Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
29 Псалом
1 Давидлӧн псалом. Сьылӧны Вежа Керку вильмӧта́н вежалунӧ.2 Дӧсвидзисьӧ, ме сьылӧта Тэнӧ,
Тэ эд лэбтін менӧ.
Ме вылӧ лэбтісьӧммезлӧ
Тэ эн сет гажӧтчыны
менӧ вермӧ́мсянь.
3 Дӧсвидзисьӧ, менам Енӧ,
ме Тэнӧ кори отсавны,
и Тэ менӧ веськӧтін.
4 Дӧсвидзисьӧ,
Тэ менӧ кулӧммез дынісь петкӧтін,
шойнаӧ муніссез коласісь кыскин.
Тэ менӧ ловзьӧтін.
5 Дӧсвидзисьлӧн надейнӧй отир, сьылӧ Сылӧ!
Ошкӧмн касьтывлӧ Сылісь вежа нимсӧ!
6 Сылӧн лӧгыс эд кыссьӧ
синӧн кваркыштӧ́м дырна,
а бур керӧ́мыс ─
ола́нын пыр кежӧ.
Рытнас лэбтісьӧ горзӧ́м,
а асывнас ─ гажӧтчӧ́м.
7 Кӧр меным вӧлі бур,
сэк ме баиті:
«Ме некӧр ог усь».
8 Дӧсвидзисьӧ, Тэ меным бурӧ керин,
сувтӧтін менӧ ён керӧс вылӧ.
Но кӧр сайӧвтін Ассит чужӧ́мтӧ,
ме повзи.
9 Сэк, Дӧсвидзисьӧ, ме Тэнӧ кори,
Енӧ, ме Тэныт кеймиси:
10 «Мый сэтісь бурыс,
ме кула кӧ да шойнаӧ менӧ водтӧтасӧ?
Пондас разь Тэнӧ ошкыны шойыс,
пондас разь висьтасьны Тэнчит быльсӧ?
11 Дӧсвидзисьӧ, кыв менӧ,
ло ме дынӧ небыт сьӧлӧма.
Дӧсвидзисьӧ, отсав меным!»
12 Менчим горзӧ́мӧс Тэ гажӧтчӧ́мӧ пӧртін.
Тӧждіся́н паськӧмӧс ме вылісь чӧвтін
да гажӧтча́н паськӧмӧ пасьтӧтін.
13 Менам лолӧ дугдывтӧг пондас Тэнӧ сьылӧтны.
Дӧсвидзисьӧ, менам Енӧ,
ме пыр понда ошкыны Тэнӧ.
Ошкӧ́м.
Глава 29
