Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
151 Псалом
[Давидлӧн псалом. Гижӧм Голиафкӧт тышкасьӧ́м бӧрын.1 Воннэзӧ коласын ме вӧлі медучӧт,
айӧ керкуын ─ медтом.
Ме айӧлӧн баляэз сьӧрын видзӧті.
2 Аслам киэзӧн ме сиа орса́н кери,
чуннезнам сиэзлісь горалӧ́мсӧ лӧсьӧті.
3 Кин вермис бы висьтавны эта йылісь
менам Дӧсвидзисьлӧ?
Дӧсвидзисьыс Ачыс, Сія Ачыс менӧ кыліс.
4 Сія Ассис юӧртісьсӧ ыстіс,
менӧ айӧлӧн баляэз дынiсь босьтіс
да Аслас виӧн мавтыштіс.
5 Менам воннэзӧ басӧкӧсь да ыджыт мыгӧраӧсь,
но Дӧсвидзисьыс ны коласiсь некинӧс эз бӧрйы.
6 Ме петі тышкасьны йӧз отирись морткӧт.
Сія ёрдіс менӧ аслас бовба́ннэзӧн
*а.
7 Но ме сы киись шыпуртсӧ кыски
да сылісь юрсӧ орӧті.
Сідз ме Израиль отирсӧ умӧльтӧ́мись мезді.]
*а 151:6 бовба́н ─ идол, ас керӧм ен
Глава 151
