Bible Stories
Choose language
Choose Old Testament Story
Choose New Testament Story
ЫДЖЫД ЛУНСЯ БАЛЯЛÖН ВИР
Фараон аддзылiс став тайö ыджыд шензьöданаторсö да Енлысь мыждöмсö, но сылöн сьöлöмыс эз небзьы. Мöисей юöртiс сылы бöръя мыждöмсö: «Тадзи шуö Господь: ”Вой шöрнас Ме муна Египетöд. Сэки Египет муын быдöнлöн кулас медводдза пиыс: фараонлöн писянь да изки бердын пукалысь кесйöглöн пиöдз. Гортса пемöсъяслöн медводдза чужысьыс тшöтш кулас”».
Мöисей пыр Ен тшöктiс Израиль войтырлы быд керкаын тайö войнас начкыны дзоньвидза да тыр-бур баляöс. Баля вирнас Ен тшöктiс мавтны öдзöс куричьяс. Ен шуис: «Вирыс лоö пасöн тiян керкаясын. Кор Ме аддза вирсö, муна бокитi да ог вöрзьöд тiян пöвстысь некодöс, кор кута мыждыны Египет му». Начкöм балясö Ен тшöктiс пражитны да сёйны яйсö ставнас.
Израиль войтыр вöчис Енлöн тшöктöм серти. А вой шöрнас фараонлöн да став египетсаыслöн кулiс медводдза пиыс. Египет муын кылiс гораа бöрдöм шы. Быд египетса керкаын вöлi шой.
Тайö кадсяньыс Ен индiс Израиль войтырлы пасйыны Ыджыд лун, Паска, еврей кывйöн кö, ”песах”, вежöртасыс ”бокитi мунöм” либö ”вуджöм”. Быд во Ыджыд лун дырйи Египетысь петöмсö казьтылiгöн Израиль войтыр сёйö ыж яй да шоммöдтöм нянь.
Петöм 11, 12:1-30
90 
