Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
22 Псалом
Давидлӧн псалом.1 Дӧсвидзисьыс ─ ме сьӧрын Видзӧтісь,
сійӧн менам быдӧс лоас тырмӧмви.
2 Сія шоччӧтӧ менӧ туруна видззез вылын,
вайӧтӧ менӧ лӧнь ва дорӧ.
3 Лолӧс менчим вынсьӧтӧ,
Аслас ним понда
менӧ веськыта овны туйдӧтӧ.
4 Колас кӧ мунны пемыт полӧтанінӧт,
кытӧн и ола́нӧс верма ӧштыны,
умӧль петӧ́мись ме ог повзьы,
Тэ эд мекӧт.
Тэнат веськӧтла́н да дорья́н беддет
менчим сьӧлӧмӧс лӧньсьӧтӧны.
5 Ме вылӧ лэбтісьӧммез одзын
Тэ меным сёя́нсӧ лӧсьӧтан.
Менчим юрӧс виӧн мавтан,
дозӧ менам тыра доррезви.
6 Тэнат бур да небыт сьӧлӧмыт
мекӧт медбӧрья ола́н лунӧдз.
И ме пыр понда овны Дӧсвидзисьлӧн керкуын.
Глава 22
