Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
57 Псалом
1 Сьыліссезӧн веськӧтлісьлӧ. Сьылӧны «Эн разь*а» сьыланкы́влӧн проглаз сьӧрті. Кыввесӧ гижис Давид.2 Судитіссез, быльсӧ я тійӧ висьтавлат?
Мортлӧн зоннэз, веськыта я отирсӧ судитат?
3 Тійӧ одзлань ни умӧльсӧ керны лӧсьӧтчат.
Му вылас Тіян киэзныт лёка дзескӧтлӧ́мӧн тырӧмась.
4 Ентӧг оліссез шогмӧ́мсянь ни Ен дынісь кежӧмась,
бӧбӧтчиссез мам кынӧмсянь ни ылалӧмась.
5 Нылӧн ядныс ─ кыйлӧн
*б яд кодь.
Нія тупкӧмась пеллезнысӧ пельтӧм кыйез моз,
6 кӧдна озӧ кылӧ кыйезӧн веськӧтлісьлісь
*в шысӧ,
медкужись веськӧтлісьлісь.
7 Енӧ, ны ӧммезісь кисьт пиннезнысӧ!
Дӧсвидзисьӧ, чеглав леввезлісь аннэзнысӧ!
8 Нія визывта́н ва моз ась ӧшӧны.
Кӧр зэлӧтасӧ ньӧвсӧ,
нылӧн ньӧвьёссес ась чегласьӧны.
9 Нія ась лёль
*г моз ӧшӧны,
кыдз сія сылӧ ассис нильыгсӧ лэдзикӧ.
Ась озӧ адззылӧ шондісӧ чӧвччӧм кага
*д моз.
10 Нія биын уввез кодьӧсь.
Уввез озӧ на ештӧ быдӧс ӧзйыны,
медбы пӧртсӧ
*е шонтны,
а тӧлыс нӧбӧтас и сотча́ннэсӧ,
и ӧзйытӧм уввесӧ.
11 Веськыта олісь гажӧтчыны пондас,
кӧр вештісьӧ́мсӧ казялас.
Ентӧг оліссезлӧн вирын
сія кок пыдӧссэсӧ миссьӧтас.
12 Сэк отир шуасӧ:
«Веськыта оліссезлӧ былись эд эм козиныс.
Сідзкӧ, былись эм Ен, му вылас Судитісь!»
Ошкӧ́м.
*а 57:1 разьны ─ уничтожать
*б 57:5 кый ─ аспид, змея
*в 57:6 кыйезӧн веськӧтлісь ─ заклинатель
*г 57:9 лёль ─ улитка
*д 57:9 чӧвччӧм кага ─ выкидыш
*е 57:10 пӧрт ─ котёл
Глава 57
