Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
16 Псалом
Давидлӧн кеймӧ́м.1 Дӧсвидзисьӧ, кыв менӧ!
Мекӧт веськыта бӧрйись
*а!
Кыв менчим горӧн герьясьӧ́мӧс да кеймисьӧ́мӧс,
бӧбӧттӧг висьталӧ́мӧс.
2 Тэ Ачыт чулӧт менчим судсӧ,
Тэнат синнэт ась адззӧны быльсӧ.
3 Тэ видзӧтін менчим сьӧлӧмӧс,
вовлін ме дынӧ ойнас,
менӧ тӧдмалін да эн адззы нем умӧльсӧ:
менам мый юрам, сія и ӧмам.
4 Быдлунся олӧ́мын ме некинӧс эг дзескӧтлы
*б,
кери Тэнат висьталӧм кыввез сьӧрті.
5 Вынсьӧт менчим оськӧввезӧс Аслат туйез вылын,
медбы коккезӧ мӧдӧрӧ эзӧ мунӧ.
6 Ме Тэныт горӧн кеймися,
и Тэ менӧ кылан.
Енӧ, бергӧт Ассит пельтӧ меланьӧ,
кыв менчим кыввезӧс.
7 Мездісь, мыччав Ассит небыт сьӧлӧмсянь
адззывлытӧм керӧ́мтӧ
*в!
Тэ вылӧ надейтчиссесӧ
лэбтісьӧм йӧз дынісь
Тэ веськыт кинат мездан.
8-9 Енӧ, видз менӧ син моз,
Аслат борддэз увтӧ сайӧвт менӧ
Тэтӧг оліссез шогья.
Нія уськӧтчисӧ ме вылӧ,
кытшӧвтісӧ менӧ,
лэбтісисӧ лолӧс босьтны.
10 Нылӧн сьӧлӧммезныс чорзисӧ,
асьнысӧ лэбтӧмӧн баитӧны.
11 Нія быд оськӧв сьӧрын видзӧтӧны,
кытшӧвтӧны менӧ
да орӧттӧг вӧджжӧны
*г,
медбы уськӧтны му вылас.
12 Нія тшыг лев кодьӧсь,
кӧда лӧсьӧтчӧм уськӧтчыны,
вӧрпа
*д кодьӧсь,
кӧда дзебсисьӧмӧн видзчисьӧ.
13 Дӧсвидзисьӧ, сувт!
Ентӧг оліссезлӧ паныт пет,
уськӧт нійӧ.
Аслат шыпуртӧн мезды менӧ ны дынісь.
14 Дӧсвидзисьӧ, мезды менӧ отир дынісь,
кӧдналӧн пайныс дзир му вылісь ола́нын.
Нія ась тыртӧны кынӧмнысӧ сійӧн,
мый Тэ нылӧ лӧсьӧтін.
Нылӧн зоннэзныс сійӧн пӧтасӧ,
да и ны челядьлӧ кольччас.
15 А ме веськыта ола,
сійӧн понда адззыны Тэнчит чужӧ́мтӧ.
Ме саймӧ́мсянь тӧда, Тэ мекӧт,
и сьӧлӧмӧ тырӧ гажнас.
Ошкӧ́м.
*а 16:1 бӧрйисьны ─ разбираться
*б 16:4 дзескӧтны ─ притеснять, угнетать
*в 16:7 адззывлытӧм керӧ́м ─ чудо
*г 16:11 вӧджжыны ─ подкараулить, заниматься слежкой
*д 16:12 вӧрпа ─ зверь
Глава 16
