Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
60 Псалом
1 Сьыліссезӧн веськӧтлісьлӧ. Орсӧны сиа орса́н вылын. Давидлӧн псалом.2 Енӧ, кыв менчим герьясьӧ́мӧс,
кыв менчим кеймӧ́мӧс!
3 Шогся́н сьӧлӧмӧн
мупонсянь ме Тэныт горӧн кеймися.
Лэбты менӧ из керӧс вылӧ,
кытчӧ ачым ог вермы кайны.
4 Тэ эд меным ─ дзебсисянін,
ме вылӧ лэбтісьӧммез шогья Тэ ён сайӧвтчанін
*а.
5 Ме пыр бы ола Тэнат оланінын,
Тэнат борддэз увтын шоччися.
6 Енӧ, Тэ эд менчим кӧсйисьӧ́мӧс кылін,
Тэись поліссезлӧ лӧсьӧтӧм пайсӧ меным сетін.
7 Ӧксулісь ола́н луннэсӧ содты.
Сылӧн юралӧ́мыс айсянь зонлӧ ась пыр вуджӧ.
8 Ӧксуыс ась пыр лоӧ Енлӧн син одзын.
Аслат небыт сьӧлӧмӧн да быльӧн видзӧт сы сьӧрын.
9 Сэк ме Тэнчит нимтӧ пыр понда сьылӧтны,
кӧсйисьӧ́мӧ сьӧрті быд лун понда керны.
Ошкӧ́м.
*а 60:4 сайӧвтчанін ─ крепость, прибежище
Глава 60
