Bible Stories
Выбрать язык
Choose Old Testament Story
Choose New Testament Story
ПАЙМЫМОН ЧОРЫГ КУТОН
Ӵем дыръя Иисус калыкез зарезь дурын дышетыса улӥз. Куд-ог дыръя Со ярдурын сылӥсь пыже пыре но отысен тодытэ вал. Та нуналэ туж трос калык люкаськемен, калык пушкы Сое ӝиптӥзы, вераськыны ик секыт луиз. Ву вылын кык тырттэм пыжъёс сыло вал, одӥгез – Симонлэн. Иисус Симонлэн пыжаз пырыса пуксиз но отысен ярдурын сылӥсь калыкез дышетыны кутскиз.
Дышетыса дугдэм бераз, Иисус Симонлы шуиз: «Мур азегес полыса, чорыг кутылыны калтондэс вуэ лэзе». Симон солы шуиз: «Дышетӥсь! Ми уйбыт тыршимы, нош номыр но ӧм кутэ; но Тынад косонэдъя калтонэз лэзё». Калтэм беразы, туж трос чорыг сюриз, калтонзы ик ӟезиськылыны кутскиз. Иаковен Иоаннэз ӧтиз но, кыказ ик пыже пачылаз чорыг тыризы, нош секытлы чидатэк, пыжзы выйыны кутскиз. Тае адӟыса, Симон Иисус азе пыдесъяськыса шуиз: «Кузё-Инмаре! Пот мон дорысь, мон сьӧлыко адями уго». Та кылъёсты со кышкатскеменыз сэрен вераз, аслэсьтыз сьӧлыко луэмзэ тодыса но Быдӟым Кузё-Инмарен артэ сылыны ярантэм луэмзэ шӧдыса. Иисус Симонлы шуиз: «Эн курда! Та дырысен тон адямиосты кутылод».
Аръёс ортчизы но, зэмзэ ик, Симон Ӟеч Иворез калык пӧлын тодытыны кутскиз, трос адямиосты Иисус пала берыктӥз, озьы со калыкез сьӧлыкъёс пӧлын быронлэсь утьыны кутскиз.
Лукалэсь Ӟеч Ивор 5:1-10
326 
