Bible Stories
Выбрать язык
Choose Old Testament Story
Choose New Testament Story
ИИСУС ВОЗЬМАТСКЕ ЕММАУСЭ МЫНӤСЬ ДЫШЕТСКИСЬЁСЫЗЛЫ
Со нуналэ ик дышетскисьёсыз пӧлысь кыкез мыно вал Иерусалимлы матысь Еммаус гуртэ. Берло дыре луэм учыръёс сярысь вераськыса мынӥзы. Ачиз Иисус, матазы лыктыса, соосын ӵош мынӥз, нош соос Сое ӧз тодмалэ.
Иисус дышетскисьёсызлэсь юаз: «Мар сярысь тӥ куспады вераськыса мынӥськоды, малы тӥ ӝожмытэсь?» Соос пӧлысь одӥгез, Клеопа нимоез, Солы ответ сётыса шуиз: «Иерусалиме лыктэмъёс пӧлысь, оло, Тон огнад уд тодӥськы наа, та нуналъёсы отын мар луэм сярысь?.. Милям архиерейёсмы, кузёйыръёсмы Иисусэз виыны кутыса сётӥзы но Сое кортӵогазы. Нош ми оскиськиськомы вал, Со луэ Ачиз, Израилез мозмытыны Лыктӥсь. Но, тани, табере туннэ куинетӥ нуналэз ини, кызьы та ваньмыз ортчиз...»
Соку Иисус соослы шуиз: «Э, нодтэмъёс, сюлмыныды пророкъёслэн азьланез сярысь вань верамъёссылы оскыны дыг муртъёс! Тазьы кулэ ӧй вала Христослы курадӟонэз чиданы но Аслаз пиштӥсь данлыказ пырыны?» Моисей бордысен кутскыса, вань пророкъёслэсь, быдэс Священной Гожтэмысь Со сярысь верамзэс валэктыса улӥз. Мыноно гуртсылы матэ вуэм беразы, соос Иисусэз кошкыны лэзьытэк выризы: «Милемын огазе кыль, нунал ӝыт пала кыстӥське ни ук». Соку Иисус соосын ӵош корка пыриз.
Ӝыт нянь сиыкузы, нянез басьтыса, бакель (благословить) кариз но тӥялтыса соослы сётъяз. Соку соослэн синъёссы усьтӥськизы, соос Иисусэз тодмазы. Нош Иисус со виын ик соос понна адскисьтэм луиз. Соос ог-огзылы шуизы: «Асьмелэн пушкамы сюлэммы ӧз ӝуаа, куке Со асьмелы сюрес вылысен вераз, куке Священной Гожтэмез асьмелы валэктылӥз?»
Лукалэсь Ӟеч Ивор 24:13-32
432 
