Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
10 Псалом
Сьыліссезӧн веськӧтлісьлӧ. Давидлӧн псалом.1 Ме Дӧсвидзись вылӧ надейтча.
Кыдз нӧ тійӧ меным вермат висьтавны:
«Кай моз лэбзьы керӧс вылӧ»?
2 Ентӧг оліссез ньӧвнысӧ зэлӧтӧмась.
Ньӧввуж
*а бердас ньӧвьёсьсӧ лӧсьӧтӧмась,
медбы пемытінас сӧстӧм сьӧлӧмаэзлӧ лыйны.
3 Бур ола́нлӧн увтыс
*б кӧ разьсьӧм,
мый вермас керны веськыта олісьыс?
4 Дӧсвидзисьыс Аслас Вежа Керкуын.
Сылӧн юрала́н пукӧ́сыс енӧжас,
Сылӧн синнэс кориссез сьӧрын видзӧтӧны,
Сія отирсӧ видзӧтӧмӧн тӧдмалӧ.
5 Дӧсвидзисьыс веськыта олісьсӧ видзӧтӧ-тӧдмалӧ.
А Ентӧг олісь да отирӧс ӧддьӧн дзескӧтлыны радейтісь
Сылӧ син вылӧ оз ков.
6 Лёк кериссез вылӧ
Сія сотча́н шоммез да биа истӧг
*в кисьтас.
Ны вылӧ сота́н тӧвныр ыстас ─
сэтшӧм пай нылӧ Енлӧн дозісь дӧнзяс.
7 Дӧсвидзисьыс ─ веськыта Олісь,
Сія радейтӧ веськыта керӧ́мсӧ.
Сылӧн синыс адззӧ веськыта олісьсӧ.
Ошкӧ́м.
*а 10:2 ньӧввуж ─ тетива
*б 10:3 увт ─ основание
*в 10:6 истӧг ─ сера
Глава 10
