Bible Stories
Выбрать язык
Choose Old Testament Story
Choose New Testament Story
САМАРИЯЫСЬ КЫШНОМУРТЭН ПУМИСЬКОН
Иисус, Самарияысь Сихарь каре дышетскисьёсыныз ӵош вуэм бераз, жадьыса гудӟем (колодча) дуре пуксиз, нош дышетскисьёсыз сиён басьтыны кошкизы. Лымшор вадес вал. Соку Самарияысь кышномурт ву омыртыны лыктӥз. Иисус солы шуиз: «Вай Мыным юыны». Кышномурт паймыса шуиз: «Иудей луыса вылысь, кызьы Тон мынэсьтым, Самария кышномуртлэсь, юыны куриськод?..» Иисус солы шуиз: «Инмар кузьымез но Кин тыныд вера: “Вай мыным юыны“ тон тодысалыд ке, тон ачид Солэсь курысалыд, нош Со тыныд улэп ву сётысал». Соку кышномурт солы шуэ: «Кузё! Тыныд омыртыны но номырин, нош гудӟем мур: кытысь бен Тынад улэп вуэд?..» Иисус солы ответ сётыса шуэ: «Котькинлэн но та вуэз юись муртлэн нош ик сюэз куасьмоз. Нош кин Мынэсьтым сётэм вуме юиз ке, солэн ноку но сюэз уз ни куасьмы; Мынам солы сётэм вуэ со пушкын ошмеслы пӧрмоз, кудӥзлэн вуэз быронтэм улонэ бызе». Инмар сярысь тодытыса, Иисус кышномуртлы шуиз: «Инмар – со Дух, Солы йыбыртъясьёс духен но зэмлыкен йыбыртъяны кулэ». Кышномурт Солы шуэ: «Тодӥсько, Мессия, мукет сямен вераса, Христос, лыктоз шуыса. Со лыктӥз ке, соку ваньзэ милемлы ивортоз». Иисус солы шуиз: «Мон со – тонэн Вераськись». Соку кышномурт ву нуллонзэ кельтӥз но, городэ мыныса, пумитам Адями сярысь вераз: «Со Христос ӧвӧл меда?» Кышномуртлэн верамезъя, тросэз Самарияын улӥсьёс Иисуслы оскыны кутскизы. Иисус доры лыктыса, соос дорын Со мед улоз на вал шуыса, Сое куризы. Отын Иисус кык нунал улӥз. Со вераськем бере, эшшо но трос мурт оскыны кутскиз.
Та веран возьматэ тае: Кузё-Инмар азьын вань калыкъёс, вань выжыос огкадь, ваньмы асьмеос Солэн кылдытэмъёсыз луиськомы, Со одӥгзэ но улӥё-вылӥё уг кары.
Иоаннлэсь Ӟеч Ивор 4:1-42
324 
