Bible Stories
Выбрать язык
Choose Old Testament Story
Choose New Testament Story
ИИСУС УЛЭП
Кулэмысь улӟыса султэм сярысь паймымон иворез вераны кышномуртъёс мыныку, соосты сюрес вылысен Иисус пумитаз, Со шуиз: «Шумпотэлэ!» Соос туж шумпотӥзы. Сое адӟыса, матаз лыктыса, Со азе йыбырттӥзы. Соку Иисус соослы шуиз: «Эн кышкалэ! Мынэлэ, Мынам агай-вынъёсылы ивортэлэ...»
Дас одӥг дышетскисьёс доры вуыса, кышномуртъёс веразы, улӟыса султэм Иисусэз адӟимы шуыса. Нош ӝоже усем, куректыса улӥсь дышетскисьёслы соослэн верамзы юнме кылъёс кадь гинэ потӥзы, соослы соос ӧз оске.
Озьы ке но, Иисуслэн улӟыса султэмез сярысь иворез кылэм беразы, Петрен Иоанн шайгу доры бызьыса мынӥзы. Соослэн ас синмынызы Сое адӟемзы потӥз. Соослэн сюлмазы Иисусэз яратон ӝуа вал, но... соос валаны ӧз быгатэ Иисуслэсь Инмар Эксэйлык сярысь верам кылъёссэ. Соос малпало вал, Христос таяз дуннеын бадӟым эксэй луоз шуыса. Иисуслэсь «Инмар Эксэйлык тӥляд пушкады» шуэм кылъёссэ соос ӧз валалэ.
Иоанн Петрлэсь ӝоггес бызиз, со нырысь ик вуиз Иисусэз ватэм шайгу доры. Мыкыртӥськыса шайгуэ учкиз но отын кыллись шобырез гинэ адӟиз, отчы ӧз пыры, Петрез возьмаса улӥз. Иоанн бӧрсьы Петр вуиз, шайгуэ пыриз но отын кыллись бинялтэм дэраез адӟиз, со дэраен Иисуслэн мугорыз бинямын вал; йыр вылаз понэм шобретэз нимаз кыллиз. Иоанн но шайгуэ пыриз, тырттэм кылем гуысь дэра шобретэз гинэ со адӟиз. Соку со оскиз, Кузё-Инмар зэмзэ ик улӟыса султӥз шуыса. Соос уг на тодо вал Гожтэмысь чуръёсты – Иисуслы кулэмысь улӟыса султыны кулэ шуэмез.
Матфейлэсь Ӟеч Ивор 28:8-10; Лукалэсь Ӟеч Ивор 24:9-11; Иоаннлэсь Ӟеч Ивор 20:3-9
430 
