Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
61 Псалом
1 Идифунлӧ, сьыліссезӧн веськӧтлісьлӧ. Давидлӧн псалом.2 Дзир Еныс ӧтнас менам ловлӧ лӧньсӧ сетӧ.
Сія менӧ мездӧ.
3 Дзир Сія менам чорытінӧ
*а,
Сія менӧ мездӧ да сайӧвтӧ.
Сэсся ме ог ни усь.
4 Дыр я тійӧ пондат ме вылӧ уськӧтчывлыны?
Пӧліньтчӧм стена моз да вӧра́н йӧр моз
тійӧ быдӧнныт усятӧ.
5 Тійӧ лӧсьӧтчат менчим бур нимӧс умӧльтны,
менӧ муӧдз уськӧтны.
Тійӧ ӧмнаныт бласлӧви́тат,
а сьӧлӧманыт ёрдат,
бӧбӧтчӧ́мнытсянь гажмат.
6 Менам лов, дзир Енын кошшы лӧньсӧ!
Ме эд Сы вылӧ надейтча.
7 Дзир Сія менам чорытінӧ,
Сія менӧ мездӧ да сайӧвтӧ.
Ме ог усь.
8 Еныс менӧ Мездісь,
Сыӧн ме ошшася.
Еныс менам чорыт из керӧс,
Сы вылӧ ме надейтча.
9 Отир, быд кадӧ Сы вылӧ надейтчӧ,
ассиныт сьӧлӧмнытӧ Сылӧ осьтӧ!
Еныс эд миянӧс сайӧвтӧ.
10 Отирыс ─ дзир тӧлӧн нуӧтӧм тшын.
Йӧзыс ─ бӧбӧтчиссез.
Нійӧ быдӧннысӧ пуктыны кӧ ӧшліся́н
*б вылӧ,
нія лоасӧ руся кокнитжыкӧсь.
11 Эдӧ надейтчӧ мырддьӧ́м вылӧ,
эдӧ ошшасьӧ гусялӧм берсяӧн.
Сьӧм-пажыть тіян содӧ кӧ,
сы бердӧ сьӧлӧмӧн эд лякасьӧ.
12 Ӧтпыр висьталіс Еныс,
а ме кыкись кылі этӧ:
выныс ─ Енлӧн.
13 Дӧсвидзисьӧ, Тэ небыт сьӧлӧма,
Тэ эд быдӧнныслӧ вештан керӧ́ммезныс сьӧрті.
*а 61:3 чорытін ─ твердыня
*б 10 ӧшліся́н ─ весы
Глава 61
