Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
23 Псалом
Давидлӧн псалом. [Сьылӧны неделяись медодзза лунӧ.]1 Муыс да быдӧс сы вылісьыс,
ола́н муыс да сы вылын оліссес ─ Дӧсвидзисьлӧн.
2 Мулісь увтсӧ Сія саридззез вылӧ пуктіс,
юэз вылӧ чорыта сувтӧтіс.
3 Кин каяс Дӧсвидзисьлӧн керӧс вылӧ?
Сылӧн вежаинӧ кин сувтас?
4 Сія, кинлӧн киэс умӧльсӧ озӧ керӧ
да сьӧлӧмыс сӧстӧм.
Кин весись кывсӧ оз сет
и [ассис матісьсӧ] Ен нимӧн оз бӧбӧтлы.
5 Сія Дӧсвидзисьсянь бласлӧвитӧ́мсӧ босьтас.
Мездісь Еныс сыкӧт лоас небыт сьӧлӧма.
6 Сэтшӧм отирыс,
кӧда кошшӧ Енсӧ,
кошшӧ Тэнчит чужӧ́мтӧ, Яковлӧн Ен!
7 Ыбӧссэз, паськыта оссьӧ!
Пырся ыбӧссэз, ванйӧв оссьӧ!
И пырас югьяла́н Ӧксу
*а!
8 Югьяла́н Ӧксу, кин Сія?
Сія ─ ён да вына Дӧсвидзись.
Дӧсвидзисьыс тышкасьӧ́мын
*б вына вермалісь.
9 Ыбӧссэз, паськыта оссьӧ!
Пырся ыбӧссэз, ванйӧв оссьӧ!
И пырас югьяла́н Ӧксу!
10 Югьяла́н Ӧксу, кин Сія?
Сія ─ Дӧсвидзись Саваоф
*в,
Сія ─ югьяла́н Ӧксу.
Ошкӧ́м.
*а 23:7 югьяла́н Ӧксу ─ Царь славы
*б 23:8 тышкасьӧ́м ─ битва, бой, война
*в 23:10 Саваоф ─ тышкася́н выннэз вылын Юралісь
Глава 23
