Bible Stories
Выбрать язык
Choose Old Testament Story
Choose New Testament Story
«СЮРЕС НО, ЗЭМЛЫК НО, УЛОН НО...»
Тани Иисус Христос Кузё-Инмармылэн куд-ог тужгес кулэ луись дышетонъёсыз:
«Мон – сюрес но, зэмлык но, улон но; Мон пыр сяна нокин но Атай доры уг лыкты (Ин. 14:6).
Мон – улӟыса султон но улон. Мыным оскись кулӥз ке но, улоз (Ин. 11:25).
Мон луисько улонлэн нянез; Мон доры лыктӥсь муртлэн кӧтыз уз сюма, Мыным оскись муртлэн сюэз ноку но уз куасьмы (Ин. 6:35).
Адями Пи быремзэ утчаны, сое утьыны лыктӥз (Лк. 19:10).
Нырысь ик Инмарлэсь Эксэйлыксэ но Солэсь шонерлыксэ утчалэ... (Мф. 6:33).
Тӥледлы каньыллык кельтӥсько, Аслэсьтым каньыллыкме тӥледлы сётӥсько: Мон тӥледлы озьы уг сётӥськы, кызьы дунне сётэ. Тӥляд сюлэмды ӝоже медаз усьы, медаз но курда (Ин. 14:27).
Ваньды курадӟыса, шугадӟыса улӥсьёс, лыктэлэ Мон доры, Мон тӥледыз буйгато. Мынэсьтым зӥбетме вылады басьтэлэ но Мынэсьтым дышетске, Мон уго востэм, зӥбыт сюлмыным; соку лулдылы каньылан шедьтоды. Мынам зӥбетэ ӟеч, ныпъетэ капчи (Мф. 11:28-30).
Мынэсьтым кылме кылзӥськись но Монэ Ыстӥсьлы оскись муртлэн быронтэм улонэз вань, судэ но уз сюры, со кулонысь улонэ выжемын (Ин. 5:24).
Кин Мон сьӧры мыныны турттэ, аслэсьтыд ачид куштӥськы, киростэ басьты но Мон бӧрсьы мын (Лк. 9:23).
Котькудзэ но, кин Монэ тодэмзэ калык азьын ватытэк вераз ке, сое тодэмме Мон но Инмысь Атае азьын ватытэк верало. Нош кин калык азьын Мынэсьтым куштӥськиз ке, солэсь Мон но Инмысь Атае азьын куштӥсько (Мф. 10:32-33).
Ин но музъем бырозы, нош Мынам кылъёсы уз быре» (Лк. 21:33).
440 
