Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
13 Псалом
Сьыліссезӧн веськӧтлісьлӧ. Давидлӧн псалом.1 Мывкыдтӧм морт аслыс висьталӧ:
«Еныс абу».
Отирыс лэдзчисисӧ, сэрпсӧ керӧны,
бурсӧ некин оз кер.
2 Дӧсвидзись енӧжсянь отир вылӧ видзӧтӧ,
медбы адззыны, эм я вежӧртісьыс,
Енсӧ кошшись мортыс.
3 Туй вывсис быдӧнныс ылалісӧ,
некытчӧ озӧ туйӧ.
Бурсӧ кериссез абуӧсь, ӧтік абу.
4 Умӧльсӧ кериссес некӧр разь озӧ вежӧрсялӧ?
Менчим отирӧс нія нянь моз сёйӧны,
Дӧсвидзисьсӧ озӧ корӧ.
5 Сэтчин нійӧ полӧ́мныс кутас,
[кытӧн немись повны.]
Еныс эд олӧ ныкӧт,
кӧдна веськыта олӧны.
6 Корись морт надейтчӧ Дӧсвидзись вылӧ,
а тійӧ, умӧльсӧ кериссез, сы надея вылын сералатӧ.
7 Ок, локтіс бы Сион вывсянь отсӧтыс, мездіс Израильсӧ!
Кӧр Дӧсвидзись бӧр вайӧтас
Ассис отирсӧ, йӧз кипод увтӧ нуӧтӧммесӧ,
сэк Яков увтырыс гажмас,
Израиль отир пондас гажӧтчыны.
Ошкӧ́м.
Глава 13
