Bible Stories
Выбрать язык
Choose Old Testament Story
Choose New Testament Story
ИОСИФ БЫДЭС ЕГИПЕТЭН КИВАЛТӤСЬ ЛУИЗ
Иосифлэн уйвӧтъёсты валэктыны быгатэмез туж кельшиз эксэйлы (фараонлы). Аслаз медоосызлы со шуиз: «Иосиф кадь, Инмар Духен тыр улӥсез, шедьтомы меда?» Собере со Иосифлы таӵе кылъёсын вазиськиз: «Ваньзэ тае тыныд Инмар усьтӥз бере, тон кадез визьмоез, валасез адями ӧвӧл. Тон мынам юртэным кивалтӥсь луод, вань калыке тынэсьтыд кылзӥськыса улоз. Быдэс Египет музъемлы мон тонэ кивалтӥсь карыса пукто, одӥгез гинэ – эксэй пуконэ – тон киын уз луы».
Соку эксэй ас чиньыысьтыз зундэссэ басьтӥз но Иосифлэн чиньыяз понӥз, чыртыяз зарни жильы ошиз, дуно басмалэсь дӥськут дӥсяз. Со косӥз, аслаз чебер вал уробояз султытыса, Иосифез быдэс Египеттӥ нуллыны. Вань калыкез куризы Иосиф азьын йыбырттыны.
Таӵе сӥё-дано ним басьтэм бераз, Иосиф соку ик кутскиз кулэ ужъёссэ быдэсъян борды. Сютэм аръёс вуыку, Египет калык медаз быры шуыса, со удалтэм аръёсы кеносъёсы юнянь люканы кутскиз.
Улон-вылон 41:37-48
72 
