Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
12 Псалом
1 Сьыліссезӧн веськӧтлісьлӧ. Давидлӧн псалом.2 Дӧсвидзисьӧ, дыр кежӧ я ӧтнамӧс колин?
Тэ менӧ пыр кежӧ вунӧтін?
Мый дырна пондан сайлавны Ассит чужӧ́мтӧ?
3 Дыр я меным тӧждісьны?
Лунтыр сьӧлӧм шог менӧ личкӧ.
Кытчӧдз пондас ыждавны ме вылӧ лэбтісьӧм мортыс?
4 Дӧсвидзисьӧ, Енӧ менам,
видзӧт ме вылӧ да кыв менӧ.
Югдӧт менчим синнэзӧс,
медбы ме эг онмӧссьы кула́н онӧн.
5 Ме вылӧ лэбтісьӧм морт ась оз висьтав:
«Ме сійӧ верми».
Менӧ вашӧтліссес ась озӧ гажӧтчӧ, уся кӧ.
6 Ме эд надейтча Тэнат небыт сьӧлӧм вылӧ.
Тэ менӧ мездан,
сысянь сьӧлӧмӧ гажмас.
Сьыла Дӧсвидзисьлӧ
менӧ бурнас кытшӧвтӧ́м понда.
[Медвылісь Дӧсвидзисьлісь нимсӧ сьылӧта.]
Глава 12
