Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
28 Псалом
Давидлӧн псалом. [Сьылӧны «Шалаш лэбта́н» вежалун чулалӧ́м коста.]1 Енӧжын оліссез,
ошкӧ-лэбтӧ Дӧсвидзисьсӧ!
Сьылӧтӧ вына Дӧсвидзисьсӧ!
2 Ошкӧ Дӧсвидзисьлісь югьяла́н нимсӧ!
Копыртчӧ Дӧсвидзисьлӧ
Сылӧн басӧк вежаинын.
3 Дӧсвидзисьлӧн шыыс ваэз весьтын кылӧ,
югьяла́н Еныс гымалӧ,
Дӧсвидзисьлӧн шыыс уна ва весьтын горалӧ.
4 Дӧсвидзисьлӧн шыыс вына,
Дӧсвидзисьлӧн шыыс горалана.
5 Дӧсвидзисьлӧн шыыс сыспуэз
*а пӧрлалӧ,
Дӧсвидзись Ливанісь сыспуэз чеглалӧ.
6 Сы шысянь керӧссэз куканнез моз чеччалӧны,
Ливан да Сирион керӧссэз том пороззэз моз орсӧтчӧны.
7 Дӧсвидзисьлӧн шыыс лэдзӧ чарньӧ́в.
8 Дӧсвидзисьлӧн шыыс кушму
*б зэгӧтӧ,
Дӧсвидзись Кадес кушму зэгӧтӧ.
9 Дӧсвидзисьлӧн шысянь
йӧвсялӧны кӧррез
*в да кушамӧны вӧррез.
Сылӧн Вежа Керкуын быдӧнныс горӧн шувлӧны:
«Ошкӧ́м Сылӧ!»
10 Дӧсвидзись ваэз вылын юралӧ,
Дӧсвидзись пыр пондас пукавны Ӧксуӧн.
11 Дӧсвидзись сетас Аслас отирлӧ вын,
Дӧсвидзись бласлӧви́тас Ассис отирсӧ лӧнь ола́нӧн.
*а 28:5 сыспу ─ кедр
*б 28:8 кушму ─ пустыня
*в 28:9 кӧр ─ олень
Глава 28
