Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
33 Псалом
1 Давидлӧн псалом. Сідз сія сьыліс сы бӧрын, кӧр Авимелек одзын лэдзчисьліс бӧбсялӧм мортӧ. Сэк Давидсӧ вашӧтісӧ, и сія муніс.2 Ошка Дӧсвидзисьсӧ быд кадӧ.
Сійӧ ошкӧ́мыс менам ӧмись дугдывтӧг петӧ.
3 Ме сьӧлӧмсянь понда ошшасьны Дӧсвидзисьнас.
Рам сьӧлӧмаэз кыласӧ ошшасьӧ́мӧс да гажмасӧ.
4 Мекӧт ӧтлаын сьылӧтӧ Дӧсвидзисьсӧ,
ӧтлаын ошкам-лэбтам Сылісь нимсӧ!
5 Ме кошши-кори Дӧсвидзисьсӧ,
и Сія менӧ кыліс,
быд полӧ́мись менӧ мездіс.
6 Сы вылӧ видзӧтіссезлӧн чужӧ́мныс гажыссянь югьялӧ,
нылӧ некӧр оз ковсьы гӧрдӧтны.
7 Ме, корись морт, кори отсӧтсӧ,
и Дӧсвидзись менӧ кыліс,
быд умӧлись менӧ мездіс.
8 Дӧсвидзисьлӧн ангел сувтӧ дорйыны Енісь поліссесӧ
да нійӧ мездӧ.
9 Тӧдмалӧ, и казялат, кытшӧм бур Дӧсвидзисьыс!
Шуда сія мортыс, кӧда надейтчӧ Сы вылӧ!
10 Дӧсвидзисьлӧн вежа отир
*а,
полӧ Сыись [быдӧнныт]!
Сыись поліссезлӧн быдӧс коланаыс лоас тырмӧмви.
11 Том леввезлӧн абу сёя́ныс, нія тшыгьялӧны,
а Дӧсвидзисьсӧ кошшиссезлӧн быдӧс эм.
12 Челядь, локтӧ, кывзӧ менӧ!
Ме велӧта тіянӧс,
кыдз колӧ овны Дӧсвидзисись полӧмӧн.
13 Кин радейтӧ ола́нсӧ,
мӧдӧ дыр овны
да адззывны ола́нас бурсӧ,
14 сія ась видзӧ ассис кывсӧ умӧльсӧ баитӧ́мись,
ассис ӧмсӧ ─ бӧбӧтчӧ́мись.
15 Бергӧтчы лёк керӧ́мсис да кер бурсӧ,
кошшы быдӧнныскӧт лӧсялӧ́мсӧ
да вынсьӧтчы овны лӧняс
*б.
16 Дӧсвидзисьлӧн синнэс видзӧтӧны
веськыта оліссез вылӧ,
сылӧн пеллес кылӧны
нылісь ойзӧ́мнысӧ.
17 Но Дӧсвидзисьыс лёк кериссезлӧ паныт лэбтісьӧ,
медбы му вылын оліссезлӧн
и тӧд вылын нія эзӧ вӧлӧ.
18 Кӧр веськыта оліссез
горӧн кеймисьӧны Дӧсвидзисьлӧ,
Сія нійӧ кылӧ
и мездӧ быд шогсьӧ́м-мырсьӧ́мись.
19 Дӧсвидзисьыс матын шогсись сьӧлӧмаэз дынӧ,
надеясӧ ӧштӧммесӧ Сія мездӧ.
20 Веськыта олісьлӧн уна сьӧлӧм шогыс,
но Дӧсвидзись мездас сійӧ быд шогсьӧ́мись.
21 Дӧсвидзись быд лы
*в сылісь видзӧ,
ны коласісь ӧтік оз чег.
22 Умӧль керисьсӧ виясӧ аслас умӧль керӧ́ммес.
Кин синнас оз вермы видзӧтны веськыта олісь вылӧ,
Енлӧн суд вылын сійӧ сетасӧ мыжйыны
*г.
23 Дӧсвидзисьыс Аслас раббезлісь ола́нсӧ видзӧ,
Сы вылӧ надейтчиссесӧ
Аслас суд вылын Сія некинӧс оз сет мыжйыны.
Ошкӧ́м.
*а 33:10 вежа отир ─ Енлӧ веритісь отир
*б 33:15 лӧняс ─ в мире
*в 33:21 лы ─ кость
*г 33:22 мыжйыны ─ наказать
Глава 33
