Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
25 Псалом
Давидлӧн псалом.1 Дӧсвидзисьӧ,
суд вылат бӧрйись мекӧт веськыта,
ме эд ола сӧстӧма.
Дӧсвидзись,
ме Тэ вылӧ надейтча и ог усь.
2 Дӧсвидзисьӧ, тӧдмав-видзӧт менӧ.
Видзӧт менчим пытшкӧс да сьӧлӧмӧс,
тӧдмав, мый сэтчин.
3 Тэнчит небыт сьӧлӧмтӧ ме пыр видза тӧдвылам,
ме ола Тэнат быль сьӧрті.
4 Ылӧтчись отиркӧт ме ӧтлаын эг пукав,
ныкӧт, киннэз гусьӧн керӧны умӧльсӧ,
ме ог мун.
5 Лёк кериссезлӧн чукӧртчӧ́м вылӧ
ме синӧн ог вермы видзӧтны,
Ентӧг оліссезкӧт ӧтлаӧ ог пуксьы.
6 Дӧсвидзисьӧ,
ме миссьӧта ассим киэзӧс,
медбы мыччавны, ме эг кер умӧльсӧ.
Ме понда гӧгравны Тэнчит езъяланінтӧ,
7 понда горӧн ошкыны Тэнӧ
да висьтасьны адззывлытӧм керӧ́ммет
*а йылісь.
8 Дӧсвидзисьӧ, ме радейта Тэнчит Вежа Керкутӧ,
кытӧн Тэ олан,
кытӧн олӧ Тэнат югьялӧ́мыт.
9 Менчим ола́нӧс эн орӧт
умӧльсӧ кериссезкӧт да вир юиссезкӧт ӧтлаын.
10 Асланыс киэзӧн эд нія лёксӧ керисӧ,
нылӧн веськыт киныс гусьӧн уна козин босьтӧ
*б.
11 А ме ола сӧстӧма.
Мезды менӧ, [Дӧсвидзисьӧ,]
да ло ме дынӧ небыт сьӧлӧма.
12 Менам коккезӧ сулалӧны веськыт туй вылын.
Чукӧртчӧм отир коласын буркы́вта Дӧсвидзисьсӧ.
*а 25:7 адззывлытӧм керӧ́м ─ чудо
*б 25:10 гусьӧн босьтӧм козин ─ взятка
Глава 25
