Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
62 Псалом
1 Давидлӧн псалом, кӧдӧ сія гижис Иудея кушмуын олікӧ.2 Енӧ, Тэ менам Ен,
асъяпонсянь ме Тэнӧ кошша.
Менам лолӧ Тэ понда ӧддьӧн гажтӧмтчӧ.
Kосьмӧм муын, ватӧм кушмуын,
вывты́рӧ Тэнӧ видзчисьӧ.
3 Ме бы адззыла Тэнчит вынтӧ да югьялӧ́мтӧ,
кыдз ме кӧркӧ адззылі Тэнӧ вежаинын.
4 Тэнат небыт сьӧлӧмсянь керӧ́мыт ола́нся буржык,
сійӧн менам ӧмӧ ошкӧ Тэнӧ.
5 Понда ошкыны Тэнӧ, кытчӧдз ме ловья.
Тэнчит нимтӧ ошкӧ́м коста киэзӧс лэбта.
6-7 Кӧр ольпасьын Тэнӧ касьтывла
да ойся кадӧ Тэнчит керӧ́мметӧ тӧдвылам вайӧта,
сэк кыдз пӧтӧса да чӧскыт сёя́нӧн
сьӧлӧмӧс бурмӧта.
Aслам ӧмӧн ме Тэнӧ гажӧн ошка.
8 Тэ эд меным Отсасисьыс,
Тэнат борддэз увтын ме понда гажӧтчыны.
9 Менам лолӧ Тэ бердӧ лякасис,
веськыт кинат Тэ менӧ видзан.
10 А кӧдна кошшӧны менчим лолӧс босьтны,
нія пыдӧстӧминӧ лэдзчасӧ.
11 Нійӧ шыпуртӧн уськӧтасӧ,
и нія руччезлӧ дӧнзясӧ.
12 А ӧксу пондас гажӧтчыны,
сылӧн эд эм Ен.
Ен нимӧн кыв сетіссез Сійӧ ошкасӧ,
а бӧбӧтчиссезлӧн ӧммезныс пӧднассясӧ.
Глава 62
