Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
11 Псалом
1 Сьыліссезӧн веськӧтлісьлӧ. Орсӧны кыкьямыс сиа орса́н вылын. Давидлӧн псалом.2 Дӧсвидзисьӧ, отсав [меным],
му вылас веськыта оліссез эд эзӧ лоӧ.
Отирыс коласын надейнӧй морттэз абуӧсь.
3 Нія ӧтамӧднысӧ бӧбӧтлӧны.
Ылӧтла́н сьӧлӧмсянь баитӧны,
кыдз виа бордӧн мавтӧны.
4 Но леститчӧмӧн баитіссезлісь да ошшасиссезлісь
Дӧсвидзисьыс ола́ннысӧ орӧтас.
5 Нія баитӧны:
«Мийӧ ӧмнаным вермам,
кужамӧ эд баитны.
Кин миянӧс вермас видзны?»
6 А Дӧсвидзись шуӧ:
«Вынтӧммезлӧн мырсьӧ́м понда,
умӧля оліссезлӧн ышлолалӧ́м понда
да ны понда, кӧднӧ мӧдӧны кыйны,
Ме лэбтіся, медбы нійӧ дорйыны».
7 Дӧсвидзисьлӧн кыввес сӧстӧмӧсь,
нія эзы́сь
*а кодьӧсь, кӧдӧ мусис весӧтісӧ,
горын сизимись сылӧтлісӧ.
8 Дӧсвидзисьӧ, Тэ миянӧс пыр видзан,
ӧння кадӧ лёк кериссез шогья дорьян.
9 Ентӧг оліссез быдлаын ветлӧтӧны,
отирыс лёк керӧ́ммезӧн ошшасьӧны.
*а 11:7 эзы́сь ─ серебро
Глава 11
