлӧ. Корей зоннэзлӧн псалом.2 Дӧсвидзисьӧ,
Тэ вӧлін небыт сьӧлӧма Аслат му дынӧ.
Яковлӧн увтырыс мырсис йӧз кипод увтын.
Йӧз мусис Тэ нійӧ бӧр вайӧтін.
3 Аслат отирлісь лёк керӧ́ммез Тэ проститін.
Нылісь умӧль керӧ́ммесӧ лэдзин.
4 Лёксялӧ́мтӧ ны дынісь кежӧтін,
ыпьяла́н лӧгтӧ ны дынісь нуӧтін.
5 Енным, миян Мездісьным,
сувтӧт бӧра миянӧс.
Дугды лӧгавны миян вылӧ.
6 Неужто пыр пондан миян вылӧ лӧгавны?
Тэнат лӧгыт айезсянь челядь вылӧ
пыр пондас вуджны?
7 Миянлісь ола́ннымӧс бӧра вильмӧт,
медбы Тэнат керӧ́мсянь
отирыт вермисӧ гажӧтчыны.
8 Дӧсвидзисьным,
Ассит небыт сьӧлӧмтӧ мыччав миянлӧ,
кер миянлӧ козин ─ мезды миянӧс!
9 Кывза, мый висьталас Дӧсвидзись Ен.
Сія кӧсйӧ сетны лӧнь ола́н Аслас отирлӧ,
Аслас бӧрйӧммезлӧ,
но нія ась озӧ ылалӧ бӧра овны мывкыдтӧг.
10 Сія чожа мездас Сыись поліссесӧ,
и Сылӧн югьялӧ́мыс лоас миян му вылын.
11 Небыт сьӧлӧмсянь керӧ́мыс да быльыс пантасясӧ,
веськыта олӧ́мыс да лӧньыс окасясӧ.
12 Быльыс лэбтісяс мусянь,
а веськыта олӧ́мыс мышкыртчас енӧжсянь.
13 Дӧсвидзись сетас миянлӧ бурсӧ,
муыс сетас ассис быдтӧмсӧ.
14 Веськыта керӧ́мыс Дӧсвидзись одзын мунӧ,
Сылӧ туйсӧ лӧсьӧтӧ.
Ошкӧ́м.
Глава 84
