Bible Stories
Выбрать язык
Choose Old Testament Story
Choose New Testament Story
АПОСТОЛЪЁСЛЭН УЖЪЁССЫ
Та дырозь ми гожъямы Иисус Христослэн Инме ӝутскемезлэсь азьвыл ортчем ужпумъёс сярысь. Та ужпумъёс гожтэмын Выль Сӥзёнлэн ньыль книгаяз, соосты Евангелие, асьме кылэ берыктыса, Ӟеч Ивор шуо. Та книгаосты гожтӥзы Инмарлэн ӝутэм, бакель карем муртъёсыз – Матфей, Марк, Лука но Иоанн.
Выль Сӥзёнысь витетӥез книга “Апостолъёслэн ужъёссы“ шуыса нимаське. Та книгаын тросгес гожъямын Христос Инмарлы осконлэн Рим кунэ – туала Израиль, Турция, Греция, Италия кунъёсын улӥсь калыкъёс пӧлы вӧлмемез сярысь. “Апостолъёслэн ужъёсазы“ тросгес саклык висъяське Петр но Павел апостолъёслэн ужан-тыршонзылы, уката ик Зэм Инмарез тодӥсьтэм язычникъёслэсь дуннезэс Павел апостоллэн югдытон ужезлы. Тодады вайыны кулэ: Вуж Сӥзёнлэн шорсюлмыз луэ еврей калыклэсь ортчем сюрессэ тодытон; Инмарлэсь та калык сярысь сюлмаськонзэ веран; Инмарлэсь та калык пӧлын вордӥськем Пиез, Мессия, Иисус Христос пыр дунне вылысь вань калыкъёсты бакель карыны малпамзэ но утиськон сётон сярысь сюлмаськонзэ ивортон.
Озьыен, “Апостолъёслэн ужъёссы“ книгаысь асьмеос адӟиськомы, кызьы Иисус Христослэн Голгофаысь кирос бордын кортӵогаськемез но улӟыса султэмез сярысь ӟеч ивор язычникъёс пӧлы но вӧлмыны кутске.
Лыдъяло, “Лукалэсь Ӟеч Ивор“ но “Апостолъёслэн ужъёссы“ книгаосты гожтӥз Лука, дышетскем адями, врач. Та книгаос гожтэмын Иисус Христослэн вордскемез бере ог 63 аръёс ортчыса.
442 
