Выбрать язык
Choose Old Testament Story
Choose New Testament Story
Тиде книга тӱҥалтыште Юмын Шкенжын тӱсшӧ почеш Шкеж гай айдемым ыштымыже нерген ойлалтеш. Айдеме поро чонан, чын верч шогышо, языкдыме лийже, шонен. Но икымше айдеме-влакак, Адам ден Ева, язык ваштареш шоген кертын огытыл. Вашке мландӱмбалне пеш шуко язык лийын. А языкын акше – курымешлан колымаш.
Юмо мландӱмбалне ик калыкым, Израиль тукымым, ойырен налын. Тудыжо чын Юмылан ӱшанымашым аралышаш да кӱштымыжым шуктен шогышаш улмаш. Тӱням утарышаш Христос толшашлык нерген пророк-влак гоч Израиль калыклан Юмо шуэн огыл ойлен. Ончыкылык лийшашым пален, Иисус Христосын шочмыж деч шымшӱдӧ ий ондакак Исаия тыге каласен: «Мыланна аза шочын, мыланна Эрге пуалтын; вачыштыже власть лиеш. Тудын лӱмжӧ: Кӱдыратле*а Каҥашпуышо, Виян Юмо, Курымашлык Ача, Тынысын Кугыжаже». Михей шочшаш вержымат каласен: «Вифлеем! Тый дечетак Мылам Израильыште курым-курымешлан Кугыжаланыше лектеш».
Исаиян книгаштыже ме Христосын молан толмыжым пален налына: айдеме тукымым язык деч кораҥдаш, тудым Юмо деке савыраш да чылаштымат утараш, нунын сулыкышт верч колымашым вашлияш. «Тудо мемнан языкланна кӧра сусыргыл пытен да осал пашаланна кӧра орланен. Тудын сусыржо-влак дене ме паремын улына.»
Чыла тиде ой Иисус Христосын мланде ӱмбаке толмыж гоч шукталтын. Мемнан книгаштына умбакыже Иисусын шочмыжо, Тудын илышыже да туныктымыжо, Тудын колымыжо да ылыж кынелмыже нерген ойлалтеш.
Исаия (Книга Пророка Исаии) 9:6; 53:5; Михей (Книга Пророка Михеи) 5:2
*а Кӱдыратле – величественный, великий.
62 
